മുംബൈ: മറാത്തിയിലും ഹിന്ദി നാടക സിനിമകളിലും സീരിയലുകളിലും തന്റേതായ വ്യക്തിമുദ്ര പതിപ്പിച്ച നടൻ ജയന്ത് സവർക്കർ അന്തരിച്ചു. 88-ാം വയസ്സിൽ മുംബൈയിൽ വച്ചായിരുന്നു അന്ത്യം. കഴിഞ്ഞ കുറച്ച് ദിവസങ്ങളായി അദ്ദേഹം അസുഖബാധിതനഅയി ചികിത്സയിലായിരുന്നു. 100-ലധികം മറാത്തി അജ്മർ നാടകങ്ങളിൽ അദ്ദേഹം പ്രവർത്തിച്ചിട്ടുണ്ട്. നടന്റെ അഭിനയ ജീവിതം 73 വയസ്സ് വരെ തുടർന്നു.
1936 മെയ് 3 ന് ഗുഹാഗറിലാണ് ജയന്ത് സവർക്കർ ജനിച്ചത്. 1954ൽ ഇരുപതാം വയസ്സിൽ അഭിനയ ജീവിതം ആരംഭിച്ചു. 73 വയസ്സ് വരെ അദ്ദേഹത്തിന്റെ അഭിനയ ജീവിതം തുടർന്നു. നിരവധി മികച്ച മറാത്തി നാടകങ്ങളിൽ അഭിനയിച്ചിട്ടുണ്ട്.
ഈ വർഷം മെയ് 21 ന് അംബർനാഥ് മറാത്തി ഫിലിം ഫെസ്റ്റിവലിൽ (AMFF) അദ്ദേഹത്തിന് ജീവൻ ഗൗരവ് സമ്മാന്‍ നല്‍കി ആദരിച്ചിരുന്നു. നാടക ലോകത്തിന് നൽകിയ സംഭാവനകൾ പരിഗണിച്ച് ജയന്ത് സവർക്കർക്ക് മഹാരാഷ്ട്ര സർക്കാർ നട്വാര്യ പ്രഭാകർ പൻഷികർ ലൈഫ് ടൈം അച്ചീവ്‌മെന്റ് അവാർഡ് നൽകി ആദരിച്ചു.
മറാത്തി ഭാഷയിലുള്ള ‘സമന്തർ’ എന്ന വെബ് സീരീസിലെ ജ്യോതിഷിയുടെ വേഷത്തിലൂടെയാണ് ജയന്ത് സവർക്കർ അറിയപ്പെടുന്നത്. സ്വപ്‌നിൽ ജോഷിയും ഇതിൽ പ്രധാന വേഷത്തിൽ എത്തിയിരുന്നു. ഈ സീരീസ് 2020-ലാണ് പുറത്തിറങ്ങിയത്.
