അമേരിക്കയിലെ മലയാളി ഹൈന്ദവ സംഘടനാ രംഗത്ത് ശ്രദ്ധേയമായ പ്രവർത്തനങ്ങൾ കാഴ്ച വച്ച് മുന്നേറുന്ന , അതി വേഗം ജനപ്രിയമായി മാറിയ മലയാളി അസോസിയേഷൻ ഓഫ് നോർത്ത് അമേരിക്കൻ ഹിന്ദുസ് (മന്ത്ര)യുടെ കൺവെൻഷൻ കിക്ക്‌ ഓഫ് മാർച്ച് 1 നു ന്യൂയോർക്കിൽ നടക്കും . മന്ത്രയുടെ പ്രസിഡന്റും സെക്രെട്ടറിയും ട്രസ്റ്റീ ബോർഡ് ചെയറും മുൻ പ്രസിഡന്റും ഉൾപ്പടെ വിവിധ സംസ്ഥാനങ്ങളിൽ നിന്നുള്ള ഇരുനൂറോളം പ്രതിനിധികൾ പങ്കെടുക്കുന്ന പരിപാടി ഒരു മിനി കൺവെൻഷൻ ആയി മാറും ഈ കലാസന്ധ്യ എന്ന് റീജിയണൽ വൈസ് പ്രസിഡന്റ്മാരായ പുരുഷോത്തമ പണിക്കർ, അഭിലാഷ് പുളിക്കത്തൊടി, ജയ് കുമാർ, വത്സ തോപ്പിൽ എന്നിവർ അറിയിച്ചു. അമേരിക്കയിലെ വിവിധ നഗരങ്ങളിൽ കിക്ക്‌ ഓഫ് ഉൾപ്പടെ മന്ത്രയുടെ വിപുലമായ പ്രചാരണ പ്രവർത്തനങ്ങൾ നടന്നു വരികയാണ്. നോർത്ത് കാരോളിനയിൽ ഈ വര്ഷം ജൂലൈ 3 മുതൽ 6 വരെ നടക്കുന്ന രണ്ടാമത്തെ ഗ്ലോബൽ ഗ്ലോബൽ കൺവെൻഷനായ “ശിവോഹം 2025” നു വൻ തയ്യാറെടുപ്പുകൾ പുരോഗമിക്കുകയാണ്
ഭരതനാട്യം ,മോഹിനിയാട്ടം സെമി ക്ലാസ്സിക്കൽ ഡാൻസ് ,ബോളിവുഡ് ഡാൻസ് ഉൾപ്പടെ പ്രമുഖ കലാകാരന്മാർ അണിനിരക്കുന്ന കലാസന്ധ്യയും ചടങ്ങിന് പ്രൗഢി കൂട്ടും. ന്യൂയോർക്ക് നഗരം ഉൾപ്പെട്ട ട്രൈസ്റ്റേറ്റിൽ മന്ത്രയുടെ പ്രവർത്തനങ്ങൾ മാസങ്ങളായി ശക്തമായി പുരോഗമിക്കുന്നു. നോർത്ത് അമേരിക്കയിലെ ദേശീയ ഹൈന്ദവ സംഘടനാ രംഗത്ത് വർഷങ്ങളായി നിസ്വാർത്ഥമായി പ്രവർത്തിക്കുന്ന പരിചിത മുഖങ്ങൾ ഏറെയും മന്ത്രയുടെ പിന്നിൽ അണിനിരക്കുന്ന കാഴ്ചകൾക്ക് സാക്ഷ്യം വഹിച്ചു കൊണ്ടാണ് ട്രൈസ്റ്റേറ്റിലെ മന്ത്രയുടെ ജൈത്രയാത്ര തുടർന്ന് പോരുന്നത്.
ഹൈന്ദവ ധർമ്മ ആശയങ്ങൾ പ്രചരിപ്പിക്കുന്നതിനും, പൈതൃകമായി കിട്ടിയ അറിവുകൾ പങ്കുവയ്ക്കുന്നതിനും, അതോടൊപ്പം നോർത്ത് അമേരിക്കയിലെ ഏറ്റവും വലിയ മലയാളി ഹൈന്ദവ നെറ്റ്‌വർക്കിന്റെ ഭാഗമായിക്കൊണ്ട് മന്ത്രയുടെ പിന്നിൽ അണിചേരുന്നതിനുള്ള അവസരമാകും ന്യൂയോർക്കിൽ നടക്കുന്ന പ്രസ്തുത കിക്ക്‌ ഓഫ് എന്ന് ട്രസ്റ്റീ ചെയർ വിനോദ് കെയാർകെ , സെക്രട്ടറി ഷിബു ദിവാകരൻ , നിയുക്ത പ്രസിഡന്റ് കൃഷ്ണരാജ് മോഹനൻ, ട്രസ്റ്റീ സെക്രട്ടറി മധു പിള്ള എന്നിവർ അറിയിച്ചു.
