കാലക്രമേണ വിവിധ രോഗങ്ങളെ ചികിത്സിക്കാൻ പലരും ആയുർവേദത്തെ ആശ്രയിക്കുന്നു. മനസ്സും ശരീരവും തമ്മിലുള്ള ബന്ധം, പോഷകാഹാരം, വ്യായാമം, ജീവിതശൈലി പരിഷ്‌ക്കരണങ്ങൾ, ഔഷധസസ്യങ്ങളുടെ ഉപയോഗം എന്നിവയിൽ ശക്തമായ ശ്രദ്ധയൂന്നിക്കൊണ്ട്, ആയുർവേദത്തിന് പ്രമേഹം ബാധിച്ച രോഗികളിലും ആരോഗ്യസംരക്ഷണ സംവിധാനത്തിലും വലിയ സ്വാധീനം ചെലുത്താൻ കഴിയും. പലപ്പോഴും, വിട്ടുമാറാത്ത അവസ്ഥകൾ ജീവിതശൈലി പരിഷ്ക്കരണങ്ങളിലൂടെ മികച്ച രീതിയിൽ ചികിത്സിക്കുന്നു. ചില ആളുകൾ മരുന്നുകളോട് ശരിക്കും നിരാശരായിരിക്കും. അവർക്ക് സ്വാഭാവിക ചികിത്സ ആവശ്യമാണ്. പാർശ്വഫലങ്ങളൊന്നും ഉണ്ടാക്കാത്തതിനാൽ ആയുർവേദ പ്രതിവിധികളാണ് ഉത്തമം.
തുളസിയും വേപ്പും: അസാധാരണമായ ഔഷധഗുണങ്ങളാൽ ഇന്ത്യയിലെ ജനങ്ങൾ ഈ ചെടിയെ ബഹുമാനിക്കുന്നു. തുളസി ഇലകളുടെ പതിവ് ഉപയോഗം രക്തത്തിലെ പഞ്ചസാരയുടെ അളവ് വിജയകരമായി നിയന്ത്രിക്കുന്നു. കൂടാതെ, പലതരം ക്യാൻസറുകൾ, ശ്വാസകോശ, ബാക്ടീരിയ അണുബാധകൾ, തൊണ്ടവേദന, ചുമ, ജലദോഷം എന്നിവയ്ക്ക് ഇത് പ്രയോജനകരമാണ്. അതേസമയം, രക്തം ശുദ്ധീകരിക്കാനും പ്രതിരോധശേഷി വർദ്ധിപ്പിക്കാനും വേപ്പ് ചരിത്രപരമായി ഉപയോഗിച്ചിരുന്നു. ഇത് സാധാരണ രക്തത്തിലെ ഗ്ലൂക്കോസിന്റെ അളവ് നിലനിർത്താൻ സഹായിക്കുന്നു.
മേത്തി അഥവാ ഉലുവ: പ്രമേഹരോഗികൾ പതിവായി ഉലുവ കഴിക്കണം. അവർക്ക് രാവിലെ വെറും വയറ്റിൽ ഉലുവ മുളപ്പിച്ചത് കഴിക്കുകയോ ഉലുവ വെള്ളം കുടിക്കുകയോ ചെയ്യാം. ഉലുവയ്ക്ക് മറ്റ് നിരവധി ഗുണങ്ങളുള്ളതിനാൽ നിങ്ങളുടെ ഭക്ഷണത്തിൽ ഉലുവയും ചേർക്കാം.
മഞ്ഞൾ: ഇത് ഒരു അലർജി വിരുദ്ധ, ക്യാന്‍സര്‍ വിരുദ്ധ, ആൻറി-ഇൻഫ്ലമേറ്ററി, കൂടാതെ ശക്തമായ പ്രകൃതിദത്ത ആൻറി ഡയബറ്റിക് ഏജന്റുകളിലൊന്നാണ്. ഇത് രക്തം ശുദ്ധീകരിക്കാൻ സഹായിക്കുന്നു, ഇൻസുലിൻ പ്രതിരോധം കുറയ്ക്കാൻ സഹായിക്കുന്നു, അങ്ങനെ കോശങ്ങളിലേക്ക് ഗ്ലൂക്കോസ് പ്രവേശനം സുഗമമാക്കുന്നു. കറ്റാർ വാഴയുമായി ചേർന്നാൽ മഞ്ഞൾ ഫലപ്രദമാണ്.
പാവയ്ക്ക-നെല്ലിയ്ക്ക ജ്യൂസ്: പാവയ്ക്കക്കും നെല്ലിക്കയ്ക്കും വിവിധ ആരോഗ്യ ഗുണങ്ങളുണ്ട്. ഇവ രണ്ടും സംയോജിപ്പിച്ചാൽ,
പ്രമേഹ ചികിത്സാ പ്രതിവിധികള്‍ക്ക് ഉത്തമം. പ്രമേഹത്തിന്റെ സങ്കീർണതകൾ കുറയ്ക്കുന്നതിലും നിയന്ത്രിക്കുന്നതിലും ഈ പച്ചക്കറി ജ്യൂസ് അത്ഭുതങ്ങൾ പ്രവർത്തിക്കുന്നു. മികച്ച ഗുണം ലഭിക്കുന്നതിന്, രാവിലെ വെറും വയറ്റിൽ ആദ്യം 30 മില്ലി പാവയ്ക്കാ യ്ജൂസ് ശുപാർശ ചെയ്യുന്നു.
വാഴപ്പഴവും നട്‌സും: രക്തത്തിലെ പഞ്ചസാരയുടെ അളവ് നിയന്ത്രിക്കാൻ വാഴപ്പഴം പോലുള്ള ഭക്ഷണങ്ങളിൽ അടങ്ങിയിരിക്കുന്ന പ്രതിരോധശേഷിയുള്ള അന്നജത്തിന്റെ കഴിവ് പല പഠനങ്ങളും ചൂണ്ടിക്കാണിച്ചിട്ടുണ്ട്. പക്ഷേ, മിതത്വമാണ് പ്രധാനമെന്ന് ഓർക്കുക. ആരോഗ്യകരമായ കൊഴുപ്പ് നൽകുന്നതും പ്രോട്ടീനുകളാൽ സമ്പുഷ്ടവും കാർബോഹൈഡ്രേറ്റ് വളരെ കുറവുള്ളതുമായ നട്‌സും നിങ്ങൾക്ക് കഴിക്കാം. എന്നാൽ, അണ്ടിപ്പരിപ്പ് നിയന്ത്രിത അളവിൽ മാത്രമാണെന്ന് ഉറപ്പാക്കുക.
സമ്പാദക: ശ്രീജ
