റിയാദ്: സിറിയൻ ആഭ്യന്തര യുദ്ധത്തെ തുടർന്ന് 12 വർഷമായി അടച്ചുപൂട്ടിയ സിറിയൻ തലസ്ഥാനമായ ഡമാസ്‌കസിൽ സൗദി അറേബ്യ (കെഎസ്എ) എംബസി വീണ്ടും തുറന്നു.
ദമാസ്‌കസിലെ എംബസി ആസ്ഥാനത്ത് നടന്ന ഉദ്ഘാടന ചടങ്ങിൽ സൗദി അറേബ്യയുടെ സിറിയയിലെ എംബസിയുടെ ചാർജ് ഡി അഫയേഴ്‌സ് അബ്ദുല്ല അൽ-ഹരീസ് ആണ് ഇക്കാര്യം അറിയിച്ചത്.
ദമാസ്‌കസിലെ എംബസി വീണ്ടും തുറക്കുന്നത് ഇരു രാജ്യങ്ങളും ജനങ്ങളും തമ്മിലുള്ള ബന്ധത്തിൻ്റെ ചരിത്രത്തിലെ സുപ്രധാന നിമിഷമാണെന്ന് അൽ ഹരീസ് പറഞ്ഞതായി സൗദി പ്രസ് ഏജൻസി റിപ്പോർട്ട് ചെയ്തു.
ഇരു രാജ്യങ്ങളും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുന്നതിനുള്ള എംബസിയുടെ പ്രതിബദ്ധതയും അതിലെ ജീവനക്കാരുടെ സമർപ്പണവും അദ്ദേഹം ആവർത്തിച്ചു.
ചടങ്ങിൽ നിരവധി മന്ത്രിമാർ, മുതിർന്ന സിറിയൻ സർക്കാർ ഉദ്യോഗസ്ഥർ, ഡമാസ്‌കസ് അംഗീകൃത നയതന്ത്ര സേനാംഗങ്ങൾ, വിശിഷ്ട വ്യക്തികളും, ബുദ്ധിജീവികളും സമ്മേളനത്തിൽ പങ്കെടുത്തു.
ഈ വർഷം മെയ് മാസത്തിൽ സൗദി അറേബ്യ ഫൈസൽ ബിൻ സൗദ് അൽ മുജ്ഫെലിനെ സിറിയയിലെ അംബാസഡറായി നിയമിച്ചിരുന്നു എന്നത് ശ്രദ്ധേയമാണ് .
ജനുവരിയിൽ സൗദി അറേബ്യയിലെ പുതിയ അംബാസഡറായി ഡോ. മുഹമ്മദ് സൂസനെ സിറിയ നിയമിച്ചു.
ഡമാസ്‌കസ് അറബ് ലീഗിലേക്ക് മടങ്ങിയ ദിവസങ്ങൾക്ക് ശേഷമാണ് 12 വർഷത്തെ ഇടവേളയ്ക്ക് ശേഷം 2023 ൽ സൗദി അറേബ്യ സിറിയയുമായുള്ള നയതന്ത്ര ബന്ധം പുനഃസ്ഥാപിച്ചത്.
2012-ൽ സൗദി അറേബ്യ സിറിയയുമായുള്ള നയതന്ത്രബന്ധം അവസാനിപ്പിക്കുകയും തങ്ങളുടെ എംബസികൾ അടച്ചുപൂട്ടുകയും ചെയ്തിരുന്നു.
