ഹൈദരാബാദ്: ഞായറാഴ്ച മിലൻ-ഉൻ-നബി പ്രമാണിച്ച് ശനിയാഴ്ച രാത്രി പെട്രോൾ പമ്പുകള്‍ അടച്ചിടുന്നതിനെതിരെ ആളുകൾ പ്രതിഷേധിച്ചതിനെ തുടർന്ന് ചാദർഘട്ടിൽ സംഘർഷം. രാത്രി 11 മണിയോടെ പോലീസ് പട്രോളിംഗ് വാഹനങ്ങൾ നഗരത്തിന്റെ ചില ഭാഗങ്ങളിലുള്ള സ്റ്റേഷനുകൾ അടയ്ക്കാൻ പെട്രോള്‍ ബങ്ക് മാനേജ്‌മെന്റുകളോട് ആവശ്യപ്പെട്ടു.
ഹൈദരാബാദ് പോലീസിന്റെ നിർദ്ദേശം പാലിച്ച്, ചില മാനേജ്‌മെന്റുകൾ പമ്പുകൾ അടച്ചു. പമ്പുകള്‍ അടച്ചതിൽ പ്രകോപിതരായ മലക്പേട്ടിലെ ആളുകൾ നൽഗൊണ്ട ക്രോസ് റോഡിന് സമീപമുള്ള പെട്രോൾ പമ്പില്‍ തടിച്ചുകൂടി മുദ്രാവാക്യം വിളിച്ചു. പമ്പ് തുറക്കണമെന്നും വാഹനങ്ങളില്‍ ഇന്ധനം നിറയ്ക്കാൻ അനുവദിക്കണമെന്നും ആവശ്യപ്പെട്ട് ചിലർ റോഡിൽ ഇരുന്നു.
ഹൈദരാബാദിലെ എല്ലാ പെട്രോള്‍ പമ്പുകളും അടച്ചുപൂട്ടാന്‍, ഉച്ചയോടെ പോലീസ് സ്റ്റേഷൻ ഇൻസ്പെക്ടർമാർക്ക് നിർദ്ദേശം ലഭിച്ചു. രാത്രിയിൽ അനുമതിയില്ലാതെ നടത്തുന്ന റാലികൾ തടയാനാണ് നടപടി. 11, 12 റബീൽ ഉൽ അവ്വൽ മാസങ്ങളിലെ (മുഹമ്മദ് നബിയുടെ ജന്മദിനം, ആചരിക്കുന്നത്) ഇടയ്ക്കുള്ള രാത്രിയിൽ ഒരു പരിശീലനമെന്ന നിലയിൽ യുവാക്കളുടെ കൂട്ടം വാഹനങ്ങളിൽ കറങ്ങുന്നു. ചില സംഭവങ്ങളിൽ അശ്രദ്ധമായ ഡ്രൈവിംഗും ട്രിപ്പിൾ റൈഡിംഗും ശ്രദ്ധയിൽ പെട്ടിട്ടുണ്ടെന്ന് പോലീസ് പറഞ്ഞു.
“നിയമലംഘനങ്ങൾക്ക് പോലീസ് കേസെടുക്കണം. കുറച്ചു പേര്‍ ചെയ്യുന്ന തെറ്റിന് ഹൈദരാബാദിനെ മുഴുവൻ ശിക്ഷിക്കാനാവില്ല. എനിക്ക് ഓർഡറുകൾ നൽകണം, എന്റെ വാഹനത്തിൽ ഇന്ധനമില്ല. ഞാൻ എങ്ങനെ എന്റെ ജോലി ചെയ്യും,” പേരു വെളിപ്പെടുത്താത്ത ഒരു ഫുഡ് ഡെലിവറി ബോയ് പരാതിപ്പെട്ടു.
ചില വാഹന ഉടമകൾ അവരുടെ വാഹനങ്ങളിൽ നിന്ന് ഇന്ധനം മാറ്റിയും ആവശ്യക്കാരായ വാഹന ഉടമകൾക്ക് പെട്രോൾ നൽകിയും സഹായിക്കുന്നു. ചിലയിടങ്ങളിൽ ഒരു ലിറ്റർ പെട്രോള്‍ 150 രൂപയ്ക്കും വിൽക്കുന്നുണ്ടെന്ന് ജനങ്ങള്‍ പറഞ്ഞു.
