ഗാസ: വടക്കൻ ഗാസ മുനമ്പിലെ ജബാലിയ ക്യാമ്പിൽ വെള്ളിയാഴ്ച വൈകുന്നേരം ഇസ്രായേൽ നടത്തിയ വ്യോമാക്രമണത്തിൽ 33 ഫലസ്തീനികൾ കൊല്ലപ്പെട്ടതായി ഹമാസിൻ്റെ നിയന്ത്രണത്തിലുള്ള ഗാസ സർക്കാർ മീഡിയ ഓഫീസ് അറിയിച്ചു.
കൊല്ലപ്പെട്ടവരിൽ 21 സ്ത്രീകളും ഉൾപ്പെടുന്നു, അവശിഷ്ടങ്ങൾക്കും കെട്ടിടങ്ങൾക്കുമിടയിൽ കുടുങ്ങിയ നിരവധി ഇരകൾ കാരണം മൊത്തം മരണസംഖ്യ 50 വരെ എത്തിയേക്കാം. ബോംബാക്രമണത്തിൽ 85 ഓളം പേർക്ക് പരിക്കേറ്റു, അവരിൽ ചിലർക്ക് സാരമായ പരിക്കേറ്റു, മീഡിയ ഓഫീസ് പുറത്തിറക്കിയ പ്രസ്താവനയില്‍ പറഞ്ഞു. ജബാലിയ ക്യാമ്പിലെ നിരവധി വീടുകൾക്ക് നേരെ ഇസ്രായേൽ സൈന്യം ബോംബാക്രമണം നടത്തിയതായും പ്രസ്താവനയില്‍ കൂട്ടിച്ചേര്‍ത്തു.
സംഭവത്തെക്കുറിച്ച് ഇസ്രായേൽ സൈന്യം ഇതുവരെ പ്രതികരിച്ചിട്ടില്ല.
2023 ഒക്‌ടോബർ 7-ന് തെക്കൻ ഇസ്രായേൽ അതിർത്തിയിലൂടെ ഹമാസ് നടത്തിയ ആക്രമണത്തിൽ പ്രതികാരം ചെയ്യുന്നതിനായി ഗാസ മുനമ്പിൽ ഹമാസിനെതിരെ ഇസ്രായേൽ വലിയ തോതിലുള്ള ആക്രമണമാണ് നടത്തുന്നത്. ആ സമയത്ത് ഏകദേശം 1,200 പേർ കൊല്ലപ്പെടുകയും 250 ഓളം പേരെ ബന്ദികളാക്കുകയും ചെയ്തു.
ഗാസ മുനമ്പിൽ നടന്നുകൊണ്ടിരിക്കുന്ന ഇസ്രായേൽ ആക്രമണങ്ങളിൽ ഫലസ്തീനികളുടെ മരണസംഖ്യ 42,500 ആയി ഉയർന്നതായി ഗാസ ആസ്ഥാനമായുള്ള ആരോഗ്യ അധികൃതർ വെള്ളിയാഴ്ച പ്രസ്താവനയിൽ അറിയിച്ചു.
