ന്യൂഡല്‍ഹി: സസ്‌പെൻഷനിലായ ബിജെപി വക്താവ് നൂപുർ ശർമ്മയ്ക്ക് ചൊവ്വാഴ്ച സുപ്രീം കോടതി ഇടക്കാല ഇളവ് അനുവദിച്ചു. ഓഗസ്റ്റ് 10 വരെ ശർമയെ അറസ്റ്റ് ചെയ്യരുതെന്നും കോടതി നിർദേശിച്ചു.
ഇന്ത്യയിലുടനീളം അവർക്കെതിരെ രജിസ്റ്റർ ചെയ്ത ഒമ്പത് എഫ്‌ഐആറുകളും ഒരുമിച്ചാക്കണമെന്ന് ആവശ്യപ്പെട്ട് അവരുടെ മുൻ ഹർജി പുനരവലോകനം ചെയ്യണമെന്ന് ആവശ്യപ്പെട്ട് പുതിയ അപേക്ഷ നൽകിയിരുന്നു.
ശർമ്മയ്ക്ക് ഗുരുതരമായ ജീവന് ഭീഷണിയുണ്ടെന്നും, അതിനാൽ യാത്ര ചെയ്യാൻ കഴിയാത്ത അവസ്ഥയിലാണെന്നും ശർമയ്ക്കുവേണ്ടി ഹാജരായ അഭിഭാഷകൻ മനീന്ദർ സിംഗ് കോടതിയെ അറിയിച്ചു.
ജസ്റ്റിസുമാരായ സൂര്യകാന്ത്, ജെബി പർദിവാല എന്നിവരടങ്ങിയ ബെഞ്ചാണ് ഉത്തരവിട്ടത്. നേരത്തെ ജൂലൈ ഒന്നിന് ശർമയുടെ ഹർജി പരിഗണിക്കാൻ വിസമ്മതിച്ച അതേ ബെഞ്ചാണിത്.
നൂപൂർ ശർമ്മ വിവാദം
ടൈംസ് നൗ ഗ്രൂപ്പ് എഡിറ്റർ നവിക കുമാർ നടത്തിയ ടിവി സം‌വാദത്തിലാണ് ബി.ജെ.പി വക്താവ് പ്രവാചകനെ അധിക്ഷേപിക്കുന്ന പ്രസ്താവനകൾ നടത്തിയതെന്നാണ് ആരോപണം.
അവരുടെ പ്രസ്താവന തൽക്ഷണം അപലപിക്കപ്പെട്ടെങ്കിലും അത് തിരുത്താൻ ബിജെപി ഒരു നടപടിയും എടുത്തില്ല. ഒരു നടപടിയും സ്വീകരിക്കാത്ത നരേന്ദ്ര മോദിയുടെ നേതൃത്വത്തിലുള്ള സർക്കാരിനെ നിശിതമായി വിമർശിച്ച വാർത്ത ഉടൻ തന്നെ അറബ് രാജ്യങ്ങളിലേക്ക് പടർന്നു.
സൗദി അറേബ്യ, കുവൈറ്റ്, ബഹ്‌റൈൻ തുടങ്ങിയ ഗൾഫ് രാജ്യങ്ങളിലെ പല സൂപ്പർ സ്റ്റോറുകളും തങ്ങളുടെ ഷെല്‍‌ഫുകളില്‍ നിന്ന് ഇന്ത്യൻ ഉൽപ്പന്നങ്ങൾ നീക്കം ചെയ്തതായി റിപ്പോർട്ടുകളുണ്ട്. തിരിച്ചടിക്ക് ശേഷം, “ഏതെങ്കിലും മതത്തിലെ ഏതെങ്കിലും മത വ്യക്തിത്വങ്ങളെ അവഹേളിക്കുന്നതിനെ ശക്തമായി അപലപിക്കുന്നു” എന്ന് പ്രസ്താവിച്ചുകൊണ്ട് കേന്ദ്രം ഒരു പത്രക്കുറിപ്പ് പുറത്തിറക്കി.
പാർട്ടി ശർമ്മയെ സസ്പെൻഡ് ചെയ്തു, അതിനുശേഷം അവർ പരസ്യമായി മാപ്പ് പറഞ്ഞു. “എന്റെ വാക്കുകൾ അസ്വാസ്ഥ്യമുണ്ടാക്കുകയോ ആരുടെയെങ്കിലും മതവികാരം വ്രണപ്പെടുത്തുകയോ ചെയ്തിട്ടുണ്ടെങ്കിൽ, ഞാൻ എന്റെ പ്രസ്താവന നിരുപാധികം പിൻവലിക്കുന്നു,” എന്നായിരുന്നു നൂപുര്‍ ശര്‍മ്മ മാപ്പ് പറഞ്ഞത്.
അവരുടെ അപകീർത്തികരമായ പ്രസ്താവനകളെത്തുടർന്ന് , ഇന്ത്യയിലുടനീളം പ്രതിഷേധം പൊട്ടിപ്പുറപ്പെട്ടു. അത് ഉടൻ തന്നെ ഉത്തർപ്രദേശ്, ജാർഖണ്ഡ്, ജമ്മു കശ്മീർ, തെലങ്കാന, പശ്ചിമ ബംഗാൾ, ഡൽഹി, കർണാടക എന്നിവിടങ്ങളിലേക്ക് വ്യാപിച്ചു.
പ്രതിഷേധക്കാർ പോലീസുമായി ഏറ്റുമുട്ടിയപ്പോൾ രണ്ട് മുസ്ലീം യുവാക്കൾ കൊല്ലപ്പെട്ടു.
എന്നാല്‍, ബിജെപി ഭരിക്കുന്ന സംസ്ഥാനങ്ങളിലുടനീളമുള്ള ജില്ലാ ഭരണകൂടങ്ങൾ വീടുകൾ പൊളിക്കാൻ തുടങ്ങിയതോടെ പ്രതിഷേധം ഉടൻ തന്നെ പ്രതിഷേധക്കാർക്ക് മാരകമായി മാറി.
