ഗാസ മുനമ്പിന്റെ വടക്കൻ ഭാഗത്ത് 400 കിലോമീറ്ററിലധികം (248 മൈൽ) തുരങ്കങ്ങളുണ്ടെന്ന് ഇറാനിയൻ ആർമി ചീഫ് ഓഫ് സ്റ്റാഫ് മേജർ ജനറൽ മുഹമ്മദ് ബഗേരി ചൊവ്വാഴ്ച അവകാശപ്പെട്ടതായി മാധ്യമങ്ങൾ റിപ്പോർട്ട് ചെയ്തു.
അവയില്‍ ചിലതിലൂടെ വാഹനങ്ങൾക്കും മോട്ടോർ സൈക്കിളുകൾക്കും കടന്നുപോകാൻ കഴിയുമെന്ന് ടെഹ്‌റാനിൽ സിവിൽ ഡിഫൻസ് സംബന്ധിച്ച ഒരു കോൺഫറൻസിൽ മേജർ ജനറൽ മുഹമ്മദ് ബഗേരി പറഞ്ഞു. അവയില്‍ ചില തുരങ്കങ്ങളിലൂടെ ഇസ്രായേലിനുള്ളിലേക്കും പ്രവേശിക്കാമെന്നും അദ്ദേഹം പറഞ്ഞു.
2014-ൽ ഗാസയുമായുള്ള ഇസ്രായേലിന്റെ യുദ്ധത്തിൽ, തുരങ്കങ്ങളിലൂടെ സായുധ സംഘങ്ങൾ അതിർത്തി കടന്നുള്ള നിരവധി ചെറിയ ആക്രമണങ്ങൾ നടത്തി.
ഇസ്രായേൽ സൈന്യം ഗാസയിലേക്ക് പൂർണ്ണ തോതിലുള്ള അധിനിവേശം നടത്താൻ കാത്തിരിക്കുന്നതിന് കാരണം അത്തരമൊരു ഓപ്പറേഷൻ മറ്റൊരു പരാജയം കുറിക്കുമെന്ന് അവർക്കറിയാവുന്നതുകൊണ്ടാണെന്ന് ഇറാനിയൻ സൈനിക മേധാവി പറഞ്ഞു.
ഈജിപ്തിൽ നിന്ന് ചരക്കുകൾ കടത്താനും ഇസ്രായേലിലേക്ക് ആക്രമണം നടത്താനും ഉപയോഗിക്കുന്ന പാതകൾ എന്നാണ് ഗാസയുടെ കീഴിലുള്ള എണ്ണമറ്റ തുരങ്കങ്ങൾ അറിയപ്പെടുന്നതെന്ന് സിഎൻഎൻ റിപ്പോർട്ട് ചെയ്തു.
എന്നാൽ, ഇസ്രായേൽ ഡിഫൻസ് ഫോഴ്‌സ് (ഐഡിഎഫ്) “ഗാസ മെട്രോ” എന്ന് വിളിക്കുന്ന രണ്ടാമത്തെ ഭൂഗർഭ ശൃംഖല നിലവിലുണ്ട്. ഇത് ഒരു വലിയ തുരങ്കമാണ്, ചില കണക്കുകൾ പ്രകാരം നിരവധി കിലോമീറ്ററുകൾ ഭൂമിക്കടിയിൽ, ആളുകളെയും ചരക്കുകളും കൊണ്ടുപോകാൻ ഉപയോഗിക്കുന്നു. റോക്കറ്റുകളും വെടിമരുന്ന് സ്റ്റോക്കുകള്‍ സൂക്ഷിക്കാനും, കൂടാതെ ഹമാസ് കമാൻഡ് ആൻഡ് കൺട്രോൾ സെന്ററുകൾ, ഐഡിഎഫിന്റെ വിമാനങ്ങളുടെയും നിരീക്ഷണ ഡ്രോണുകളുടെയും കണ്ണിൽ പെടാതിരിക്കാനും ഉപയോഗിക്കുന്നു എന്ന് സിഎൻഎൻ റിപ്പോർട്ട് ചെയ്തു.
