സ്ഥിരീകരിക്കപ്പെട്ട ബാഡ്ജുകളിലേക്കുള്ള വ്യാജ പ്രൊഫൈലുകളുടെ തള്ളിക്കയറ്റം നേരിട്ടതിന് ശേഷം, ശക്തമായ വിമർശനത്തെ തുടർന്ന് കമ്പനി പിൻവലിച്ച $8 ബ്ലൂ സബ്‌സ്‌ക്രിപ്‌ഷൻ സേവനം അടുത്ത ആഴ്ച അവസാനത്തോടെ തിരികെ വരാൻ സാധ്യതയുണ്ടെന്ന് എലോൺ മസ്ക് പറഞ്ഞു.
ആളുകൾ ബ്ലൂ സർവീസ് ഉപയോഗിച്ച് വെരിഫൈഡ് ബാഡ്ജ് വാങ്ങുകയും എലി ലില്ലി, മരിയോ തുടങ്ങിയ വമ്പൻ ബ്രാൻഡുകളെ അനുകരിച്ച് വ്യാജ അക്കൗണ്ടുകൾ സൃഷ്‌ടിക്കുകയും നിരവധി ബ്രാൻഡുകൾക്ക് നാണക്കേടുണ്ടാക്കുന്ന തെറ്റായ ട്വീറ്റുകൾ പോസ്റ്റ് ചെയ്യുകയും ചെയ്‌തതിനെ തുടർന്ന് കഴിഞ്ഞയാഴ്ച നിരവധി വിമർശനങ്ങൾ നേരിട്ടതിനെ തുടർന്ന് ട്വിറ്റർ അതിന്റെ ബ്ലൂ സേവനം താൽക്കാലികമായി നിർത്തി വെച്ചിരുന്നു.
ബ്ലൂ സേവനം എപ്പോൾ തിരികെ വരുമെന്നാണ് പ്രതീക്ഷിക്കുന്നതെന്ന ചോദ്യത്തിന് “ഒരുപക്ഷേ അടുത്ത ആഴ്ച അവസാനം” എന്നാണ് എലോണ്‍ മസ്ക് മറുപടി പറഞ്ഞത്.
പുതിയ ട്വിറ്റർ സിഇഒ നേരത്തെ ഗവൺമെന്റിനും പൊതു പ്രവര്‍ത്തകര്‍ക്കും വേണ്ടി ചാരനിറത്തിലുള്ള ‘ഔദ്യോഗിക’ പേജ് അവതരിപ്പിച്ചെങ്കിലും കുറച്ച് മണിക്കൂറുകൾക്ക് ശേഷം അത് പിന്‍‌വലിച്ചു.
മറ്റൊരു ഫ്ലിപ്പ്-ഫ്ലോപ്പിൽ, പ്ലാറ്റ്‌ഫോമിൽ ആൾമാറാട്ട അക്കൗണ്ടുകളുടെ തള്ളിക്കയറ്റം വര്‍ദ്ധിച്ചപ്പോള്‍, ലോകത്തിന്റെ തിരഞ്ഞെടുത്ത ഭാഗങ്ങളിൽ ചില അക്കൗണ്ടുകൾക്കായി മസ്ക് വീണ്ടും ചാരനിറത്തിലുള്ള ‘ഔദ്യോഗിക’ സ്ഥിരീകരണ ബാഡ്ജ് തിരികെ കൊണ്ടുവന്നു.
എന്നാല്‍, ഈ “ഔദ്യോഗിക” ബാഡ്‌ജുകൾ എല്ലാ രാജ്യങ്ങളിലും ദൃശ്യമല്ല. കൂടാതെ, ചാരനിറത്തിലുള്ള മിക്ക ബാഡ്ജുകളും ഇപ്പോൾ അമേരിക്കയില്‍ ദൃശ്യമാണ്.
600-ലധികം അനുയായികളുള്ള ഉപയോക്താക്കളെ ഹോസ്റ്റുകളായി ഓഡിയോ ചാറ്റ് റൂമുകൾ സൃഷ്ടിക്കുന്നതിനോ സ്പീക്കറുകളോ ശ്രോതാക്കളോ ആയി ചേരാനോ അനുവദിക്കുന്ന ആപ്പിനുള്ളിലെ ഒരു തത്സമയ ഓഡിയോ സംഭാഷണ സവിശേഷതയാണ് Twitter Spaces.
