അമേരിക്കയിൽ മക്ഡൊണാൾഡ്സ് ബർഗർ കഴിച്ച് ഒരാൾ മരിച്ചു, 49 പേർ രോഗബാധിതരായി. അസുഖം വരുന്നതിന് മുമ്പ് മക്ഡൊണാൾഡ്സ് ബർഗർ കഴിച്ചിരുന്നുവെന്ന് ആളുകൾ പറഞ്ഞു. അമേരിക്കയിലെ 10 സംസ്ഥാനങ്ങളിൽ ബർഗറുകൾ കഴിക്കുന്നതിലൂടെ അണുബാധയുണ്ടാകുന്ന കേസുകൾ കണ്ടെത്തിയിട്ടുണ്ട്, അതിൽ ഏറ്റവും കൂടുതൽ 49 കേസുകൾ കൊളറാഡോ, നെബ്രാസ്ക തുടങ്ങിയ സംസ്ഥാനങ്ങളിലാണ്.
വാഷിംഗ്ടണ്‍: അമേരിക്കയിലെ പ്രശസ്ത ഭക്ഷ്യ ശൃംഖലയായ ‘മക്‌ഡൊണാൾഡ്’സിൽ നിന്നുള്ള ബർഗറുകൾ കഴിച്ചവര്‍ക്ക് ഇ.കോളി ബാക്ടീരിയ അണുബാധയ്ക്ക് കാരണമായതായി കണ്ടെത്തി. 10 സംസ്ഥാനങ്ങളിലായി 49 പേരെങ്കിലും രോഗബാധിതരാകുകയും അവരിൽ ഒരാൾ മരിക്കുകയും ചെയ്തു. രോഗബാധിതരായ 10 പേരെ ആശുപത്രിയിൽ പ്രവേശിപ്പിച്ചതായി ആരോഗ്യവകുപ്പ് അധികൃതർ അറിയിച്ചു.
ഈ കേസുകൾ മക്ഡൊണാൾഡ്സി ബർഗർ ക്വാർട്ടർ പൗണ്ടർ ഹാംബർഗറുമായി ബന്ധപ്പെട്ടതാണെന്ന് യുഎസ് ഡിപ്പാർട്ട്മെൻ്റ് ഓഫ് ഡിസീസ് കൺട്രോൾ ആൻഡ് പ്രിവൻഷൻ പറയുന്നു. രോഗബാധിതരിൽ ഇ.കോളി അണുബാധ കണ്ടെത്തിയിട്ടുണ്ട്. ബർഗർ കഴിച്ച് ഒരാൾ മരിക്കുകയും, ഡസൻ കണക്കിന് പേര്‍ രോഗബാധിതരാകുകയും ചെയ്തു.
മാധ്യമ റിപ്പോർട്ടുകൾ പ്രകാരം, ബർഗർ കഴിച്ച് രോഗബാധിതരായ കേസുകൾ സെപ്റ്റംബർ അവസാനത്തോടെ ആരംഭിച്ചു. 10 സംസ്ഥാനങ്ങളിൽ ബർഗറുകൾ കഴിച്ചതിലൂടെ അണുബാധയുണ്ടാകുന്ന കേസുകൾ കണ്ടെത്തി. അതിൽ ഏറ്റവും കൂടുതൽ 49 കേസുകൾ കൊളറാഡോ, നെബ്രാസ്ക തുടങ്ങിയ സംസ്ഥാനങ്ങളിലാണ്. ബർഗറുകൾ കഴിച്ച് ആളുകൾ രോഗബാധിതരായതും കമ്പനിയുടെ ഓഹരികളിൽ ആറ് ശതമാനം ഇടിവുണ്ടായതും മക്ഡൊണാൾഡ്സിന്റെ പ്രശസ്തിയെ ബാധിച്ചു. അണുബാധയെത്തുടർന്ന് 10 പേരെ നിലവിൽ ആശുപത്രിയിൽ പ്രവേശിപ്പിച്ചിട്ടുണ്ട്. ഇതിൽ ഒരു കുട്ടിയുടെ നില ഗുരുതരമാണ്.
ഈ അണുബാധ മൂലം കൊളറാഡോയിൽ ഒരു വയോധികൻ മരിച്ചതായും ഗുരുതരമായ വൃക്ക തകരാറിനെ തുടർന്ന് ഒരു കുട്ടിയെ ആശുപത്രിയിൽ പ്രവേശിപ്പിച്ചതായും യുഎസ് സെൻ്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) അറിയിച്ചു. കൊളറാഡോ, അയോവ, കൻസാസ്, മിസോറി, മൊണ്ടാന, നെബ്രാസ്ക, ഒറിഗോൺ, യൂട്ടാ, വ്യോമിംഗ്, വിസ്കോൺസിൻ എന്നിവിടങ്ങളിലാണ് സെപ്റ്റംബർ 27 നും ഒക്ടോബർ 11 നും ഇടയിൽ ഈ അണുബാധയുടെ കേസുകൾ റിപ്പോർട്ട് ചെയ്യപ്പെട്ടത്. കൊളറാഡോയിലാണ് ഏറ്റവും കൂടുതൽ 27 കേസുകളും നെബ്രാസ്കയിൽ ഒമ്പത് കേസുകളും രജിസ്റ്റർ ചെയ്തിട്ടുള്ളത്.
