ഇന്ത്യാന: ഇന്ത്യാനയിലെ മുൻ അദ്ധ്യാപികയായ ബ്രിട്ടാനി ഫോർട്ടിൻബെറിക്കെതിരെ ആൺകുട്ടികളെ ലൈംഗികമായി പീഡിപ്പിച്ചുവെന്ന കുറ്റം ചുമത്തി കേസെടുത്തു. പ്രായപൂർത്തിയാകാത്ത കുട്ടികളെ ലൈംഗിക പ്രവർത്തനത്തിന് നിർബന്ധിച്ചതിനെക്കുറിച്ചുള്ള ഞെട്ടിപ്പിക്കുന്ന വെളിപ്പെടുത്തലുമായി അഞ്ച് ഇരകൾ കൂടി മുന്നോട്ട് വന്നിട്ടുണ്ട്. ഇരകൾ ഇക്കാര്യം പുറത്തുപറഞ്ഞാൽ സ്വന്തം ജീവൻ എടുക്കുമെന്ന് അവർ കുട്ടികളെ ഭീഷണിപ്പെടുത്തി എന്ന് കോടതി രേഖകളില്‍ പറയുന്നു. പതിമൂന്ന് വയസ്സുള്ളപ്പോൾ ഫോർട്ടിൻബെറി ലൈംഗികമായി പീഡിപ്പിക്കുന്നതിന് മുമ്പ് ഇരകളിൽ ഒരാൾക്ക് നിരവധി തവണ മയക്കുമരുന്ന് നൽകിയിരുന്നു എന്ന് കോടതി രേഖകള്‍ വ്യക്തമാക്കുന്നു.
ആൺകുട്ടികളെ പീഡിപ്പിക്കുന്നതിന് മുമ്പ്, ഫോർട്ടിൻബെറി അവർക്ക് സമ്മാനങ്ങൾ നൽകുന്നതിനായി ഏകദേശം 600 ഡോളറോളം ചെലവഴിച്ചതായി അന്വേഷണ ഉദ്യോഗസ്ഥർ ആരോപിക്കുന്നു. ആക്രമണസമയത്ത് അവര്‍ കുട്ടികളെ സ്‌ക്രീം മൂവി മാസ്കുകൾ ധരിക്കാൻ നിർബന്ധിച്ചു എന്നാണ് ചില ഇരകൾ അവകാശപ്പെട്ടത്.
കൂടാതെ, പീഡനം പുറത്തുപറഞ്ഞാൽ താൻ സ്വയം ജീവനൊടുക്കുമെന്ന് ഫോർട്ടിൻബെറി ഭീഷണിപ്പെടുത്തിയതായി ഇരകൾ വെളിപ്പെടുത്തി. അവരുടെ കുട്ടികൾ ഉറങ്ങുന്നതുവരെ കാത്തിരുന്ന് തങ്ങള്‍ക്കെതിരെ അതിക്രമം കാണിക്കുമെന്ന് ഒരു പെൺകുട്ടി പറഞ്ഞു.
ഫോർട്ടിൻബെറിയുടെ ഭർത്താവിന് ഈ പീഡനത്തെക്കുറിച്ച് അറിയാമായിരുന്നുവെന്നും ഇരകളിൽ ഒരാളെ മിണ്ടാതിരിക്കാൻ ഭീഷണിപ്പെടുത്തിയതായും അന്വേഷണ ഉദ്യോഗസ്ഥർക്ക് വിവരം ലഭിച്ചിട്ടുണ്ട്.
ഈ വർഷം ആദ്യം, വിദ്യാർത്ഥികളുമായി ബന്ധപ്പെട്ട നിരവധി ലൈംഗിക ദുരുപയോഗ കുറ്റങ്ങൾ ഫോർട്ടിൻബെറിക്കെതിരെ ചുമത്തിയിരുന്നു. തന്റെ വാദത്തിൽ, അമിതമായ ശരീരഭാരം കുറയുന്നത് തന്റെ പ്രവൃത്തികൾക്ക് കാരണമായെന്ന് അവർ അവകാശപ്പെട്ടതായി റിപ്പോർട്ടുണ്ട്. എന്നാല്‍, ഇനിയും മുന്നോട്ട് വരാത്ത കുറഞ്ഞത് അഞ്ച് മുതൽ പത്ത് വരെ കുട്ടികള്‍ ഉണ്ടാകാമെന്ന് ഇരകൾ പറഞ്ഞു.
സമീപകാല ആരോപണങ്ങൾക്ക് മറുപടിയായി, ഫോർട്ടിൻബെറിക്കെതിരെ പ്രോസിക്യൂട്ടർമാർ അധിക കുറ്റങ്ങൾ ചുമത്തിയിട്ടുണ്ട്. അവയിൽ 10 ബാലപീഡന കുറ്റങ്ങൾ, പ്രായപൂർത്തിയാകാത്തവർക്ക് അശ്ലീല വസ്തുക്കൾ വിതരണം ചെയ്തതിന് 8 കുറ്റങ്ങൾ, പ്രായപൂർത്തിയാകാത്ത ഒരാളുടെ കുറ്റകൃത്യത്തിന് സംഭാവന നൽകിയതിന് 5 കുറ്റങ്ങൾ എന്നിവയും ഉള്‍പ്പെടുന്നു.
