കൊച്ചി: കൊല്ലം പെരുമൺ എൻജിനീയറിംഗ് കോളേജിൽ നിന്ന് വിനോദസഞ്ചാരത്തിന് പുറപ്പെടുന്നതിന് മുമ്പ് ടൂറിസ്റ്റ് ബസിന് മുകളിൽ പടക്കം പൊട്ടിച്ച് തീപിടിച്ച സംഭവത്തിൽ റിപ്പോർട്ട് നൽകാൻ സംസ്ഥാന സർക്കാരിനോട് ഹൈക്കോടതി ആവശ്യപ്പെട്ടു. ജൂൺ 26നാണ് സംഭവം നടന്നത്.
ഒരു വിദ്യാർത്ഥി പകർത്തിയ വീഡിയോ സോഷ്യൽ മീഡിയയിൽ വൈറലായതിനെ തുടർന്ന് വാർത്താ റിപ്പോർട്ടുകൾ വന്നതോടെയാണ് സംഭവം പുറത്തറിയുന്നത്. യാത്ര തുടങ്ങുന്നതിന് മുമ്പ് ബസുടമകൾ ബസിന് മുകളിൽ പടക്കം പൊട്ടിച്ചതായി റിപ്പോർട്ടുകൾ പറയുന്നു.
ജസ്റ്റിസ് അനിൽ കെ നരേന്ദ്രൻ, ജസ്റ്റിസ് പി ജി അജിത് കുമാർ എന്നിവരടങ്ങിയ ഡിവിഷൻ ബെഞ്ച് തുറന്ന കോടതിയിൽ സംഭവത്തിന്റെ വീഡിയോ ക്ലിപ്പിംഗുകളും വീക്ഷിച്ചു.
ഈ കോടതിയുടെ ഉത്തരവിന് ശേഷവും സുരക്ഷാ ആവശ്യകതകൾ ലംഘിച്ച് പൊതുസ്ഥലങ്ങളിൽ കരാർ വണ്ടികൾ ഉപയോഗിക്കുന്നുണ്ടെന്ന് അച്ചടി, ദൃശ്യ മാധ്യമങ്ങളിൽ വന്ന വാർത്താ റിപ്പോർട്ടിൽ നിന്ന് വ്യക്തമായ സാഹചര്യം വ്യക്തമാക്കുന്നതായി ബെഞ്ച് നിരീക്ഷിച്ചു. ഇത് യാത്രക്കാരുടെയും മറ്റ് റോഡ് ഉപയോക്താക്കളുടെയും സുരക്ഷയ്ക്ക് ഭീഷണിയാകാമെന്നും കോടതി പറഞ്ഞു.
സംഭവത്തിൽ നിർദേശം ലഭിക്കാൻ പ്രത്യേക ഗവൺമെന്റ് പ്ലീഡർ സമയം തേടി. ഇത്തരം വാഹനങ്ങൾ സ്‌കൂളുകളിൽ വിദ്യാഭ്യാസ സ്ഥാപനങ്ങളുടെ ബസുകളായി കരാർ അടിസ്ഥാനത്തിൽ ഉപയോഗിക്കുന്നുണ്ടോ, കൂടാതെ കേരള സ്റ്റേറ്റ് റോഡ് ട്രാൻസ്‌പോർട്ട് കോർപ്പറേഷനും ടൂറിസം പ്രോത്സാഹനത്തിനായി ഉപയോഗിക്കുന്നുണ്ടോ എന്നതു സംബന്ധിച്ച നിർദേശങ്ങൾ ലഭിക്കണമെന്നും കോടതി നിർദേശിച്ചു.
കോൺട്രാക്‌ട് ക്യാരേജിന്റെയോ മറ്റ് ട്രാൻസ്‌പോർട്ട് വാഹനത്തിന്റെയോ ഡ്രൈവർ ക്യാബിൻ, പാസഞ്ചർ ക്യാബിൻ എന്നിവയുടെ പുറംഭാഗത്തിന്റെ കളർ ഫോട്ടോകളും വീഡിയോ ക്ലിപ്പിംഗുകളും അപകട റിപ്പോർട്ടിനൊപ്പം സമര്‍പ്പിക്കാന്‍ ട്രാൻസ്‌പോർട്ട് കമ്മീഷണർക്കും സംസ്ഥാന പോലീസ് മേധാവിക്കും കോടതി നിർദ്ദേശം നൽകി.
അനധികൃത ലൈറ്റുകളും ശബ്ദസംവിധാനങ്ങളും ഉപയോഗിച്ചുള്ള കോൺട്രാക്‌ട് ക്യാരിയേജുകൾക്കെതിരെ മോട്ടോർ വാഹനവകുപ്പ് നടപടിയെടുത്തിട്ടും മറ്റ് വാഹനയാത്രക്കാരുടെ ശ്രദ്ധ തിരിക്കുന്നതും അപകടമുണ്ടാക്കുന്നതുമായ നിയമലംഘനങ്ങൾ തുടരുകയാണെന്നും കോടതി നിരീക്ഷിച്ചു.
അതിനിടെ, സംഭവത്തിൽ മോട്ടോർ വെഹിക്കൾ വകുപ്പ് ബസ് കസ്റ്റഡിയിലെടുത്തു. ഇന്ന് ആലപ്പുഴയിൽ പരിശോധന നടത്തുകയായിരുന്ന മോട്ടോർ വാഹന ഡിപ്പാർട്ട്മെന്റാണ് വാഹനം കസ്റ്റഡിയിലെടുത്തത്.
കഴിഞ്ഞ മാസം 26 നാണിനായിരുന്നു സംഭവം. മൊത്തം മൂന്ന് വണ്ടികളിലാണ് കോളേജിൽ നിന്ന് ടൂർ പോയത്. ഇതിൽ സോഷ്യൽ മീഡിയയിൽ ഏറെ ഹിറ്റായ കൊമ്പൻ എന്ന പേരുള്ള രണ്ട് ബസും. മറ്റ് ഒരു ബസ് കൂടി ഉണ്ടായിരുന്നു. 6 ദിവസത്തെ ടൂറിനാണ് ഇവർ പുറപ്പെട്ടത്. എന്നാൽ, പുറപ്പെടുന്നതിന് മുൻപായി കുട്ടികളെ ആവേശത്തിലാക്കാൻ ബസ് ജീവനക്കാർ തന്നെയാണ് ബസിന് മുകളിൽ പൂത്തിരി കത്തിച്ചത്. ഇതിൽ നിന്നുള്ള തീയാണ് ബസിലേക്ക് പടർന്നത്.
തീ പടർന്നതോടെ ജീവനക്കാർ തന്നെ തീ അണച്ചതോടെ വൻ ദുരന്തമൊഴിവായി. ബസുകൾ തമ്മിലുള്ള മത്സരത്തിന്റെ ഭാഗമായിട്ടാണ് ഇത്തരം ആഘോഷങ്ങൾ സംഘടിപ്പിക്കുന്നത്. തീ അണച്ച ശേഷം യാത്ര തുടരുകയായിരുന്നു. ഇപ്പോൾ ബസ് കുട്ടികളുമായി അന്യ സംസ്ഥാനത്താണ് ഓടിക്കൊണ്ടിരിക്കുകയാണ്. തിരിച്ചെത്തിയാൽ ഉടൻ തന്നെ നടപടി സ്വീകരിക്കുമെന്ന് അധികൃതർ അറിയിച്ചു. ഇതിന് മുൻപും ഇതേ ബസ് നിരവധി നിയമ ലംഘനങ്ങൾ നടത്തിയിട്ടുണ്ട്.
എന്നാൽ ഈ വിഷയത്തിൽ തങ്ങൾക്ക് പങ്ക് ഇല്ലന്നും ഉത്തരവാദികള്‍ ബസ് ജീവനക്കാരെന്ന് കോളജ് അധികൃതര്‍ പറഞ്ഞു.
