ന്യൂഡൽഹി: ഐടിആർ വഴി ആദായ നികുതി റിട്ടേൺ സമർപ്പിക്കാനുള്ള അവസാന തീയതി ജൂലൈ 31 ആണ്. അവസാന തീയതിക്ക് ശേഷം പിഴ അടയ്ക്കേണ്ടി വരും. എന്നാൽ, വൃത്തങ്ങൾ പറയുന്നതനുസരിച്ച്, 2023-24 വർഷത്തേക്കുള്ള അവസാന തീയതി നീട്ടാൻ സർക്കാർ തീരുമാനിച്ചിട്ടില്ല. എന്നാല്‍, നികുതിദായകർക്ക് ഡിസംബർ 31 വരെ വൈകി പിഴയോടെ റിട്ടേൺ ഫയൽ ചെയ്യാം.
നിലവിൽ ആദായ നികുതി റിട്ടേൺ സമർപ്പിക്കുന്നതിന് ഫീസ് ഈടാക്കുന്നില്ല. എന്നാൽ, പിന്നീട് അയ്യായിരം വരെയുള്ള നികുതി ലേറ്റ് ഫീയായി അടയ്ക്കേണ്ടി വന്നേക്കാം. അത്തരമൊരു സാഹചര്യത്തിൽ, നികുതിദായകന് എത്രയും വേഗം ആദായനികുതി റിട്ടേൺ ഫയൽ ചെയ്യാൻ കഴിയുമെങ്കിൽ, വൈകുന്ന ഫീസും പിഴയും ഒഴിവാക്കാം.
2023-24 മൂല്യനിർണയ വർഷത്തിൽ ഈ വർഷം ഇതുവരെ മൂന്ന് കോടിയിലധികം ആദായനികുതി റിട്ടേണുകൾ സമർപ്പിച്ചതായി ആദായ നികുതി വകുപ്പ് അറിയിച്ചു. ഇത് സംബന്ധിച്ച് ആദായ നികുതി വകുപ്പും ട്വീറ്റ് ചെയ്തിട്ടുണ്ട്. 2023-24 മൂല്യനിർണ്ണയ വർഷത്തേക്കുള്ള മൂന്ന് കോടിയിലധികം ഐടിആറുകൾ ഈ വർഷം ജൂലൈ 18 വരെ ഫയൽ ചെയ്തിട്ടുണ്ടെന്ന് ആദായനികുതി വകുപ്പ് അതിന്റെ ട്വീറ്റിൽ വിവരങ്ങൾ നൽകി. അതേസമയം അവസാന തീയതിക്ക് ശേഷം ഫയല്‍ ചെയ്താല്‍ അഞ്ച് ലക്ഷം രൂപ വാർഷിക വരുമാനമുള്ളവർ 1000 രൂപ പിഴയടയ്ക്കേണ്ടി വരും.
വരുമാനം 5 ലക്ഷത്തിൽ കൂടുതലാണെങ്കിൽ, അതിന് 5,000 രൂപ ലേറ്റ് ഫീസും വ്യവസ്ഥയുണ്ട്. ഐടിആർ ഫയൽ ചെയ്യുമ്പോൾ, പാൻ കാർഡ്, ആധാർ കാർഡ്, ഫോം 16 എ, ഫോം 26 എഎസ്, സാലറി സ്ലിപ്പ്, ഹോം ലോൺ തുടങ്ങിയവയെ കുറിച്ചുള്ള വിവരങ്ങൾ ഉണ്ടായിരിക്കണമെന്ന് അറിയിപ്പില്‍ പറയുന്നു.
ഐടിആർ ഫയൽ ചെയ്യുമ്പോൾ, വരുമാനം കുറച്ച് റിപ്പോർട്ട് ചെയ്യുകയാണെങ്കില്‍ 50 ശതമാനമോ തെറ്റായ വരുമാന വിവരം നൽകിയാല്‍ 200 ശതമാനമോ പിഴ ഈടാക്കും. മൊത്തം നികുതി ബിൽ തുകയിൽ ഈ പിഴ ചുമത്തും. ഓർമ്മപ്പെടുത്തലുകൾ ഉണ്ടായിട്ടും നികുതി റിട്ടേണുകൾ ഫയൽ ചെയ്യാതിരുന്നാല്‍, നികുതി കുടിശ്ശികയുടെ അടിസ്ഥാനത്തിൽ പ്രോസിക്യൂഷൻ നടപടികളിലേക്ക് നയിച്ചേക്കാം, ഇത് മൂന്ന് മാസം മുതൽ 7 വർഷം വരെ തടവ് ലഭിക്കാം.
ഈ വർഷം ആദായനികുതി വകുപ്പ് റീഫണ്ട് നടപടികൾ വേഗത്തിലാക്കിയിട്ടുണ്ട്. അതുകൊണ്ടാണ് ഇതുവരെ പലർക്കും പണം തിരികെ കിട്ടിയത്.
