യുകെ-അഫിലിയേറ്റഡ് ഓഷ്യാനിക് ദ്വീപ് രാഷ്ട്രത്തിൽ നിലനിൽക്കുന്ന ഇസ്‌ലാമോഫോബിയയ്‌ക്കിടയിൽ ന്യൂസിലാൻഡ് ഹൈസ്‌കൂളിൽ 17 വയസ്സുള്ള മുസ്‌ലിം വിദ്യാർത്ഥിനിയെ അക്രമിക്കുകയും ഹിജാബ് വലിച്ചുകീറുകയും ചെയ്തു.
ലോകമെമ്പാടുമുള്ള മുസ്‌ലിംകൾ സാധാരണയായി ധരിക്കുന്ന വൈവിധ്യമാർന്ന ഇസ്‌ലാമിക ശിരോവസ്‌ത്രമായ ഹിജാബ് ബുധനാഴ്ച ഡൺസെഡിൻ നഗരത്തിലെ ഒട്ടാഗോ ഗേൾസ് ഹൈസ്‌കൂളിൽ വെച്ച് മൂന്ന് പെൺകുട്ടികൾ വലിച്ചു കീറിയതിനെത്തുടര്‍ന്ന് ഹോദ അൽ-ജമാ എന്ന വിദ്യാർത്ഥിക്ക് മസ്തിഷ്കാഘാതം സംഭവിച്ചു. ഒരു അദ്ധ്യാപകന്റെ സാന്നിധ്യത്തിലാണ് മര്‍ദ്ദനം നടന്നതെന്ന് യുകെ ആസ്ഥാനമായുള്ള മിഡിൽ ഈസ്റ്റ് ഐ റിപ്പോർട്ട് ചെയ്തു.
“രണ്ട് പെൺകുട്ടികൾ എന്നെ പിടിച്ചു, ഒരാൾ എന്നെ അടിച്ചു, ഞാൻ നിലത്ത് വീണതിന് ശേഷവും അവൾ … എന്റെ മുഖത്തും ദേഹത്തും ഇടിക്കുകയായിരുന്നു. ടീച്ചർ എന്നെ സഹായിക്കുമെന്ന് കരുതി ഞാൻ കാത്തിരുന്നു,” ജമാഅ പറഞ്ഞു.
പെൺകുട്ടികൾ ഹിജാബ് അഴിച്ചുമാറ്റുന്നത് ചിത്രീകരിക്കുകയും വീഡിയോ ഇപ്പോൾ സ്കൂളിലെ ആൺകുട്ടികൾക്കും മറ്റ് പെൺകുട്ടികൾക്കുമായി ഷെയര്‍ ചെയ്തെന്നും ഇര കൂട്ടിച്ചേർത്തു. സ്കൂളിലെ തന്റെ രണ്ട് മുസ്ലീം സുഹൃത്തുക്കളോടും അക്രമികൾ ഇത്തരത്തിൽ ചെയ്യാൻ ശ്രമിച്ചതായും ഇര ചൂണ്ടിക്കാട്ടി.
“എന്റെ ഹിജാബ്… എന്റെ സംസ്കാരവും എന്റെ മതവുമാണ്. എന്റെ ഹിജാബ് എനിക്ക് എല്ലാം ആണ്, ഞാൻ എന്റെ ഹിജാബിനെ സ്നേഹിക്കുന്നു, മറ്റ് പെൺകുട്ടികൾ അവരുടെ ഹിജാബുകൾ ഇഷ്ടപ്പെടുന്നു,” പെണ്‍കുട്ടി പറഞ്ഞു.
താൻ അനുഭവിച്ച ആദ്യത്തെ അക്രമാസക്തമായ ആക്രമണമല്ല ഈ സംഭവമെന്നും കൂടെക്കൂടെ തന്റെ നേരെ വിരല്‍ ചൂണ്ടി സഹപാഠികൾ തീവ്രവാദിയെന്ന് വിളിക്കുകയും ചെയ്യാറുണ്ടെന്നും പറഞ്ഞു.
ക്രൂരമായ ആക്രമണത്തിൽ ഉൾപ്പെട്ട അക്രമികളെ തിരിച്ചറിഞ്ഞതായും വിദ്വേഷ കുറ്റകൃത്യത്തെക്കുറിച്ച് “അന്വേഷണം” ആരംഭിച്ചതായും ലോക്കൽ പോലീസ് പറഞ്ഞു. എന്നാൽ, കുറ്റവാളികളെ കസ്റ്റഡിയിലെടുത്തതിനെക്കുറിച്ച് ഒരു വിവരവുമില്ല.
ഒരു ബ്രിട്ടീഷ് കോമൺവെൽത്ത് രാഷ്ട്രമായ ന്യൂസിലാന്റിലെ ഏറ്റവും പുതിയ മുസ്ലീം വിരുദ്ധ സംഭവം പ്രാദേശിക, അന്തർദേശീയ മാധ്യമങ്ങളുടെ ശ്രദ്ധ പിടിച്ചുപറ്റി. കേസിൽ നീതി തേടിയുള്ള ഒരു നിവേദനം, ഇതുവരെ (രണ്ട് ദിവസത്തിനുള്ളിൽ) 60,000 ഒപ്പുകൾ ലഭിച്ചു.
രാജ്യത്ത് നിലനിൽക്കുന്ന ഇസ്‌ലാമോഫോബിയയെ വിദ്വേഷകരമായ കുറ്റകൃത്യങ്ങൾ ഉയർത്തിക്കാട്ടുന്നതിനായി നിരവധി സോഷ്യൽ മീഡിയ ഉപയോക്താക്കൾ #JusticeforHoda എന്ന ഹാഷ്‌ടാഗ് പങ്കിട്ടു.
