കോട്ടയം: കർണാടകയിലെ ഒരു വൈദികനിൽ നിന്ന് ഹണി ട്രാപ്പ് വഴി 40 ലക്ഷം രൂപ തട്ടിയെടുത്ത രണ്ട് പേരെ കർണാടകയിൽ നിന്ന് ശനിയാഴ്ച അറസ്റ്റ് ചെയ്തതായി പോലീസ് അറിയിച്ചു. ബെംഗളൂരു സ്വദേശികളായ നേഹ ഫാത്തിമ (25), സാരഥി (29) എന്നിവരെയാണ് വൈക്കം പൊലീസ് കസ്റ്റഡിയിലെടുത്തത്.
വൈദികൻ്റെ സ്വകാര്യ വീഡിയോകൾ പുറത്തുവിടുമെന്ന് ഭീഷണിപ്പെടുത്തി 2023 ഏപ്രിൽ മുതൽ 41.52 ലക്ഷം രൂപ ഇരുവരും തട്ടിയെടുത്തതായി പോലീസ് പറഞ്ഞു.
വൈദികൻ പ്രിൻസിപ്പലായി ജോലി ചെയ്യുന്ന സ്വകാര്യ സ്ഥാപനത്തിലെ ജോലി ഒഴിവിനെക്കുറിച്ച് ചോദിച്ചറിഞ്ഞാണ് നേഹ ഫാത്തിമ വൈദികനുമായി ഫോണിൽ സൗഹൃദത്തിലായത്.
ഇതിന് ശേഷം യുവതി വൈദികനെ വീഡിയോ കോൾ വഴി ബന്ധപ്പെടുകയും പിന്നീട് ഇയാളുടെ സ്വകാര്യ ചിത്രങ്ങൾ പുറത്തു വിടാതിരിക്കാൻ പണം ആവശ്യപ്പെടുകയും ചെയ്തതായി പോലീസ് പറഞ്ഞു.
ഇരുവരും കൂടുതൽ പണം ആവശ്യപ്പെട്ടതിനെ തുടർന്നാണ് പുരോഹിതൻ ഒടുവിൽ പോലീസിനെ സമീപിച്ചതെന്ന് പോലീസ് പറയുന്നു. വൈക്കം പോലീസ് കേസെടുത്ത് നടത്തിയ അന്വേഷണത്തിലാണ് ഇരുവരും പിടിയിലായത്.
രണ്ട് പ്രതികളെയും ഇവിടെയുള്ള കോടതി റിമാൻഡ് ചെയ്തതായി പോലീസ് പ്രസ്താവനയിൽ കൂട്ടിച്ചേർത്തു.
വൈക്കം സ്റ്റേഷൻ എസ്.ഐ ജയകൃഷ്‌ണൻ, കുര്യൻ മാത്യു, സി.പി.ഒ മാരായ നിധീഷ്, ജോസ് മോൻ, സനൽ, മഞ്ജു, നെയ്‌തിൽ ജ്യോതി എന്നിവർ ചേർന്നാണ് ഇവരെ അറസ്റ്റ് ചെയ്‌തത്. കോടതിയിൽ ഹാജരാക്കിയ ഇരുവരെയും റിമാൻഡ് ചെയ്‌തു.
