യുണൈറ്റഡ് നേഷൻസ്: യുഎൻ സെക്യൂരിറ്റി കൗൺസിലിലെ നയതന്ത്രജ്ഞർ ഗാസയിൽ ഉടന്‍ വെടിനിര്‍ത്തല്‍ ആവശ്യപ്പെട്ട് യുഎസ് തയ്യാറാക്കിയ പ്രമേയം ചർച്ച ചെയ്യുകയാണെന്ന് യുഎന്നിലെ റഷ്യന്‍ ഡപ്യൂട്ടി സ്ഥിരം പ്രതിനിധി ദിമിത്രി പോളിയാൻസ്കി പറഞ്ഞു. അതേസമയം, മുമ്പ് പലതവണ സമര്‍പ്പിച്ച പ്രമേയങ്ങള്‍ യു എസ് വീറ്റോ ചെയ്തതാണെന്നും അദ്ദേഹം പറഞ്ഞു.
ഗാസയിൽ ഉടനടി വെടിനിർത്തൽ ആവശ്യപ്പെടുന്ന പ്രമേയങ്ങളെ തടസ്സപ്പെടുത്താന്‍ കഴിഞ്ഞ അഞ്ച് മാസത്തിനിടെ മൂന്ന് തവണ രക്ഷാസമിതിയിൽ യുഎസ് വീറ്റോ അധികാരം ഉപയോഗിച്ചു. ഏറ്റവും ഒടുവിലത്തേത് ഫെബ്രുവരി 20 ന് അൾജീരിയൻ ഡ്രാഫ്റ്റാണ്.
പകരം വാഷിംഗ്ടണ്‍ മറ്റൊരു പ്രമേയം നിർദ്ദേശിച്ചു, “ബന്ദികളെ മോചിപ്പിക്കുന്ന ഒരു കരാറിൻ്റെ ഭാഗമായി ഉടനടി സ്ഥിരമായ വെടിനിർത്തൽ സ്ഥാപിക്കുന്നതിനുള്ള അന്താരാഷ്ട്ര നയതന്ത്ര ശ്രമങ്ങളെ അസന്ദിഗ്ധമായി പിന്തുണയ്ക്കുന്നു” എന്ന് യു എസ് പറഞ്ഞു.
ഗാസയിലെ യുദ്ധത്തിൻ്റെ ഗതിയിൽ നയതന്ത്രജ്ഞർ അഭിമുഖീകരിച്ച ബുദ്ധിമുട്ടുകൾ വ്യക്തമാക്കുന്നു, ഈ സംഘട്ടനം യുഎസ് സ്വന്തം സഖ്യകക്ഷികൾ ഉൾപ്പെടെയുള്ള മറ്റ് ലോകരാജ്യങ്ങളുടെ എതിർപ്പ് അഭിമുഖീകരിക്കുന്നു.
സുരക്ഷാ കൗൺസിലിലെ മറ്റ് അംഗങ്ങൾ ഉടൻ വെടിനിർത്തൽ ആവശ്യപ്പെടുകയും റഫയിൽ വരാനിരിക്കുന്ന ഇസ്രായേലി ഓപ്പറേഷനെ എതിർക്കുകയും ചെയ്യുന്ന പ്രമേയത്തിൽ ശക്തമായ ഭാഷ ഉപയോഗിക്കാന്‍ ആഗ്രഹിക്കുന്നു. എന്നാല്‍, മറുവശത്ത് അത്തരം ശ്രമങ്ങളെ യുഎസ് തടസ്സപ്പെടുത്തുന്നത് തുടരുകയാണ്, പോളിയാൻസ്കി പറഞ്ഞു.
റഫയില്‍ ഇസ്രായേല്‍ നടത്തുന്ന കര ആക്രമണം സാധാരണക്കാർക്ക് കൂടുതൽ ദോഷം വരുത്തുമെന്നും അയൽരാജ്യങ്ങളിലേക്ക് അവരുടെ കൂടുതൽ കുടിയൊഴിപ്പിക്കലിലും കലാശിക്കുമെന്ന ആശങ്ക ഊന്നിപ്പറയുന്നു.
ഒക്ടോബർ 7 ന് ഫലസ്തീൻ പ്രസ്ഥാനമായ ഹമാസ് ഗാസയിൽ നിന്ന് ഇസ്രായേലിനെതിരെ നടത്തിയ ആക്രമണത്തിന് ശേഷം ഹമാസ് പോരാളികളെ ഉന്മൂലനം ചെയ്യുക, ബന്ദികളെ രക്ഷപ്പെടുത്തുക എന്ന പ്രഖ്യാപിത ലക്ഷ്യത്തോടെ ഇസ്രായേൽ പ്രതികാര ആക്രമണങ്ങൾ നടത്തുകയും ഗാസയെ സമ്പൂർണ്ണ ഉപരോധത്തിന് ഉത്തരവിടുകയും ഫലസ്തീനിയൻ എൻക്ലേവിലേക്ക് കര കടന്നുകയറ്റം ആരംഭിക്കുകയും ചെയ്തു. ഗാസ മുനമ്പിൽ ഇതുവരെ 31,300 പേർ കൊല്ലപ്പെട്ടതായി പ്രാദേശിക അധികൃതർ റിപ്പോര്‍ട്ട് ചെയ്തു.
നവംബർ 24 ന്, ഇസ്രായേലും ഹമാസും തമ്മിലുള്ള ഒരു താൽക്കാലിക ഉടമ്പടിക്കും ചില തടവുകാരെയും ബന്ദികളെയും കൈമാറ്റം ചെയ്യാനും ഗാസ മുനമ്പിലേക്ക് മാനുഷിക സഹായം എത്തിക്കാനും ഖത്തര്‍ മധ്യസ്ഥത വഹിച്ചു. വെടിനിർത്തൽ പലതവണ നീട്ടുകയും ഡിസംബർ ഒന്നിന് അവസാനിക്കുകയും ചെയ്തു. 100-ലധികം ബന്ദികൾ ഇപ്പോഴും ഗാസയിൽ ഹമാസിൻ്റെ പിടിയിലാണെന്നാണ് കരുതുന്നത്.
