മുഖ്യമന്ത്രിയാകുന്നത് സംബന്ധിച്ച്, തിരഞ്ഞെടുപ്പ് ഫലം വന്നതിന് ശേഷമാണ് സുഖു തന്റെ ശക്തിപ്രകടനം കാണിക്കാൻ തുടങ്ങിയത്. വെള്ളിയാഴ്ച ലെജിസ്ലേച്ചർ പാർട്ടി യോഗത്തിന് തൊട്ടുമുമ്പ് 21 കോൺഗ്രസ് എംഎൽഎമാരുമായി അദ്ദേഹം കൂടിക്കാഴ്ച നടത്തിയിരുന്നു.
ന്യൂഡല്‍ഹി: സുഖ്‌വീന്ദർ സിംഗ് സുഖു ഹിമാചൽ പ്രദേശിന്റെ അടുത്ത മുഖ്യമന്ത്രിയാകുമെന്ന് തീരുമാനമായി. നിയമസഭാ തെരഞ്ഞെടുപ്പിലെ വിജയത്തിന് പിന്നാലെ രണ്ട് ദിവസമായി തുടരുന്ന തർക്കത്തിനൊടുവിൽ മുഖ്യമന്ത്രി സ്ഥാനത്തേക്ക് അദ്ദേഹത്തിന്റെ പേര് പാർട്ടി ഹൈക്കമാൻഡ് തീരുമാനിക്കുകയായിരുന്നു. ഉപമുഖ്യമന്ത്രിയായി മുകേഷ് അഗ്നിഹോത്രി ചുമതലയേൽക്കും. സത്യപ്രതിജ്ഞാ ചടങ്ങ് നാളെ അതായത് ഞായറാഴ്ച രാവിലെ 11 മണിക്ക് നടക്കും. കോൺഗ്രസിന്റെ
“എല്ലാ എംഎൽഎമാരും ഏകകണ്ഠമായി സുഖ്‌വീന്ദർ സിംഗ് സുഖുവിനെ ലെജിസ്ലേച്ചർ പാർട്ടി നേതാവായി തിരഞ്ഞെടുത്തു. നാളെ അദ്ദേഹം മുഖ്യമന്ത്രിയായി സത്യവാചകം ചൊല്ലും. ഉപമുഖ്യമന്ത്രിയായി മുകേഷ് അഗ്നിഹോത്രിയെ തിരഞ്ഞെടുത്തു. ഹൈക്കമാൻഡിന്റെ തീരുമാനമാണിത്,” ഹിമാചൽ പ്രദേശ് ചുമതലയുള്ള രാജീവ് ശുക്ല പറഞ്ഞു.
സോണിയ ഗാന്ധി, രാഹുൽ ഗാന്ധി, പ്രിയങ്ക ഗാന്ധി, സംസ്ഥാനത്തെ ജനങ്ങൾ എന്നിവരോട് ഞാൻ നന്ദിയുള്ളവനാണെന്ന് നിയുക്ത മുഖ്യമന്ത്രി സുഖ്‌വീന്ദർ സിംഗ് സുഖു പറഞ്ഞു. ഹിമാചൽ പ്രദേശിലെ ജനങ്ങൾക്ക് ഞങ്ങൾ നൽകിയ വാഗ്ദാനങ്ങൾ പാലിക്കേണ്ടത് എന്റെ ഉത്തരവാദിത്തമാണ്. സംസ്ഥാനത്തിന്റെ വികസനത്തിനായി പ്രവർത്തിക്കണം. രാഷ്ട്രീയത്തിൽ ഞാൻ കയറിയ പടവുകളിൽ ഗാന്ധി കുടുംബം ഒരുപാട് സംഭാവന ചെയ്തിട്ടുണ്ട്. ഞങ്ങൾ ജനങ്ങൾക്ക് നൽകിയ വാഗ്ദാനങ്ങൾ നടപ്പിലാക്കേണ്ടത് എന്റെ ഉത്തരവാദിത്തമാണ്,” സുഖ്‌വീന്ദര്‍ സിംഗ് പറഞ്ഞു.
തിരഞ്ഞെടുപ്പ് ഫലം വന്നതിന് പിന്നാലെ സുഖു ശക്തിപ്രകടനം തുടങ്ങിയിരുന്നു
ലെജിസ്ലേച്ചർ പാർട്ടി യോഗത്തിന് തൊട്ടുമുമ്പ് ചണ്ഡീഗഡിൽ 21 കോൺഗ്രസ് എംഎൽഎമാരുമായി നദൗൻ എംഎൽഎ സുഖ്‌വീന്ദര്‍ സിംഗ് സുഖു വെള്ളിയാഴ്ച കൂടിക്കാഴ്ച നടത്തുകയും ഷിംലയിലേക്ക് പുറപ്പെടുന്നതിന് മുമ്പ് മുഖ്യമന്ത്രി സ്ഥാനാർത്ഥിയെ കുറിച്ച് ചർച്ച ചെയ്യുകയും ചെയ്തു. ശക്തിപ്രകടനമായാണ് ഈ സംഭവം കണ്ടത്.
പുതുതായി തിരഞ്ഞെടുക്കപ്പെട്ട കോൺഗ്രസ് എം.എൽ.എമാർക്ക് വേണ്ടി ഏകകണ്ഠമായി പ്രമേയം പാസാക്കി നിയമസഭാ കക്ഷി നേതാവിനെ തിരഞ്ഞെടുക്കാനുള്ള അവകാശം പാർട്ടി അദ്ധ്യക്ഷനെ ഏൽപ്പിച്ചു. അതേസമയം, മുഖ്യമന്ത്രി സ്ഥാനത്തേക്കുള്ള അണിയറ നീക്കം ശനിയാഴ്ചയും തുടർന്നു. പാർട്ടിയുടെ കേന്ദ്ര നിരീക്ഷകരായ ഛത്തീസ്ഗഡ് മുഖ്യമന്ത്രി ഭൂപേഷ് പട്ടേലും മുൻ ഹരിയാന മുഖ്യമന്ത്രി ഭൂപീന്ദർ സിംഗ് ഹൂഡയും താമസിക്കുന്ന ഷിംലയിലെ സെസിൽ ഹോട്ടലിൽ രാവിലെ മുതൽ കോൺഗ്രസ് എംഎൽഎമാർ ഒത്തുകൂടാൻ തുടങ്ങി.
നിയമസഭാ തെരഞ്ഞെടുപ്പിൽ വ്യക്തമായ ജനവിധിയോടെ വിജയിച്ചെങ്കിലും ആറ് തവണ മുഖ്യമന്ത്രിയായിരുന്ന വീർഭദ്ര സിംഗിന്റെ മരണം സൃഷ്ടിച്ച ശൂന്യത നികത്താൻ കോൺഗ്രസിന് പ്രയാസമാണ്. നിയമസഭാ കക്ഷി നേതാവിന്റെ കാര്യത്തിൽ സമവായമുണ്ടാക്കുന്നതിൽ കോൺഗ്രസിന് ബുദ്ധിമുട്ടുകൾ നേരിട്ടു. ലെജിസ്ലേച്ചർ പാർട്ടി നേതാവ് മുഖ്യമന്ത്രിയാകും, അതാണ് കീഴ്‌വഴക്കം.
തിരഞ്ഞെടുപ്പ് പ്രചാരണ സമിതി തലവൻ സുഖ്‌വീന്ദർ സിംഗ് സുഖു, സംസ്ഥാന കോൺഗ്രസ് അദ്ധ്യക്ഷ പ്രതിഭാ സിംഗ്, ഇതുവരെ നിയമസഭയിലെ പ്രതിപക്ഷ നേതാവായിരുന്ന മുകേഷ് അഗ്നിഹോത്രി, മറ്റ് നിരവധി നേതാക്കൾ എന്നിവരെ കൂടാതെ ഈ പേരുകൾ ഉന്നത പദവിയിലേക്കുള്ള മത്സരത്തിൽ ഉൾപ്പെട്ടിരുന്നു. ഈ നേതാക്കളും പ്രത്യേകം നിരീക്ഷകരുമായി കൂടിക്കാഴ്ച നടത്തി.മുഖ്യമന്ത്രി സ്ഥാനത്തേക്കുള്ള മത്സരത്തിലാണ് താനെന്ന് പ്രതിഭാ സിംഗ് വ്യക്തമാക്കി. മകനും ഇക്കാര്യം ചൂണ്ടിക്കാട്ടി.
നിയമസഭാ തെരഞ്ഞെടുപ്പിൽ 68ൽ 40 സീറ്റും നേടി കോൺഗ്രസ്
വ്യാഴാഴ്ച പ്രഖ്യാപിച്ച ഹിമാചൽ പ്രദേശ് നിയമസഭാ തിരഞ്ഞെടുപ്പിൽ 68ൽ 40 സീറ്റുകളും നേടി ബിജെപിയെ അധികാരത്തിൽ നിന്ന് പുറത്താക്കി. ബിജെപിക്ക് 25 സീറ്റുകൾ മാത്രമാണ് ലഭിച്ചത്. തിരഞ്ഞെടുപ്പ് ഫലപ്രഖ്യാപനത്തോടെ, 1985 മുതൽ സംസ്ഥാനം 5 വർഷം കൂടുമ്പോൾ ഭരണകക്ഷി മാറുന്ന ഒരു പാരമ്പര്യമാണ് പിന്തുടരുന്നത്. തെരഞ്ഞെടുപ്പ് ഫലം പുറത്തുവന്നതിന് പിന്നാലെ മുഖ്യമന്ത്രി ജയറാം താക്കൂർ ഗവർണർ രാജേന്ദ്ര വിശ്വനാഥ് അർലേക്കറിന് രാജിക്കത്ത് സമർപ്പിച്ചു.
