കാസർകോട്: ഭക്ഷ്യവിഷബാധയേറ്റെന്ന് സംശയിക്കുന്ന കേസിൽ കാസർകോട് ജില്ലയിലെ ചെറുവത്തൂരിലെ സ്നാക്സ് ബാറിൽ നിന്ന് ഷവർമ കഴിച്ചതിനെത്തുടര്‍ന്ന് 16 വയസ്സുള്ള സ്‌കൂൾ വിദ്യാർത്ഥിനി മരിക്കുകയും 30 ഓളം പേർക്ക് വിഷബാധയേല്‍ക്കുകയും ചെയ്തു.
കണ്ണൂർ ജില്ലയിലെ കരിവെള്ളൂർ-പെരളം ഗ്രാമപഞ്ചായത്തിലെ നാരായണന്‍-പ്രസന്ന ദമ്പതികളുടെ മകള്‍ ദേവനന്ദ (16) യാണ് മരിച്ചത്. അച്ഛൻ നാരായണൻ അഞ്ചുമാസം മുമ്പാണ് മരിച്ചതെന്ന് പെർളം വാർഡ് അംഗം പി.വി.രമേശൻ പറഞ്ഞു.
തുടർന്ന് അമ്മയും മകളും ചെറുവത്തൂർ പഞ്ചായത്തിലെ മേൽമറ്റ്ലായിയിൽ പ്രസന്നയുടെ മൂത്ത സഹോദരിയുടെ വീട്ടിലേക്ക് താമസം മാറി.
കരിവെള്ളൂരിലെ എവി സ്മാരക ഗവൺമെന്റ് ഹയർസെക്കൻഡറി സ്‌കൂളിൽ പത്താം ക്ലാസ് പൂർത്തിയാക്കിയ ദേവനന്ദ 12-ാം ക്ലാസിൽ ചേരാനൊരുങ്ങുകയായിരുന്നു. ദേവനന്ദയ്‌ക്കൊപ്പം ഭക്ഷ്യവിഷബാധയേറ്റ 14 പേര്‍ വിവിധ ആശുപത്രിയില്‍ ചികിത്സയിലാണ്.
ഇതില്‍ അഞ്ച് പേരുടെ നില ഗുരുതരമാണെന്ന് ഡോക്ടര്‍മാര്‍ അറിയിച്ചു. ഇവരെ ഉടന്‍ ജില്ലാ ആശുപത്രിയിലേക്ക് മാറ്റും. കാസര്‍ഗോഡ് ചെറുവത്തൂര്‍ ഐഡിയല്‍ കൂള്‍ബാറില്‍ നിന്ന് ഷവര്‍മ കഴിച്ചവര്‍ക്കാണ് ഭക്ഷ്യവിഷബാധ ഏറ്റത്. സ്‌കൂള്‍ വിദ്യാര്‍ഥികള്‍ ഉള്‍പ്പടെ നിരവധി പേര്‍ ഇവിടെ നിന്ന് ഷവര്‍മ കഴിച്ചിട്ടുണ്ടെന്നാണ് വിവരം.
വയറിളക്കത്തെ തുടര്‍ന്ന് ഇന്നലെയാണ് നാല് പേര്‍ ആശുപത്രിയില്‍ ചികിത്സ തേടിയത്. ഇന്ന് രാവിലെ മൂന്ന് പേര്‍ കൂടി പനിയും വയറിളക്കവുമായി ആശുപത്രിയില്‍ എത്തി. ഇതേകാരണം പറഞ്ഞ് നിരവധി പേര്‍ ആശുപത്രിയില്‍ എത്തുകയായിരുന്നു. തുടര്‍ന്ന് ആരോഗ്യവിഭാഗം നടത്തിയ പരിശോധനയിലാണ് ഷവര്‍മ കഴിച്ചവര്‍ക്കാണ് ശാരീരിക പ്രശ്നങ്ങള്‍ ഉണ്ടായതെന്ന് കണ്ടെത്തിയത്.
ദേവനന്ദയുടെ മരിച്ചതോടെ ചന്തേര പോലീസ് ഐഡിയൽ കൂൾ ബാറും ഫുഡ് പോയിന്റും സീൽ ചെയ്യുകയും അതിന്റെ രണ്ട് തൊഴിലാളികളായ സന്ദേശ് റായി, അനക്സ് എം എന്നിവരെ കസ്റ്റഡിയിലെടുക്കുകയും ചെയ്തു. സ്നാക്ക് ബാറിന്റെ ഉടമ അഹമ്മദ് ഒളിവിൽ പോയതായി ചന്തേര പോലീസ് സ്റ്റേഷനിലെ ഉദ്യോഗസ്ഥൻ പറഞ്ഞു.
മനഃപൂർവമല്ലാത്ത നരഹത്യ (ഐപിസി സെക്ഷൻ 304), മനഃപൂർവമല്ലാത്ത നരഹത്യ നടത്താനുള്ള ശ്രമം (ഐപിസി സെക്ഷൻ 308), മായം കലർന്ന ഭക്ഷണം വിൽക്കൽ (ഐപിസി സെക്ഷൻ 272) എന്നീ കുറ്റങ്ങളാണ് മൂന്നു പേരുടേയും പേരില്‍ ചുമത്തിയിരിക്കുന്നത്.
ഏപ്രിൽ 29-നോ 30-നോ ആണ് ഐഡിയലിൽ നിന്ന് ചിക്കൻ ഷവർമ കഴിച്ചതെന്ന് ജില്ലാ ആശുപത്രിയിൽ പ്രവേശിപ്പിച്ച 31 രോഗികളും പറഞ്ഞതായി ജില്ലാ മെഡിക്കൽ ഓഫീസർ എ വി രാംദാസ് പറഞ്ഞു. ഇവരിൽ ഭൂരിഭാഗവും 10 വയസിൽ താഴെയുള്ളവരായിരുന്നു. 15-നും 20നും ഇടയ്ക്ക് പ്രായമുള്ളവരും ഉണ്ട്.
അതേസമയം, ഭക്ഷ്യ വിഷബാധയുടെ പശ്ചാത്തലത്തിൽ സംസ്ഥാന വ്യാപകമായി പരിശോധന നടത്തുമെന്ന് മന്ത്രി എം വി ഗോവിന്ദൻ പറഞ്ഞു. ഭക്ഷ്യ വിഷബാധയേറ്റ് ചികിത്സയിൽ കഴിയുന്നവരെ മന്ത്രി കാഞ്ഞങ്ങാട് ജില്ലാ ആശുപത്രിയിൽ സന്ദർശിച്ചു. നിയമം ലംഘിച്ചുള്ള ഭക്ഷ്യ വില്ലന നേരത്തെയും ഉണ്ടായിരുന്നുവെന്ന് മന്ത്രി പറഞ്ഞു. ഇതിനെതിരെ കർശന നടപടി എടുക്കും. ഗുണമേന്മയുള്ള ഭക്ഷണമാണ് നൽകുന്നതെന്ന് ഉറപ്പു വരുത്താൻ ആവശ്യമായ നടപടി സ്വീകരിക്കുമെന്നും മന്ത്രി പറഞ്ഞു.
ചെറുവത്തൂരിലെ കൂൾബാറിൽ നിന്ന് ഷവർമ കഴിച്ചവർക്കാണു ഭക്ഷ്യവിഷബാധയുണ്ടായത്. പനി, വയറിളക്കം തുടങ്ങിയ കാരണങ്ങളിൽ നിരവധി പേരാണ് ശനി, ഞായർ ദിവസങ്ങളിൽ വിവിധ ആശുപത്രികളിൽ ചികിത്സ തേടിയത്. ആരോഗ്യ വിഭാഗം നടത്തിയ പരിശോധനയിലാണു ഷവർമ കഴിച്ചവർക്കാണു ശാരീരിക അസ്വസ്ഥതകൾ ഉണ്ടായതെന്നു കണ്ടെത്തിയത്. കൂൾബാർ അടപ്പിച്ചതായി ചെറുവത്തൂർ പഞ്ചായത്ത് പ്രസിഡന്റ് സി. പ്രമീള പറഞ്ഞു. മറ്റു കടകളിലും പരിശോധന നടത്തുമെന്നും പ്രമീള അറിയിച്ചു.
