വാഷിംഗ്ടൺ: യുഎസ് പ്രസിഡൻ്റ് തെരഞ്ഞെടുപ്പിലെ രണ്ട് സ്ഥാനാർത്ഥികളായ ഡൊണാൾഡ് ട്രംപും ജോ ബൈഡനും തമ്മിൽ വ്യാഴാഴ്ചയാണ് ആദ്യ സംവാദം നടന്നത്. ഇരു നേതാക്കളും പരസ്‌പരം രൂക്ഷ വിമർശനം അഴിച്ചുവിട്ടതോടെ ഇരുപക്ഷത്തുനിന്നും ചൂടേറിയ വാദപ്രതിവാദങ്ങളാണ് നടന്നത്.
ഒരു അശ്ലീല താരവുമായുള്ള ബന്ധത്തെ കുറിച്ച് ട്രംപിനെ പരിഹസിച്ച ബൈഡന്, വ്യക്തിപരമായ ആക്രമണത്തിൽ പറഞ്ഞു, “നിങ്ങളുടെ ഭാര്യ ഗർഭിണിയായിരിക്കുമ്പോൾ, നിങ്ങൾ ഒരു അശ്ലീല താരവുമായി ശാരീരിക ബന്ധത്തിലായിരുന്നു.”
ചർച്ചയ്ക്കിടെ ഡൊണാൾഡ് ട്രംപ് വളരെ ആക്രമണാത്മകമായി കാണപ്പെട്ടു. 90 മിനിറ്റ് നീണ്ട സംവാദത്തിൽ, അദ്ദേഹം നിരവധി തെറ്റായ അവകാശവാദങ്ങളും ഉന്നയിച്ചു. ഇരു നേതാക്കളും പരസ്‌പരം വ്യക്തിപരമായ ആക്രമണങ്ങൾ നടത്തുന്നതിൽ നിന്ന് വിട്ടുനിന്നില്ല.
ബൈഡൻ ട്രംപിനെ കുറ്റവാളി, നുണയൻ, കഴിവുകെട്ടവന്‍ എന്നിങ്ങനെ വിശേഷിപ്പിച്ചു. അതിന് മറുപടിയായാണ് ബൈഡൻ്റെ മകനെ ട്രംപ് കുറ്റവാളിയെന്ന് വിളിച്ചത്. സംസാരിക്കുന്നതിനിടയിൽ ബൈഡൻ അൽപ്പം മുരടനക്കിയപ്പോള്‍, ട്രംപ് അദ്ദേഹത്തിൻ്റെ ആരോഗ്യത്തെക്കുറിച്ചും വർധിച്ചുവരുന്ന പ്രായത്തെക്കുറിച്ചും പരിഹസിച്ചു. “അദ്ദേഹം (ബൈഡൻ) പറയുന്നതൊന്നും മനസ്സിലാകുന്നില്ല എന്നും അദ്ദേഹം പറയുന്നത് അദ്ദേഹത്തിനു പോലും താൻ എന്താണ് പറയുന്നതെന്ന് അറിയില്ല” എന്നും ട്രംപ് പരിഹസിച്ചു. ഒരു അശ്ലീല താരവുമായി ട്രംപിന് ബന്ധമുണ്ടെന്ന് സംവാദത്തിനിടെ ജോ ബൈഡനും ആരോപിച്ചു. എന്നാൽ, ബൈഡൻ്റെ ആരോപണങ്ങൾ നിഷേധിച്ച ട്രംപ് തൻ്റെ പ്രതിച്ഛായ തകർക്കാൻ തന്നെ കേസിൽ കുടുക്കിയതാണെന്നും പറഞ്ഞു.
ബൈഡൻ്റെ ആരോഗ്യനില സംബന്ധിച്ച് ചോദ്യങ്ങൾ ഉയർന്നു
ചർച്ചയ്ക്ക് ശേഷം, പ്രസിഡൻ്റ് ജോ ബൈഡൻ്റെ ആരോഗ്യത്തെക്കുറിച്ചും ചോദ്യങ്ങൾ ഉയർന്നു. വാസ്തവത്തിൽ, മുഴുവൻ സംവാദത്തിനിടയിലും, ജോ ബൈഡൻ ഇടറുന്നതും സംസാരിക്കാൻ പാടുപെടുന്നതും കാണപ്പെട്ടു. അതിന് പിന്നാലെ ബൈഡൻ്റെ പ്രായവുമായി ബന്ധപ്പെട്ട ആശങ്കകൾ വീണ്ടും ചൂടുപിടിച്ചിരിക്കുകയാണ്.
ബൈഡൻ സംസാരിക്കുമ്പോൾ ആവർത്തിച്ച് ഇടറി, വരികൾ വീണ്ടും വീണ്ടും ആവർത്തിച്ചു. ഈ കാലയളവിൽ, തെറ്റായ പ്രസ്താവനകൾ നടത്തുകയും ചില സമയങ്ങളിൽ ദീർഘനേരം അനങ്ങാതിരിക്കുകയും ചെയ്തു. അതുകൊണ്ടാണ് അദ്ദേഹത്തിന്റെ വർദ്ധിച്ചുവരുന്ന പ്രായത്തെക്കുറിച്ച് ചോദ്യങ്ങൾ ഉയരുന്നത്.
ബൈഡന് നിലവിൽ 81 വയസ്സുണ്ട്, അദ്ദേഹത്തിന്റെ ആരോഗ്യം കണക്കിലെടുക്കുമ്പോൾ, വീണ്ടും തിരഞ്ഞെടുക്കപ്പെട്ടാല്‍ നാല് വർഷത്തെ കാലാവധി പൂർത്തിയാക്കാൻ അദ്ദേഹം യോഗ്യനല്ലെന്ന് പലരും വിശ്വസിക്കുന്നു.
