ലോകമെമ്പാടും ദശലക്ഷക്കണക്കിന് ആളുകൾ പ്രവചനങ്ങൾ നടത്തുന്നുണ്ട്. ഈ പ്രവചനങ്ങളിൽ ചിലത് സത്യത്തിൻ്റെ പരീക്ഷണമാണ്, മറ്റുള്ളവ തെറ്റാണെന്ന് തെളിയിക്കുന്നു. എന്നാൽ, കാലക്രമേണ പ്രവചനങ്ങൾ ശരിയാണെന്ന് തെളിയിക്കപ്പെട്ട ചില പ്രവാചകന്മാരുണ്ട്. ഇവരിൽ ഒരാളായിരുന്നു അന്ധയായ ബൾഗേറിയക്കാരിയായ, ബാബ വെംഗ എന്നറിയപ്പെടുന്ന വാംഗേലിയ പാണ്ഡേവ ഗുഷ്‌റ്റെറോവ (Vangelia Pandeva Gushterova). അവരുടെ പ്രവചനങ്ങളിൽ പലതും സത്യമാണെന്ന് തെളിയിക്കപ്പെട്ടിട്ടുണ്ട്, ഇക്കാരണത്താൽ ഇന്നും ആളുകൾക്ക് അവരുടെ പ്രവചനങ്ങളെക്കുറിച്ച് ജിജ്ഞാസയുണ്ട്.
ബാബ വെംഗ പല സുപ്രധാന സംഭവങ്ങളും പ്രവചിച്ചിട്ടുണ്ട്. അവയെല്ലാം പിന്നീട് സത്യമാണെന്ന് തെളിയുകയും ചെയ്തിട്ടുണ്ട്. രണ്ടാം ലോകമഹായുദ്ധം, ചെർണോബിൽ ആണവ ദുരന്തം, സ്റ്റാലിൻ്റെ മരണം തുടങ്ങിയ സംഭവങ്ങള്‍ ഇതിൽ ഉൾപ്പെടുന്നു. ഈ സംഭവങ്ങൾ അവര്‍ക്ക് ഒരു പ്രത്യേക സ്ഥാനം നേടിക്കൊടുത്തു, ഇപ്പോൾ ജനങ്ങള്‍ പുതുവർഷത്തിനായുള്ള അവരുടെ പ്രവചനങ്ങൾക്കായി ആകാക്ഷയോടെ കാത്തിരിക്കുകയാണ്.
ബാബ വെംഗയുടെ പ്രവചനമനുസരിച്ച്, 2025 വർഷത്തിൻ്റെ തുടക്കത്തിൽ ഒരു വലിയ ദുരന്തം സംഭവിക്കാന്‍ സാധ്യതയുണ്ടെന്ന് പറയുന്നു. യൂറോപ്പിലെ ഒരു വലിയ സംഘർഷത്തെക്കുറിച്ചാന് പ്രവചനം. അത് ഭൂഖണ്ഡത്തിലെ ജനസംഖ്യയുടെ വലിയൊരു ഭാഗത്തെ ബാധിക്കുമെന്ന് പറയുന്നു. ഈ പ്രവചനം അവരുടെ അനുയായികളിലും സാധാരണക്കാരിലും ആശങ്ക സൃഷ്ടിച്ചിട്ടുണ്ട്. കൂടാതെ, 2043-ഓടെ യൂറോപ്പിൽ മുസ്ലീം ഭരണവും 2076-ഓടെ ആഗോള കമ്മ്യൂണിസ്റ്റ് ഭരണവും സ്ഥാപിക്കപ്പെടാനുള്ള സാധ്യതയും അവര്‍ പ്രവചിക്കുന്നു.
1911 ലാണ് ബാബ വെംഗയുടെ ജനനം. 12-ാം വയസ്സിൽ ഒരു കൊടുങ്കാറ്റിൽ അവരുടെ കാഴ്ച നഷ്ടപ്പെട്ടു. ഭാവി മുൻകൂട്ടി കാണാനുള്ള തൻ്റെ കഴിവ് ചുഴലിക്കാറ്റ് നൽകിയ ശക്തിയുടെ ഫലമാണെന്ന് അവര്‍ അവകാശപ്പെട്ടു. തൻ്റെ ജീവിതത്തിൻ്റെ ഭൂരിഭാഗവും ബൾഗേറിയയിൽ ചെലവഴിച്ച അവര്‍ ‘Nostradamus of the Balkans’ എന്നാണ് അറിയപ്പെട്ടിരുന്നത്.
രണ്ടാം ലോക മഹായുദ്ധസമയത്താണ് അവരുടെ പ്രവചന ശക്തി അംഗീകരിക്കപ്പെട്ടത്. ബൾഗേറിയൻ സാർ ബോറിസ് മൂന്നാമൻ, സോവിയറ്റ് നേതാവ് ലിയോനിഡ് ബ്രെഷ്നെവ് എന്നിവരെപ്പോലുള്ള വ്യക്തികൾ അവരോട് നേരിട്ട് കൂടിയാലോചന നടത്തിയതായി റിപ്പോർട്ടുണ്ട്. 1996-ൽ അവര്‍ മരണപ്പെട്ടെങ്കിലും, അവരുടെ ആരാധനാക്രമം നിലനിൽക്കുന്നു, അവരുടെ പ്രവചനങ്ങൾ പലപ്പോഴും സത്യമായിത്തീരുന്നു.
1990 ലെ ഒരു അഭിമുഖത്തിൽ, ബാബ വെംഗ തൻ്റെ മരണം പ്രവചിച്ചു. അതായത് 1996 ഓഗസ്റ്റ് 11 ന് താൻ മരിക്കുമെന്നായിരുന്നു പ്രവചനം. അതിശയകരമെന്നു പറയട്ടെ, ആ പ്രവചനവും സത്യമായിത്തീര്‍ന്നു. അവരുടെ വിയോഗത്തിനു ശേഷവും, അവരുടെ പ്രവചനങ്ങളുടെ പാരമ്പര്യം ഇപ്പോഴും നിലനിൽക്കുന്നു, ആളുകൾ അവരുടെ പ്രവചനങ്ങളുടെ സത്യാവസ്ഥ പരിശോധിക്കുന്നു. ബാബ വെംഗയുടെ പ്രവചനങ്ങൾ ഇപ്പോഴും ആളുകളെ ആകർഷിക്കുകയും അവരുടെ ജീവിതത്തെയും പ്രവർത്തനങ്ങളെയും കുറിച്ചുള്ള ജിജ്ഞാസ നിലനിർത്തുകയും ചെയ്യുന്നു.
