വാഷിംഗ്‌ടൺ ഡി.സി: ഫിലഡൽഫിയയിലെ മാസ്ചർ സ്ട്രീറ്റിലുള്ള സെന്റ് തോമസ് മലങ്കര ഓർത്തഡോക്സ് ചർച്ചിൽ “സുരക്ഷ,
സുരക്ഷിതത്വം, ഭാവി” എന്ന വിഷയത്തിൽ വിവരപരിപാടിയായ സെമിനാർ സംഘടിപ്പിച്ചു. ഫിലഡൽഫിയ പൊലീസ് ഡിപ്പാർട്ട്മെന്റിലെ സാർജന്റ് ബ്ലെസൺ മാത്യു ഗസ്റ്റ് സ്പീക്കറായി പങ്കെടുത്ത ഈ സെമിനാർ, ദൈനംദിന മര്യാദകളും അടിസ്ഥാന സുരക്ഷാ നടപടികളുമെക്കുറിച്ച് പ്രായോഗിക മാർഗ്ഗനിർദ്ദേശങ്ങൾ നൽകുന്നതിലൂടെയാണ് ശ്രദ്ധ നേടിയത്.
സാർജന്റ് മാത്യു, സെമിനാറിനോടനുബന്ധിച്ച് സംഘടിപ്പിച്ച ഇന്ററാക്ടീവ് ചോദ്യോത്തര സെഷനിലൂടെ പങ്കെടുത്തവരുടെ
സംശയങ്ങൾക്ക് മറുപടി നൽകി വിവിധ സുരക്ഷാ പ്രശ്നങ്ങളെക്കുറിച്ചുള്ള വിവരങ്ങളും പങ്കുവച്ചു. സെമിനാർ റവ. ഫാ.
ഡോ. ജോൺസൺ സി. ജോണിന്റെ നേതൃത്വത്തിൽ നടന്നു. സാർജന്റ് മാത്യുവിനെ ദീപ്തമായ വരവേൽപ്പിനൊപ്പം ഫാ. ജോൺസൺ സ്വാഗതം ചെയ്തു. സെമിനാർ സമാപന പ്രസംഗത്തിലൂടെ ഡേവിഡ് ഈപ്പൻ സാർജന്റ് മാത്യുവിന്റെ സാന്നിദ്ധ്യത്തിലും ഉൾക്കാഴ്ചകളിലും നന്ദി അറിയിച്ചു.
പരിപാടിയുടെ ഭാഗമായ്, മിസ് ജൈസലിൻ ഫിലിപ്പ് ഒരു ഗാന0 സദസ്സിന് സമ്മാനിച്ചു. ട്രസ്റ്റി മാണി തോമസ്, സെക്രട്ടറി മിസ്സ് ജെസ്സി രാജൻ, മറ്റു കമ്മിറ്റി അംഗങ്ങൾ എന്നിവർ പരിപാടി വിജയകരമായി മുന്നോട്ടു കൊണ്ടുപോകുന്നതിൽ പ്രധാന പങ്കുവഹിച്ചു. സെമിനാർ സംബന്ധിച്ചവർക്കുള്ള ഒരർത്ഥപൂർണ്ണ അനുഭവമായി മാറി, സമൂഹ പങ്കാളിത്തവും സുരക്ഷാ വിഷയങ്ങളിൽ ജനജാഗ്രതയും കൂട്ടുന്നതിനുള്ള ഉദ്ദേശവും നിറവേറ്റുന്നതിൽ അതു സഹായകമായി.
