ദുബൈ: യുദ്ധത്തിൽ തകർന്ന ഗാസയ്ക്കുള്ള 5,340 ടൺ അവശ്യ സാധനങ്ങളുമായി യുണൈറ്റഡ് അറബ് എമിറേറ്റ്സിന്റെ (യുഎഇ) നാലാമത്തെ സഹായ കപ്പൽ ഈജിപ്തിലെ അൽ അരിഷ് തുറമുഖത്ത് വിജയകരമായി എത്തി. ഈജിപ്ഷ്യൻ ഗവർണറേറ്റായ നോർത്ത് സിനായിലെ അരിഷ് തുറമുഖത്ത് വ്യാഴാഴ്ചയാണ് കപ്പൽ എത്തിയത്.
ഈജിപ്ഷ്യൻ അധികൃതരുമായി ഏകോപിപ്പിച്ചാണ് കപ്പൽ റാഫ ക്രോസിംഗ് വഴി എത്തിയതെന്ന് എമിറേറ്റ്സ് ന്യൂസ് ഏജൻസി റിപ്പോർട്ട് ചെയ്തു.
ഗസ്സയിലെ പലസ്തീൻ ജനത അനുഭവിക്കുന്ന പ്രയാസകരമായ സാഹചര്യങ്ങൾക്കിടയിലും അവരെ സഹായിക്കാൻ യുഎഇ ആരംഭിച്ച ഓപ്പറേഷൻ “ചൈവൽറസ് നൈറ്റ് 3” ൻ്റെ (Chivalrous Knight 3) ഭാഗമായി ജൂലൈ 8 നാണ് യുഎഇയിലെ ഫുജൈറ തുറമുഖത്ത് നിന്ന് കപ്പൽ പുറപ്പെട്ടത്.
“ചൈവൽറസ് നൈറ്റ് 3” പദ്ധതിയുടെ ഭാഗമായി അരീഷിൽ എത്തുന്ന നാലാമത്തെ കപ്പൽ, ഗാസ മുനമ്പിലേക്കുള്ള എട്ടാമത്തെ യുഎഇ സഹായ കപ്പലാണ്. ചരക്കുകളുടെയും ഉള്ളടക്കങ്ങളുടെ വൈവിധ്യത്തിൻ്റെയും അടിസ്ഥാനത്തിൽ ഗാസയിലേക്ക് അയച്ച ഏറ്റവും വലിയ യുഎഇ സഹായ കപ്പലാണിത്.
145,000 പൊതികളുള്ള 4,134 ടൺ ഭക്ഷണപ്പൊതികളും 145 ടൺ അരിയും മാവുകളും ഉൾപ്പെടെ 5,340 ടൺ ദുരിതാശ്വാസ ഭക്ഷണസാധനങ്ങളും കപ്പലിലുണ്ട്.
കൂടാതെ, 110 ടൺ വെള്ളം 200,000-ത്തിലധികം പാക്കേജുകൾ, 4,000-ത്തിലധികം ടെൻ്റുകൾ, സ്ത്രീകൾക്കും കുട്ടികൾക്കുമായി 42,000 ആരോഗ്യ പാക്കേജുകൾ, സൂര്യ വെളിച്ചം, കാറ്റ്, പൊടി മുതലായവ പ്രതിരോധിക്കാന്‍ ശേഷിയുള്ള കവറുകൾ, 1,600 ദുരിതാശ്വാസ ബാഗുകൾ എന്നിവയുമുണ്ട്.
എമിറേറ്റ്സ് റെഡ് ക്രസൻ്റ്, സായിദ് ബിൻ സുൽത്താൻ അൽ നഹ്യാൻ ചാരിറ്റബിൾ ആൻഡ് ഹ്യുമാനിറ്റേറിയൻ ഫൗണ്ടേഷൻ, ഖലീഫ ബിൻ സായിദ് അൽ നഹ്യാൻ ഫൗണ്ടേഷൻ എന്നിവയാണ് കപ്പലിലേക്കുള്ള ചരക്ക് നൽകിയത്. 313 ട്രക്കുകൾ കപ്പലിലേക്ക് ചരക്ക് ഇറക്കാന്‍ ഉപയോഗിച്ചു.
നമ്മുടെ പലസ്തീൻ സഹോദരങ്ങൾ അനുഭവിച്ച പ്രയാസകരമായ സാഹചര്യങ്ങളുടെ തുടക്കം മുതൽ, ലഭ്യമായ എല്ലാ മാർഗങ്ങളിലൂടെയും അവരെ സഹായിക്കുന്നതിൽ യുഎഇ അതിൻ്റെ മാനുഷികവും ആശ്വാസകരവുമായ പങ്ക് നിറവേറ്റുന്നത് തുടരുകയാണെന്ന് ERC സെക്രട്ടറി ജനറൽ റാഷിദ് മുബാറക് അൽ മൻസൂരി പറഞ്ഞു.
നാലാമത്തെ കപ്പൽ ഗാസ മുനമ്പിലേക്കുള്ള വരവ് ഒരു സുപ്രധാന ചുവടുവെപ്പാണെന്ന് അൽ മൻസൂരി ഊന്നിപ്പറഞ്ഞു. കാരണം, ഇത് ചരക്കുകളുടെയും വിവിധ സഹായങ്ങളുടെയും കാര്യത്തിൽ ഏറ്റവും വലുതാണ്, ഫലസ്തീനികളുടെ വിവിധ ആവശ്യങ്ങൾ ഉൾക്കൊള്ളുന്നു.
ഗാസയിലും മറ്റ് അധിനിവേശ പ്രദേശങ്ങളിലും നടന്നുകൊണ്ടിരിക്കുന്ന ഇസ്രയേൽ ആക്രമണം മൂലം കുടിയൊഴിപ്പിക്കപ്പെട്ട പലസ്തീൻ കുടുംബങ്ങൾക്ക് അടിയന്തര സഹായം നൽകുന്നതിന് യുഎഇ ആരംഭിച്ച മാനുഷിക സംരംഭമാണ് ഓപ്പറേഷൻ “ചൈവൽറസ് നൈറ്റ് 3”.
ഓപ്പറേഷൻ യുഎഇയുടെ ഭാഗമായി രണ്ട് ഫീൽഡ് ഹോസ്പിറ്റലുകൾ സ്ഥാപിക്കുന്നത് ഉൾപ്പെടെ നിരവധി സംരംഭങ്ങൾ ആരംഭിച്ചിട്ടുണ്ട്, ഒന്ന് ഗാസ സ്ട്രിപ്പിനുള്ളിലും മറ്റൊന്ന് അൽ അരിഷ് നഗരത്തിൻ്റെ തീരത്ത് ഫ്ലോട്ടിംഗ് ഹോസ്പിറ്റലും.
അഞ്ച് ഓട്ടോമാറ്റിക് ബേക്കറികൾ സ്ഥാപിക്കുന്നതിന് പുറമെ ഗാസയിൽ നിലവിലുള്ള എട്ട് ബേക്കറികൾക്കും മാവ് നൽകിയിട്ടുണ്ട്. കൂടാതെ, പ്രതിദിനം 1.2 ദശലക്ഷം ഗാലൻ ഉത്പാദിപ്പിക്കുന്ന ആറ് ഡീസലൈനേഷൻ പ്ലാൻ്റുകൾ സ്ഥാപിച്ചിട്ടുണ്ട്, അവ ഗാസ മുനമ്പിലേക്ക് പമ്പ് ചെയ്യുകയും 600,000-ത്തിലധികം ആളുകൾക്ക് പ്രയോജനം ചെയ്യുകയും ചെയ്യുന്നു.
വടക്കൻ ഗാസ മുനമ്പിലെ കരമാർഗം എത്തിച്ചേരാൻ കഴിയാത്ത ഒറ്റപ്പെട്ട പ്രദേശങ്ങളിലേക്ക് മാനുഷിക സഹായം എത്തിക്കുന്നതിനായി ജോയിൻ്റ് ഓപ്പറേഷൻസ് കമാൻഡ് ഓപ്പറേഷൻ “ബേർഡ്സ് ഓഫ് ഗുഡ്‌നെസ്” (Birds of Goodness) ആരംഭിച്ചിരുന്നു.
ഗാസയിലേക്ക് 3,382 ടൺ ദുരിതാശ്വാസവും മാനുഷിക വിതരണവും ഇതുവരെ നല്‍കിയിട്ടുണ്ട്.
