ന്യൂഡല്‍ഹി: ഈ വർഷം അവസാനത്തോടെ ഇന്ത്യയുടെ ഗഗൻയാൻ ദൗത്യത്തിൻ്റെ വിക്ഷേപണത്തിനുള്ള ഒരുക്കങ്ങൾ പൂർത്തിയായി. എന്നാല്‍, ഗഗൻയാനുമായി ബന്ധപ്പെട്ട് ശ്രദ്ധാപൂർവമായ നടപടികൾ സ്വീകരിക്കേണ്ടിവരുമെന്ന് ഐഎസ്ആർഒ ചെയർമാൻ എസ് സോമനാഥ് വെള്ളിയാഴ്ച പറഞ്ഞു. അപകടസാധ്യത ഒഴിവാക്കാൻ ഇന്ത്യൻ ബഹിരാകാശ ഗവേഷണ സ്ഥാപനം (ഐഎസ്ആർഒ) മുഴുവൻ മുൻകരുതലുകളും സ്വീകരിക്കുന്നുണ്ടെന്ന് അദ്ദേഹം ഊന്നിപ്പറഞ്ഞു. സുനിത വില്യംസ്, ബുച്ച് വിൽമോർ തുടങ്ങിയ മുതിർന്ന ബഹിരാകാശയാത്രികർ ഇപ്പോഴും ബഹിരാകാശത്ത് കുടുങ്ങിക്കിടക്കുന്ന നാസയുടെ ദൗത്യത്തെക്കുറിച്ച് അദ്ദേഹം പരാമർശിച്ചു.
ഇന്ത്യയുടെ ആദ്യ മനുഷ്യ ദൗത്യമായ ഗഗന്യാന് അടുത്തിടെ കേന്ദ്രമന്ത്രിസഭ അംഗീകാരം നൽകിയിരുന്നു. ബോയിംഗ് സ്റ്റാർലൈനറിന് സംഭവിച്ചത് പോലെ നമ്മള്‍ക്ക് സംഭവിക്കാൻ ഞങ്ങൾ ആഗ്രഹിക്കുന്നില്ല. അതിനാൽ ഞങ്ങള്‍ വളരെ ശ്രദ്ധിക്കേണ്ടതുണ്ടെന്ന് ബോയിംഗ് സ്റ്റാർലൈനറിൻ്റെ ഉദാഹരണം ഉദ്ധരിച്ച് മനാഥ് പറഞ്ഞു.
നീണ്ട കാത്തിരിപ്പിന് ശേഷമാണ് ഈ വർഷം ജൂണിൽ രണ്ട് ബഹിരാകാശ സഞ്ചാരികളുമായി നാസയുടെ ബോയിംഗ് സ്റ്റാർലൈനർ ബഹിരാകാശത്തേക്ക് പറന്നത്. എന്നാല്‍, ബഹിരാകാശ പേടകത്തിൻ്റെ ‘ത്രസ്റ്ററി’ലും ഹീലിയം ചോർച്ചയിലുമുള്ള പ്രശ്‌നങ്ങൾ കാരണം, ബഹിരാകാശയാത്രികരെ ഭൂമിയിലേക്ക് തിരികെ കൊണ്ടുവരുന്നതിൽ പരാജയപ്പെട്ടു. ഇക്കാരണത്താൽ, ബഹിരാകാശയാത്രികരായ സുനിത വില്യംസും ബുച്ച് വിൽമോറും ഇപ്പോഴും ബഹിരാകാശത്ത് തുടരുകയാണ്. അടുത്ത വർഷം വരെ അവിടെ തുടരേണ്ടിവരും. കാരണം, അവരുടെ തിരിച്ചുവരവ് വളരെ അപകടകരമാണെന്നാണ് യു എസ് ബഹിരാകാശ ഏജൻസി നാസ വിശേഷിപ്പിച്ചത്. നാസയുടെ ഈ ദൗത്യത്തിൽ നിന്ന് ഇന്ത്യ പഠിക്കുകയാണ്.
ഗഗൻയാൻ കൂടാതെ, എസ് സോമനാഥും ശുക്രനെക്കുറിച്ചുള്ള പഠനത്തെക്കുറിച്ച് ഊന്നിപ്പറയുകയും “നമ്മുടെ വരും തലമുറയുടെ ഭാവി സുരക്ഷിതമാക്കാൻ ചൊവ്വയിലും ശുക്രനിലും ഗവേഷണം ആവശ്യമാണെന്നും” പറഞ്ഞു. 1,236 കോടി രൂപ കേന്ദ്ര മന്ത്രിസഭ അടുത്തിടെ അംഗീകരിച്ച നാല് സുപ്രധാന പദ്ധതികളിൽ ഒന്നാണ് വീനസ് ഓർബിറ്റർ മിഷൻ (VOM). ഈ ദൗത്യം 2028-ൽ വിക്ഷേപിക്കും, നിലവിലെ ലോഞ്ച് വെഹിക്കിൾ മാർക്ക്-3 (LVM3)-ൽ നിന്ന് വിക്ഷേപിക്കും.
റഷ്യ, ചൈന, ജപ്പാൻ എന്നീ രാജ്യങ്ങളും 2030ഓടെ ശുക്രനിലേക്ക് ദൗത്യങ്ങൾ അയക്കാനുള്ള തയ്യാറെടുപ്പിലാണെന്നും സോമനാഥ് പറഞ്ഞു. ഇത്തരമൊരു സാഹചര്യത്തിൽ 2028ഓടെ വീനസ് ദൗത്യം വിക്ഷേപിക്കാനാണ് ഇന്ത്യ ലക്ഷ്യമിടുന്നത്. “ശുക്രൻ അടുത്താണെങ്കിലും, അതിൻ്റെ പരിസ്ഥിതി അങ്ങേയറ്റം വെല്ലുവിളി നിറഞ്ഞതാണ്,” അദ്ദേഹം പറഞ്ഞു. ശുക്രൻ്റെ അന്തരീക്ഷം ഭൂമിയേക്കാൾ 100 മടങ്ങ് കൂടുതൽ മർദ്ദമുള്ളതിനാൽ അതൊരു വെല്ലുവിളിയാണെന്ന് അദ്ദേഹം വിശദീകരിച്ചു.
ബഹിരാകാശ മേഖലയിൽ സ്റ്റാർട്ടപ്പുകളുടെ വർദ്ധിച്ചുവരുന്ന താൽപ്പര്യത്തെയും എസ് സോമനാഥ് അഭിനന്ദിച്ചു. “ഇന്ന് നിരവധി സ്റ്റാർട്ടപ്പുകൾ സ്വന്തമായി ഉപഗ്രഹങ്ങൾ നിർമ്മിക്കുന്നത് നാം കാണുന്നു. ഇത് ബഹിരാകാശ വ്യവസായത്തിൽ സംഭവിക്കുന്ന ഒരു മാറ്റമാണ്. ഇന്ത്യയുടെ ബഹിരാകാശ മേഖല അനുദിനം പുരോഗമിച്ചു കൊണ്ടിരിക്കുകയാണ്, വരും കാലങ്ങളിൽ ഇതിലും വലിയ വിജയങ്ങൾ കൈവരിക്കും,” അദ്ദേഹം പറഞ്ഞു.
