ന്യൂഡല്‍ഹി: ഡൽഹി ഹൈക്കോടതി ജഡ്ജി യശ്വന്ത് വർമ്മയുടെ ഔദ്യോഗിക വസതിയിൽ തീപിടുത്തമുണ്ടായ സമയത്ത് ജഡ്ജി ജഡ്ജി വീട്ടിൽ ഉണ്ടായിരുന്നില്ല. തീ അണയ്ക്കാൻ അഗ്നിശമന സേനാംഗങ്ങൾ പോയപ്പോൾ കോടിക്കണക്കിന് രൂപയുടെ പണം കണ്ടെത്തിയതായി നേരത്തെ വാർത്തകൾ വന്നിരുന്നു. ഈ കാര്യത്തിൽ നടപടി വേണമെന്ന ആവശ്യം ഉയർന്നതോടെ വിഷയം സുപ്രീം കോടതിയിൽ എത്തി. വെള്ളിയാഴ്ച രാജ്യസഭയിൽ പ്രതിപക്ഷ പാർട്ടികൾ ഈ വിഷയം ഉന്നയിച്ച് ബഹളമുണ്ടാക്കുകയുംക്‍ ഹെയ്തിരുന്നു. എന്നാൽ, ഇപ്പോൾ ഈ സംഭവത്തിൽ പുതിയൊരു ട്വിസ്റ്റ് വന്നിരിക്കുന്നു. ഡൽഹി അഗ്നിശമന വകുപ്പ് ഒരു കുറിപ്പ് പുറത്തിറക്കി എല്ലാവരെയും അത്ഭുതപ്പെടുത്തി.
ജഡ്ജിയുടെ ഔദ്യോഗിക വസതിയിൽ നിന്ന് പണം കണ്ടെത്തിയെന്ന അവകാശവാദം അഗ്നിശമന വകുപ്പ് തള്ളി. സംഭവസ്ഥലത്ത് നിന്ന് പണമൊന്നും കണ്ടെത്തിയില്ലെന്ന് ഡൽഹി ഫയർ സർവീസ് (ഡിഎഫ്എസ്) മേധാവി അതുൽ ഗാർഗ് പറഞ്ഞു.
മാർച്ച് 14 ന് രാത്രി 11.35 ന് ജസ്റ്റിസ് വർമ്മയുടെ വസതിയിൽ തീപിടുത്തമുണ്ടായതായി ഡിഎഫ്എസ് മേധാവി അതുൽ ഗാർഗ് വെള്ളിയാഴ്ച പറഞ്ഞു. ഉടൻ തന്നെ രണ്ട് ഫയർ എഞ്ചിനുകൾ സ്ഥലത്തേക്ക് അയച്ചു. രാത്രി 11.43 ഓടെ അഗ്നിശമന സേന സ്ഥലത്തെത്തി തീ നിയന്ത്രണ വിധേയമാക്കി. സ്റ്റേഷനറി സാധനങ്ങളും വീട്ടുപകരണങ്ങളും സൂക്ഷിച്ചിരുന്ന സ്റ്റോർ റൂമിലാണ് തീപിടിത്തമുണ്ടായതെന്ന് അദ്ദേഹം പറഞ്ഞു.
15 മിനിറ്റിനുള്ളിൽ തീ അണച്ചതായി അഗ്നിശമന സേന അറിയിച്ചു. ആളപായമൊന്നും ഉണ്ടായിട്ടില്ല. ഇതിനുശേഷം അദ്ദേഹം ഈ സംഭവത്തെക്കുറിച്ച് പോലീസിൽ അറിയിച്ചു. തുടർന്ന് അഗ്നിശമന സേനാ സംഘം അവിടെ നിന്ന് പോയി. തീ അണയ്ക്കുന്നതിനിടെ അഗ്നിശമന സേനാംഗങ്ങൾക്ക് പണമൊന്നും കണ്ടെത്താനായില്ലെന്നും അതുല്‍ ഗാര്‍ഗ് പറഞ്ഞു.
