വാഷിംഗ്ടണ്‍: ആഭ്യന്തര ഉൽപ്പാദനം വർധിപ്പിച്ച റഷ്യയെക്കാൾ ഗ്രൂപ്പിന് മുന്നിൽ നിൽക്കാൻ ഓരോ അംഗ രാജ്യത്തിനും അവരുടെ വ്യാവസായിക അടിത്തറ ശക്തിപ്പെടുത്തുക എന്നതാണ് നേറ്റോ സഖ്യത്തിൻ്റെ മുന്നോട്ടുള്ള വഴിയെന്ന് യുഎസ് പ്രസിഡൻ്റ് ജോ ബൈഡൻ ബുധനാഴ്ച പറഞ്ഞു.
ഫിൻലാൻഡിൻ്റെയും സ്വീഡൻ്റെയും നേതാക്കൾ ഉൾപ്പെടുന്ന 32 നേറ്റോ രാജ്യങ്ങളുടെ നേതാക്കൾ, രണ്ട് പുതിയ അംഗങ്ങളെ ഗ്രൂപ്പില്‍ ചേര്‍ക്കുന്നതുള്‍പ്പടെ, ഗ്രൂപ്പിൻ്റെ 75-ാം വാർഷികത്തിനായി വാഷിംഗ്ടൺ ഡിസിയിൽ യോഗം ചേര്‍ന്നു. റഷ്യയുടെ ഉക്രെയ്ൻ അധിനിവേശം രണ്ടാം ലോക മഹായുദ്ധത്തിൻ്റെ ഓർമ്മകൾ തിരികെ കൊണ്ടുവരുന്നതായി അവര്‍ അഭിപ്രായപ്പെട്ടു.
വിജയിച്ചാൽ നാല് വർഷം കൂടി ഭരിക്കാനുള്ള തൻ്റെ കഴിവിനെ സംശയിക്കുന്ന സഖ്യകക്ഷികളുടെ ഭയം അകറ്റാൻ, അംഗരാജ്യങ്ങൾക്ക് വളരാനും അഭിവൃദ്ധി പ്രാപിക്കാനും സഖ്യം ഒരു സുരക്ഷാ കവചം നൽകിയിട്ടുണ്ടെന്ന് യുഎസ് പ്രസിഡൻ്റ് പറഞ്ഞു. രണ്ട് വർഷം മുമ്പ് നടന്ന ഉച്ചകോടിയിൽ സഖ്യകക്ഷികൾ തങ്ങളുടെ പ്രതിരോധവും സുരക്ഷയും നവീകരിക്കാൻ തീരുമാനിച്ചിരുന്നു. എന്നാൽ, സഖ്യം ഇപ്പോൾ പുതിയ വെല്ലുവിളികൾ നേരിടുകയാണ്, അദ്ദേഹം പറഞ്ഞു.
“ഇപ്പോൾ, പ്രതിരോധ ഉൽപാദനവുമായി ബന്ധപ്പെട്ട് റഷ്യ ഒരു യുദ്ധകാലഘട്ടത്തിലാണ്. ആയുധങ്ങൾ, യുദ്ധോപകരണങ്ങൾ, വാഹനങ്ങൾ എന്നിവയുടെ ഉത്പാദനം അവർ ഗണ്യമായി വർധിപ്പിക്കുന്നു. ചൈന, ഉത്തര കൊറിയ, ഇറാൻ എന്നിവയുടെ സഹായത്തോടെയാണ് അവർ ഇത് ചെയ്യുന്നത്. എൻ്റെ കാഴ്ചപ്പാടിൽ നമ്മള്‍ (നാറ്റോ) സഖ്യത്തെ പിന്നോട്ട് പോകാൻ അനുവദിക്കില്ല,” ബൈഡന്‍ പറഞ്ഞു.
അതിനായി, നാം പ്രതിരോധ ഉൽപ്പാദനം വർധിപ്പിക്കുന്നതിനുള്ള പദ്ധതികൾ തയ്യാറാക്കാൻ ഓരോ അംഗവും പ്രതിജ്ഞയെടുകണമെന്ന് അദ്ദേഹം പറഞ്ഞു. അതിനർത്ഥം ഒരു സഖ്യമെന്ന നിലയിൽ നമ്മള്‍ കൂടുതൽ നൂതനവും മത്സരപരവുമായി മാറണം. നമ്മള്‍ക്ക് ആവശ്യമുള്ളതിനേക്കാൾ വേഗത്തിൽ കൂടുതൽ നിർണായക പ്രതിരോധ ഉപകരണങ്ങൾ നിർമ്മിക്കാൻ നമ്മള്‍ക്ക് കഴിയും,” ബൈഡൻ ഉറപ്പിച്ചു പറഞ്ഞു.
