ആർട്ടിക്കിൾ 370, ആർട്ടിക്കിൾ 35 (എ) എന്നിവ പ്രകാരം നൽകിയിട്ടുള്ള ഭരണഘടനാപരമായ സംരക്ഷണങ്ങൾ നിലവിലില്ലാത്തതിനാൽ കഴിഞ്ഞ അഞ്ച് വർഷമായി വിദ്യാസമ്പന്നരായ യുവാക്കളെയാണ് ഏറ്റവും കൂടുതൽ ബാധിച്ചതെന്ന് ലഡാക്കിൽ നിന്നുള്ള സ്വതന്ത്ര എംപി മുഹമ്മദ് ഹനീഫ പറഞ്ഞു.
ന്യൂഡൽഹി: ജമ്മു കശ്മീരിനെപ്പോലെ ലഡാക്കും കേന്ദ്ര ഭരണ പ്രദേശമാക്കി മാറ്റിയിട്ട് അഞ്ച് വർഷമായി. പ്രാരംഭ ആഘോഷങ്ങൾക്ക് ശേഷം ലഡാക്കിൽ തുടർച്ചയായ അതൃപ്തിയാണ് നിലനില്‍ക്കുന്നത്. അവിടെയുള്ള ജനങ്ങളും നേതാക്കളും പലതരം ഭീതികളാൽ വലയുകയാണ്. ഞായറാഴ്ച (ജൂലൈ 4) ലഡാക്ക് എംപി മുഹമ്മദ് ഹനീഫ ഒരു മാധ്യമത്തിന് നല്‍കിയ അഭിമുഖത്തിൽ ലഡാക്ക് കേന്ദ്ര ഭരണ പ്രദേശമാക്കി മാറ്റിയിട്ട് അഞ്ച് വർഷമായെന്നും, എന്നാൽ അതിനുശേഷം ഒരു ഗസറ്റഡ് തസ്തികയിലേക്കുള്ള റിക്രൂട്ട്‌മെൻ്റ് നടന്നിട്ടില്ലെന്നും പറഞ്ഞു.
ആർട്ടിക്കിൾ 370, ആർട്ടിക്കിൾ 35 എ എന്നിവ പ്രകാരം നൽകിയിട്ടുള്ള ഭരണഘടനാ പരിരക്ഷകൾ നിലവിലില്ലാത്തതിനാൽ കഴിഞ്ഞ അഞ്ച് വർഷത്തിനിടെ കേന്ദ്രഭരണ പ്രദേശത്തെ വിദ്യാസമ്പന്നരായ യുവാക്കളെയാണ് ഏറ്റവും കൂടുതൽ ബാധിച്ചതെന്ന് ലോക്‌സഭാ തെരഞ്ഞെടുപ്പിൽ ബിജെപി സ്ഥാനാർത്ഥിയെ പരാജയപ്പെടുത്തിയ സ്വതന്ത്രനായ ഹനീഫ പറഞ്ഞു.
ഭരണഘടനയുടെ ആർട്ടിക്കിൾ 370 പ്രകാരം ജമ്മു കശ്മീരിൻ്റെ പ്രത്യേക പദവി 2019 ഓഗസ്റ്റ് 5-ന് പാർലമെൻ്റ് റദ്ദാക്കിയിരുന്നു. അതോടൊപ്പം, പാർലമെൻ്റ് പാസാക്കിയ ജമ്മു-കശ്മീർ പുനഃസംഘടന ബിൽ (2019) സംസ്ഥാനത്തിന് ജമ്മു കശ്മീല്‍, ലഡാക്ക് എന്നീ രണ്ട് കേന്ദ്ര ഭരണ പ്രദേശങ്ങള്‍ പുതിയതായി നൽകി.
ലഡാക്കിലെ ആദ്യ ആവേശത്തിന് ശേഷം, തങ്ങളുടെ സംസ്കാരം, സ്വത്വം, ഭൂമി, ജോലി എന്നിവ പുറത്തുനിന്നുള്ളവരിൽ നിന്ന് സംരക്ഷിക്കണമെന്ന് ആവശ്യപ്പെട്ട് പ്രദേശവാസികൾ തെരുവിലിറങ്ങി. 2020-ൽ, വിവിധ പ്രദേശങ്ങളിൽ നിന്നുള്ള രണ്ട് സ്വാധീനമുള്ള സിവിൽ സൊസൈറ്റി ഗ്രൂപ്പുകൾ, ലെഹ് അപെക്സ് ബോഡി (എൽഎബി), കാർഗിൽ ഡെമോക്രാറ്റിക് അലയൻസ് (കെഡിഎ) എന്നിവ ചേർന്ന് സംസ്ഥാന പദവിയും ലഡാക്കിനെ ഭരണഘടനയുടെ ആറാം ഷെഡ്യൂളിൽ ഉൾപ്പെടുത്തുകയും ചെയ്തു.
ഈ ഷെഡ്യൂൾ ആദിവാസി മേഖലകളുടെ സുരക്ഷയുമായി ബന്ധപ്പെട്ടതാണ്. രണ്ട് ലോക്‌സഭാ സീറ്റുകളിലൂടെയും ഒരു രാജ്യസഭാ സീറ്റിലൂടെയും ലഡാക്കിന് കൂടുതൽ പാർലമെൻ്ററി പ്രാതിനിധ്യവും തദ്ദേശവാസികൾക്ക് തൊഴിൽ സംവരണവും അദ്ദേഹം ആവശ്യപ്പെട്ടു.
ആർട്ടിക്കിൾ 370 റദ്ദാക്കിയതിന് ശേഷം ലഡാക്കിൽ പബ്ലിക് സർവീസ് കമ്മീഷൻ ഇല്ലാതായി എന്ന് മുഹമ്മദ് ഹനീഫ പറഞ്ഞു. ഇതുമൂലം നിയമനം നടന്നിട്ടില്ല. ബിരുദവും ബിരുദാനന്തര ബിരുദവും കഴിഞ്ഞ യുവാക്കൾ നിരാശയിലാണ്. ഉദ്യോഗാർത്ഥികൾക്ക് ജോലിയിൽ പ്രായപരിധിയിൽ ഇളവ് നൽകണം. അരുണാചൽ പ്രദേശിൻ്റെ മാതൃകയിൽ പ്രാദേശിക ജനങ്ങൾക്ക് 80 ശതമാനം സംവരണം നൽകാമെന്ന് എച്ച്പിസി (ഹൈ പവർഡ് കമ്മിറ്റി) കഴിഞ്ഞ തവണ ഞങ്ങൾക്ക് ഉറപ്പ് നൽകിയിരുന്നു. ജോലിക്ക് ലഡാക്ക് റസിഡൻ്റ് സർട്ടിഫിക്കറ്റ് (എൽആർസി) നിർബന്ധമാക്കണം, എന്നാൽ സർക്കാരിൽ നിന്ന് ഇതുവരെ വ്യക്തത ലഭിച്ചിട്ടില്ല.
ലഡാക്ക് സർവകലാശാല കഴിഞ്ഞ വർഷം ജോലികൾക്കായി പരസ്യം നൽകിയിരുന്നു, അതിൽ എൽആർസി നിർബന്ധമല്ലെന്ന് അദ്ദേഹം പറഞ്ഞു. ജമ്മു കശ്മീർ നിവാസികൾക്കായി പട്ടിക വർഗ ക്വാട്ടയും തുറന്നിരിക്കുന്നു., അതേസമയം, ലഡാക്കിൽ നിന്നുള്ള ആളുകൾക്ക് ജമ്മു കശ്മീരിലെ ക്വാട്ടയ്ക്ക് കീഴിൽ ജോലിക്ക് അപേക്ഷിക്കാൻ കഴിയില്ല. ആളുകൾ സന്തുഷ്ടരല്ല. മെഡിക്കൽ കോളജും എൻജിനീയറിങ് കോളജും പ്രഖ്യാപിച്ചു, സ്ഥലം കൗൺസിലർമാർ കണ്ടെത്തി, പക്ഷേ അതിനെക്കുറിച്ചും സംസാരമില്ല.
കേന്ദ്ര ആഭ്യന്തര സഹമന്ത്രി നിത്യാനന്ദ് റായിയുടെ അദ്ധ്യക്ഷതയിൽ 2023 ജനുവരിയിൽ ഹൈ പവർഡ് കമ്മിറ്റി (എച്ച്പിസി) രൂപീകരിച്ചിരുന്നു. അതിനുപുറമെ, സിവിൽ സൊസൈറ്റി അംഗങ്ങൾ മാർച്ച് 4 ന് കേന്ദ്ര ആഭ്യന്തര മന്ത്രി അമിത് ഷായെ കണ്ടിരുന്നുവെങ്കിലും യോഗത്തിൽ നിന്ന് അനുകൂലമായ ഒരു ഫലവും ഉണ്ടായിട്ടില്ല. അതിനുശേഷം ഒരു യോഗവും നടന്നിട്ടില്ല.
“ലഡാക്കിലെ ജനങ്ങൾ ലഡാക്ക് ഭരിക്കാൻ ആഗ്രഹിക്കുന്നു. ഓരോ പ്രദേശത്തിനും അതിൻ്റേതായ തനതായ സംസ്കാരമുണ്ട്; ലഡാക്കിൻ്റെ ആ സംസ്കാരം അപകടത്തിലാണ്. ലഡാക്കിൽ നാല് ലക്ഷത്തോളം ജനസംഖ്യയുണ്ട്; പുറത്തുനിന്ന് ഒരു ലക്ഷം പേരെങ്കിലും ഇവിടെ വന്ന് താമസമാക്കിയാൽ ഞങ്ങളുടെ സംസ്കാരം അപകടത്തിലാകും,” ഹനീഫ പറഞ്ഞു.
സർക്കാരുമായി ചർച്ചയിലൂടെ പരിഹാരമുണ്ടാക്കാൻ സിവിൽ സൊസൈറ്റികളുടെ നേതൃത്വം ആഗ്രഹിക്കുന്നതിനാൽ കെഡിഎയും എൽഎബിയും ഉടൻ യോഗം ചേരുമെന്ന് ഹനീഫ പറഞ്ഞു. സർക്കാരുമായി ചർച്ച പുനരാരംഭിക്കണമെന്ന് അദ്ദേഹം പറഞ്ഞു. മുന്നോട്ട് എന്തെങ്കിലും വഴി ഉണ്ടായിരിക്കണം. ഇത്തരം നീക്കങ്ങൾ ലഡാക്കികൾക്കോ രാജ്യത്തിനോ നല്ലതല്ലെന്നും അദ്ദേഹം കൂട്ടിച്ചേര്‍ത്തു.
