ന്യൂഡൽഹി: പ്രധാനമന്ത്രി നരേന്ദ്ര മോദി ഇന്ന് ബിംസ്റ്റെക് സമ്മേളനത്തെ അഭിസംബോധന ചെയ്തു. ഏഴ് രാജ്യങ്ങളുടെ ഈ സംഘം പല സുപ്രധാന വിഷയങ്ങളും വീണ്ടും ചർച്ച ചെയ്യുമെന്നാണ് വിവരം. വെര്‍‌ച്വലായി സംഘടിപ്പിച്ചിരിക്കുന്ന ഈ സമ്മേളനത്തിന് ശ്രീലങ്കയാണ് ആതിഥേയത്വം വഹിക്കുന്നത്. പ്രധാനമന്ത്രി നരേന്ദ്ര മോദി തന്റെ പ്രസംഗത്തിൽ, സുരക്ഷാ വിഷയവും ഐക്യപ്പെടാനുള്ള സന്ദേശവും നല്‍കും.
യൂറോപ്പിൽ ഇപ്പോൾ നടക്കുന്ന സംഭവങ്ങൾ കണക്കിലെടുക്കുമ്പോൾ പ്രാദേശിക സഹകരണം വളരെ പ്രധാനമാണെന്ന് പ്രധാനമന്ത്രി മോദി പറഞ്ഞു. അതുകൊണ്ടാണ് ഇപ്പോൾ ഞങ്ങൾ ബിംസ്റ്റെക് ചാർട്ടറും സ്വീകരിച്ചിരിക്കുന്നത്. സമ്മേളനത്തിന് മുന്നോടിയായി പ്രധാനമന്ത്രി മോദി വലിയൊരു പ്രഖ്യാപനവും നടത്തി. പ്രവർത്തന ബജറ്റ് വർധിപ്പിക്കാൻ ഇന്ത്യയിൽ നിന്ന് 1 ദശലക്ഷം യുഎസ് ഡോളർ നൽകുമെന്നും അദ്ദേഹം പറഞ്ഞു.
ഇന്നത്തെ വെല്ലുവിളി നിറഞ്ഞ ആഗോളസാഹചര്യത്തിൽ നമ്മുടെ പ്രദേശവും തൊട്ടുകൂടായ്കയില്ലെന്ന് പ്രധാനമന്ത്രി മോദി പറഞ്ഞു. നമ്മുടെ സമ്പദ്‌വ്യവസ്ഥ, നമ്മുടെ ജനങ്ങൾ, കൊറോണ മഹാമാരിയുടെ ദൂഷ്യഫലങ്ങൾ ഇപ്പോഴും അഭിമുഖീകരിക്കുകയാണ്. കഴിഞ്ഞ ഏതാനും ആഴ്‌ചകളിൽ യൂറോപ്പിലെ സംഭവവികാസങ്ങൾ അന്താരാഷ്ട്ര സംവിധാനത്തിന്റെ സ്ഥിരതയിൽ ഒരു ചോദ്യചിഹ്നമാണ് സൃഷ്ടിച്ചിരിക്കുന്നത്.
ഇത്തവണ ബിംസ്റ്റെക് സമ്മേളനത്തിന്റെ പ്രമേയം ‘സാധ്യതയുള്ള മേഖല, സമൃദ്ധമായ സമ്പദ്‌വ്യവസ്ഥ, ആരോഗ്യമുള്ള ആളുകൾ’ എന്നതായിരിക്കും.
സ്ഥാപിതമായിട്ട് 25 വർഷം പൂർത്തിയായതിനാൽ ഈ സമ്മേളനം കൂടുതൽ സവിശേഷമായി കണക്കാക്കപ്പെടുന്നു. ബിംസ്റ്റെക്കിനെക്കുറിച്ച് പറയുകയാണെങ്കിൽ, ബംഗാൾ ഉൾക്കടലിലെ രാജ്യങ്ങൾ കേന്ദ്രീകരിച്ചുള്ള ഒരു പ്രാദേശിക സഹകരണ ഗ്രൂപ്പാണിത്.
1997-ൽ ഇന്ത്യയുടെ സഹായത്തോടെയാണ് ബിസ്റ്റ്-ഇസി (Bist-EC) ഗ്രൂപ്പ് ആദ്യമായി സ്ഥാപിതമായത്. തുടർന്ന് ഇന്ത്യ, ബംഗ്ലാദേശ്, ശ്രീലങ്ക, തായ്‌ലൻഡ് എന്നിവരെ ഈ ഗ്രൂപ്പിൽ ഉൾപ്പെടുത്തി. പിന്നീട് ഈ ഗ്രൂപ്പിനെ നേപ്പാൾ, മ്യാൻമർ, ഭൂട്ടാൻ എന്നിവ ഉൾപ്പെടുത്തി വിപുലീകരിക്കുകയും അതിന്റെ പേര് BIMSTEC എന്നാക്കി മാറ്റി.
