ഗുരുതരമായ രോഗലക്ഷണങ്ങൾ പ്രകടിപ്പിച്ച ഏഴ് വിദ്യാർത്ഥികളെ കൂടുതൽ ചികിത്സയ്ക്കായി ഛത്രപതി സംഭാജിനഗർ സിവിൽ ആശുപത്രിയിലേക്ക് മാറ്റി.
മുംബൈ: മഹാരാഷ്ട്രയിലെ ഛത്രപതി സംഭാജിനഗർ ജില്ലയിലെ ജില്ലാ കൗൺസിൽ സ്‌കൂളിൽ പോഷകാഹാര പരിപാടിയുടെ ഭാഗമായി നൽകിയ ബിസ്‌ക്കറ്റ് കഴിച്ച് ഭക്ഷ്യവിഷബാധയേറ്റ് 80 ഓളം വിദ്യാർത്ഥികളെ ആശുപത്രിയിൽ പ്രവേശിപ്പിച്ചു.
ശനിയാഴ്ച രാവിലെ എട്ടരയോടെയാണ് സംഭവം നടന്നതെന്ന് ആശുപത്രിയിലെ മെഡിക്കൽ ഓഫീസർ ഡോ. ബാബാസാഹേബ് ഘുഗെ വെളിപ്പെടുത്തി. “ബിസ്‌ക്കറ്റ് കഴിച്ചതിന് ശേഷം 257 വിദ്യാർത്ഥികൾക്ക് ഭക്ഷ്യവിഷബാധയുടെ ലക്ഷണങ്ങൾ റിപ്പോർട്ട് ചെയ്തു. അവരിൽ 153 പേരെ ആശുപത്രിയിൽ പ്രവേശിപ്പിച്ചു, ചിലർക്ക് ചികിത്സ നൽകി ഡിസ്ചാർജ് ചെയ്തു,” അദ്ദേഹം പറഞ്ഞു.
ഗുരുതരമായ രോഗലക്ഷണങ്ങൾ പ്രകടിപ്പിച്ച ഏഴ് വിദ്യാർത്ഥികളെ കൂടുതൽ ചികിത്സയ്ക്കായി ഛത്രപതി സംഭാജിനഗർ സിവിൽ ആശുപത്രിയിലേക്ക് മാറ്റി. മലിനീകരണത്തിൻ്റെ കാരണം അധികൃതർ അന്വേഷിക്കുന്നുണ്ട്, സംഭവം പോഷകാഹാര പരിപാടിക്ക് കീഴിൽ നൽകുന്ന ഭക്ഷണത്തിൻ്റെ സുരക്ഷയെക്കുറിച്ച് ഗുരുതരമായ ആശങ്കകൾ ഉയർത്തിയിട്ടുണ്ട്.
അസിം പ്രേംജി ഫൗണ്ടേഷനുമായുള്ള പങ്കാളിത്തത്തിൻ്റെ ഭാഗമായി സർക്കാർ, സർക്കാർ എയ്ഡഡ് സ്‌കൂളുകളിലെ വിദ്യാർത്ഥികൾക്ക് ആഴ്ചയിൽ ആറ് ദിവസവും മുട്ട നല്‍കുമെന്ന് കർണാടക മുഖ്യമന്ത്രി സിദ്ധരാമയ്യ ശനിയാഴ്ച അറിയിച്ചു. ആഴ്ചയിൽ രണ്ട് ദിവസം മാത്രം മുട്ട നൽകുന്ന മുൻ പരിപാടി ആറ് സ്കൂള്‍ ദിവസങ്ങളിലും നല്‍കുമെന്നും അദ്ദേഹം പറഞ്ഞു.
വിദ്യാർത്ഥികളുടെ മാനസികാരോഗ്യത്തിനും വിദ്യാഭ്യാസ വിജയത്തിനും പോഷകാഹാരത്തിൻ്റെ പ്രാധാന്യം പരിപാടിയുടെ ഉദ്ഘാടന വേളയിൽ മുഖ്യമന്ത്രി ഊന്നിപ്പറഞ്ഞു. “ദരിദ്രരുടെ കുട്ടികൾക്ക് നല്ല വിദ്യാഭ്യാസത്തിനുള്ള അവസരങ്ങൾ സൃഷ്ടിക്കുക എന്നത് ഞങ്ങളുടെ അഭിലാഷമാണ്,” മെച്ചപ്പെട്ട പോഷകാഹാര പിന്തുണയിലൂടെ കുട്ടികളുടെ ക്ഷേമവും ബൗദ്ധിക വികാസവും മെച്ചപ്പെടുത്തുന്നതിനുള്ള സർക്കാരിൻ്റെ പ്രതിബദ്ധത ഉയർത്തിക്കാട്ടിക്കൊണ്ട് സിദ്ധരാമയ്യ പറഞ്ഞു.
