ഗാസ മുനമ്പിൽ ഇസ്രായേൽ സൈനിക ആക്രമണം തുടരുന്നതിനിടെ, കുട്ടികൾക്കും ആശുപത്രികൾക്കും നേരെ ആക്രമണം നടത്താന്‍ വിശുദ്ധ ഗ്രന്ഥത്തിൽ പറഞ്ഞിട്ടുണ്ടോ എന്ന് തുർക്കി പ്രസിഡന്റ് റജബ് ത്വയ്യിബ് എർദോഗൻ ഇസ്രായേലിനെതിരെ ആഞ്ഞടിച്ചുകൊണ്ട് ചോദിച്ചു.
“ആരാധനാലയങ്ങൾ, ചര്‍ച്ചുകള്‍ എന്നിവ ആക്രമിക്കപ്പെടുന്നു. ആശുപത്രികളെ ആക്രമിക്കുകയോ കുട്ടികളെ കൊല്ലുകയോ ചെയ്യുന്നത് തോറയിൽ പറഞ്ഞിട്ടില്ല, നിങ്ങൾക്കത് ചെയ്യാനും കഴിയില്ല,” നവംബർ 17 വെള്ളിയാഴ്ച ബെർലിനിലെ ചാൻസലറിയിൽ നടത്തിയ പത്രസമ്മേളനത്തിൽ എർദോഗൻ മാധ്യമ പ്രവർത്തകരോട് പറഞ്ഞു.
“ഇത് മനുഷ്യാവകാശ പ്രഖ്യാപനത്തിലില്ല, നിങ്ങൾക്കത് ചെയ്യാൻ കഴിയില്ല. അതുകൊണ്ട് ഇസ്രായേൽ-പലസ്തീൻ യുദ്ധത്തെ കടക്കെണിയുടെ മനഃശാസ്ത്രത്തോടെ നോക്കേണ്ടതില്ല. ഇസ്രായേലിനോട് ഞങ്ങൾ ഒന്നും കടപ്പെട്ടിട്ടില്ലാത്തതിനാൽ എനിക്ക് സ്വതന്ത്രമായി സംസാരിക്കാൻ കഴിയും,” അദ്ദേഹം പറഞ്ഞു.
"Shooting hospitals or killing children does not exist in the Torah," Turkish President Recep Tayyip Erdogan said at a joint press conference with German Chancellor Olaf Scholz.
"I can talk freely because we don't owe Israel anything."pic.twitter.com/rPkVSW4WsY
— DW News (@dwnews) November 17, 2023
ഗാസ മുനമ്പിൽ ഇസ്രായേൽ നടത്തുന്ന ആക്രമണത്തിൽ പലസ്തീൻകാരുടെ മരണസംഖ്യ 12,000 കവിഞ്ഞു. 5,000 കുട്ടികളും 3,300 സ്ത്രീകളും കൊല്ലപ്പെടുകയും 30,000 പേർക്ക് പരിക്കേൽക്കുകയും ചെയ്തിട്ടുണ്ട്.
അതിനിടെ, ഗാസയിൽ ബന്ദികളാക്കിയ ഇസ്രായേൽ സ്ത്രീകളെയും കുട്ടികളെയും മോചിപ്പിക്കണമെന്ന് ബഹ്‌റൈൻ കിരീടാവകാശി സൽമാൻ ബിൻ ഹമദ് അൽ ഖലീഫ ഹമാസ് പ്രസ്ഥാനത്തോട് ആവശ്യപ്പെട്ടു. പകരം ഇസ്രായേൽ ജയിലുകളിൽ തടവിലാക്കപ്പെട്ട ഫലസ്തീൻ സ്ത്രീകളെയും കുട്ടികളെയും മോചിപ്പിക്കാൻ ഇസ്രായേലിനോട് ആവശ്യപ്പെടുകയും ചെയ്തു.
വെള്ളിയാഴ്ച “മനാമ ഡയലോഗ്” ഉദ്ഘാടന വേളയിൽ, ഗാസയിലെ ഇസ്രായേൽ ബന്ദികളെ മോചിപ്പിക്കുന്നതും ഫലസ്തീനിലെ തടവിലാക്കപ്പെട്ട പോരാളികളല്ലാത്തവരും ശത്രുത അവസാനിപ്പിക്കാൻ സഹായിക്കുമെന്ന് അദ്ദേഹം പറഞ്ഞു, സമാധാനം പ്രോത്സാഹിപ്പിക്കുന്നതിൽ അമേരിക്കയുടെ നിർണായക പങ്ക് ഊന്നിപ്പറയുകയും ചെയ്തു.
ഗാസയിലെ സാഹചര്യം അസഹനീയമാണെന്നും യുദ്ധം അവസാനിപ്പിക്കാൻ സാധ്യമായതെല്ലാം ചെയ്യണമെന്നും അദ്ദേഹം പറഞ്ഞു. “ഗാസയിലെ സാധാരണക്കാർ ഭയാനകമായ സാഹചര്യത്തിലാണ് ജീവിക്കുന്നത്. യുദ്ധം ലോകമെമ്പാടും അക്രമം വ്യാപിക്കാൻ അനുവദിക്കുന്ന സാഹചര്യങ്ങൾ സൃഷ്ടിക്കുന്നു,” അദ്ദേഹം തുടര്‍ന്നു പറഞ്ഞു.
“യുദ്ധസമയത്ത് അന്താരാഷ്ട്ര നിയമം പൂർണ്ണമായും പാലിക്കണം. ഗാസ വീണ്ടും കൈവശപ്പെടുത്താനുള്ള ഇസ്രായേലിന്റെ തന്ത്രത്തെ തന്റെ രാജ്യം അപലപിക്കുന്നു. ഫലസ്തീനികളെ ബലമായി കുടിയിറക്കാൻ പാടില്ലാത്ത ചുവന്ന വരകൾ സ്ഥാപിക്കണം. ഭാവിയില്‍ വീണ്ടും അധിനിവേശം നടത്തരുത്, ഗാസയുടെ അതിർത്തികൾ കുറയ്ക്കരുത്, ഗാസയിൽ തീവ്രവാദം ഉണ്ടാകരുത്,” അദ്ദേഹം പറഞ്ഞു.
Crown Prince of Bahrain sets out Kingdom’s position on Israel-Gaza conflict during keynote address at Manama Dialoguehttps://t.co/QInKq9qDod pic.twitter.com/HfTFUUvxrN
— Bahrain News Agency (@bna_en) November 17, 2023
