കനേഡിയൻ പ്രധാനമന്ത്രി ജസ്റ്റിൻ ട്രൂഡോ, ബുധനാഴ്ച തൻ്റെ ന്യൂനപക്ഷ ലിബറൽ സർക്കാരിലെ നിർണായക സഖ്യകക്ഷിയായ ന്യൂ ഡെമോക്രാറ്റിക് പാർട്ടി (എൻഡിപി) പിന്തുണ പിൻവലിച്ചതിനെത്തുടര്‍ന്ന് രാഷ്ട്രീയ തിരിച്ചടിയെ നേരിടുന്നു. ഈ അപ്രതീക്ഷിത നീക്കം അധികാരത്തിൽ തൻ്റെ പിടി നിലനിർത്താൻ പുതിയ സഖ്യങ്ങൾ തേടാൻ അദ്ദേഹത്തെ പ്രേരിപ്പിച്ചു.
തിരിച്ചടിയുണ്ടെങ്കിലും, ട്രൂഡോ തൻ്റെ സാമൂഹിക പരിപാടികള്‍ മുന്നോട്ട് കൊണ്ടുപോകുമെന്ന് ഊന്നിപ്പറഞ്ഞു. പിന്തുണ പിന്‍‌വലിച്ചതോടെ തിരഞ്ഞെടുപ്പ് ആസന്നമായെന്ന ഊഹാപോഹങ്ങൾ അദ്ദേഹം തള്ളിക്കളഞ്ഞു. ഇരു പാർട്ടികളും തമ്മിലുള്ള 2022-ലെ കരാർ “കീറിക്കളയുകയാണെന്ന്” എൻഡിപി നേതാവ് ജഗ്മീത് സിംഗ് പ്രഖ്യാപിച്ചു. അതേസമയം, ഒരു സ്കൂളിൽ മാധ്യമപ്രവർത്തകരെ അഭിസംബോധന ചെയ്ത് സംസാരിക്കവേ ഫലപ്രദമായി ഭരണം തുടരാനും നയപരമായ മാറ്റങ്ങൾ നടപ്പിലാക്കാനുമുള്ള തൻ്റെ ഉദ്ദേശ്യം ട്രൂഡോ ഊന്നിപ്പറഞ്ഞു.
രാഷ്ട്രീയത്തിൽ ശ്രദ്ധ കേന്ദ്രീകരിക്കുന്നതിനുപകരം, കഴിഞ്ഞ വർഷങ്ങളിലെ പോലെ, കനേഡിയൻമാർക്ക് എങ്ങനെ സേവനം നല്‍കാം എന്നതിൽ എൻഡിപി ശ്രദ്ധ കേന്ദ്രീകരിക്കുമെന്ന് ഞാന്‍ പ്രതീക്ഷിക്കുന്നു എന്ന് അദ്ദേഹം പറഞ്ഞു.
ട്രൂഡോയുടെ ലിബറൽ ഗവൺമെൻ്റ് ഇപ്പോൾ പാർലമെൻ്റിൻ്റെ ലോവര്‍ ഹൗസില്‍ വിശ്വാസ വോട്ടുകൾ പാസാക്കുന്നതിന് മറ്റ് പ്രതിപക്ഷ നിയമനിർമ്മാതാക്കളിൽ നിന്ന് പിന്തുണ നേടുന്നതിനുള്ള വെല്ലുവിളിയെ അഭിമുഖീകരിക്കുകയാണ്. ഉടനടി തിരഞ്ഞെടുപ്പ് നടന്നാൽ ട്രൂഡോയ്ക്ക് കാര്യമായ പരാജയം നേരിടേണ്ടി വരുമെന്നാണ് നിലവിലെ സർവേകൾ സൂചിപ്പിക്കുന്നത്. കനേഡിയൻ നിയമം അനുസരിച്ച്, അടുത്ത തിരഞ്ഞെടുപ്പ് 2025 ഒക്ടോബർ അവസാനത്തോടെ നടക്കണം.
ഉയർന്ന പണപ്പെരുപ്പവും നിത്യോപയോഗ സാധനങ്ങളുടെ വിലക്കയറ്റവും ട്രൂഡോ കൈകാര്യം ചെയ്തതിലുള്ള നിരാശയുടെ പശ്ചാത്തലത്തിലാണ് എൻഡിപിയുടെ തീരുമാനം. ട്രൂഡോയുടെ സമീപനത്തെ സിംഗ് വിമർശിച്ചു. “ജസ്റ്റിൻ ട്രൂഡോ വീണ്ടും വീണ്ടും തെളിയിക്കുകയാണ്, അദ്ദേഹം എപ്പോഴും കോർപ്പറേറ്റ് അത്യാഗ്രഹത്തിന് വിധേയനാകുകയാണ്,” അദ്ദേഹം പറഞ്ഞു. അടുത്ത തിരഞ്ഞെടുപ്പിൽ പ്രധാനമന്ത്രി സ്ഥാനാർത്ഥിയാകുമെന്നും സിംഗ് പ്രഖ്യാപിച്ചു.
അതേസമയം, ട്രൂഡോയ്ക്കും എൻഡിപിക്കും വോട്ടർമാരുടെ പിന്തുണ കുറയുന്നതായി സർവേകൾ കാണിക്കുന്നു. ദേശീയ ഡെൻ്റൽ പ്രോഗ്രാം പോലെ നയപരമായ വിജയങ്ങൾ നേടിയിട്ടും മൂന്നാം സ്ഥാനത്താണ് ഇത്. 2022-ലെ ഡീൽ, വർദ്ധിച്ച സാമൂഹിക ചെലവുകൾക്ക് പകരമായി 2025 പകുതി വരെ ട്രൂഡോയുടെ സർക്കാരിനെ NDP പിന്തുണച്ചിരുന്നു.
ബ്രിട്ടീഷ് കൊളംബിയ സർവകലാശാലയിലെ അസോസിയേറ്റ് പ്രൊഫസറായ ഫ്രെഡ് കട്‌ലർ, എൻഡിപിയുടെ പിൻവലിക്കൽ അതിൻ്റെ സ്വാതന്ത്ര്യം പുനഃസ്ഥാപിക്കുന്നതിനും വരാനിരിക്കുന്ന തിരഞ്ഞെടുപ്പിൽ ലിബറലുകളെ വെല്ലുവിളിക്കുന്നതിനുമുള്ള തന്ത്രപരമായ നീക്കമാണെന്ന് അഭിപ്രായപ്പെട്ടു.
കൺസർവേറ്റീവ് നേതാവ് പിയറി പൊയിലീവ്രെ, കനേഡിയൻ ജനതയുടെ ചെലവ് വർദ്ധിപ്പിക്കുന്ന ലിബറൽ-എൻഡിപി സഖ്യമെന്ന് അദ്ദേഹം വിശേഷിപ്പിക്കുന്നതിനെ വിമർശിച്ച് നേരത്തെയുള്ള തിരഞ്ഞെടുപ്പിനുള്ള തൻ്റെ ആഹ്വാനം പുതുക്കി. ഹൗസ് ഓഫ് കോമൺസ് സെപ്തംബർ 16 ന് വീണ്ടും ചേരും, അവിടെ കൺസർവേറ്റീവുകൾ വിശ്വാസവോട്ട് നിർദ്ദേശിച്ചേക്കാം. എൻഡിപി വോട്ടെടുപ്പിൽ നിന്ന് വിട്ടുനിന്നാൽ ട്രൂഡോയുടെ സർക്കാരിന് പിടിച്ചുനില്‍ക്കാനാകുമെന്നും അദ്ദേഹം പറഞ്ഞു.
