അരിസോണ: അരിസോണയിലെ ടെമ്പെയിലുള്ള വൈസ് പ്രസിഡൻ്റ് കമലാ ഹാരിസിൻ്റെ പ്രചാരണ ഓഫീസിന് നേരെ പുലർച്ചെ വെടിവയ്പുണ്ടായതായി പോലീസ് സ്ഥിരീകരിച്ചു. സതേൺ അവന്യൂവിനും പ്രീസ്റ്റ് ഡ്രൈവിനും സമീപമുള്ള ഡെമോക്രാറ്റിക് നാഷണൽ കമ്മിറ്റി ഓഫീസിലാണ് സംഭവം നടന്നത്. വെടിയുണ്ടകളിൽ നിന്നുള്ള കേടുപാടുകൾ ജീവനക്കാർ കണ്ടെത്തി.
അർദ്ധരാത്രിക്ക് ശേഷം നടന്ന വെടിവെപ്പിനെക്കുറിച്ച് ടെംപെ പോലീസ് ഡിപ്പാർട്ട്മെൻ്റ് സജീവമായി അന്വേഷിക്കുകയാണ്. “ഒരാരാത്രിയിൽ ആരും ഓഫീസിനുള്ളിൽ ഉണ്ടായിരുന്നില്ല, എന്നാൽ ഇത് ആ കെട്ടിടത്തിൽ ജോലി ചെയ്യുന്നവരുടെയും സമീപത്തുള്ളവരുടെയും സുരക്ഷയെക്കുറിച്ച് ആശങ്ക ഉയർത്തുന്നുണ്ട്,” സാഹചര്യത്തിന്റെ ഗൗരവം കണക്കിലെടുത്ത് പബ്ലിക് ഇൻഫർമേഷൻ ഓഫീസർ സാർജൻ്റ് റയാൻ കുക്ക് പറഞ്ഞു.
ഡിറ്റക്ടീവുകൾ നിലവിൽ സംഭവസ്ഥലത്ത് നിന്നുള്ള തെളിവുകൾ ശേഖരിക്കുകയാണ്. കൂടാതെ, പ്രദേശത്തെ കാമ്പയിൻ സ്റ്റാഫുകളുടെയും മറ്റുള്ളവരുടെയും സുരക്ഷ ഉറപ്പാക്കുന്നതിന് അധിക സുരക്ഷാ നടപടികൾ നടപ്പിലാക്കിയിട്ടുണ്ട്. രാവിലെ ജീവനക്കാര്‍ ഓഫീസില്‍ എത്തിയപ്പോഴാണ് മുൻവശത്തെ ജനൽചില്ലുകളിൽ വെടിയുതിർത്തത് ശ്രദ്ധയിൽപ്പെട്ടതെന്ന് പോലീസ് പറഞ്ഞു. ഇത് രണ്ടാം തവണയാണ് ഓഫീസിന് നേരെ ആക്രമണം ഉണ്ടാകുന്നത്.
