അഗർ മാൽവ (എംപി): മധ്യപ്രദേശിലെ അഗർ മാൽവ ജില്ലയിൽ തൻ്റെ അയൽപക്കത്ത് താമസിക്കുന്ന അഞ്ച് വയസ്സുകാരിയെ 17 വയസ്സുള്ള ആൺകുട്ടി ബലാത്സംഗം ചെയ്തതായി പോലീസ്. സോയത് കാല പോലീസ് സ്റ്റേഷൻ പരിധിയിലെ ഒരു ഗ്രാമത്തിൽ ഞായറാഴ്ച വൈകുന്നേരമാണ് സംഭവം നടന്നതെന്ന് ഉദ്യോഗസ്ഥൻ പറഞ്ഞു.
വീടിന് പുറത്ത് കളിച്ചുകൊണ്ടിരിക്കുകയായിരുന്ന പെൺകുട്ടിയെ ആൺകുട്ടി തൻ്റെ വീട്ടിലേക്ക് വശീകരിച്ച് കൊണ്ടുപോയി ബലാത്സംഗം ചെയ്യുകയായിരുന്നുവെന്ന് സോയത് കാല പോലീസ് സ്റ്റേഷൻ ഇൻചാർജ് യശ്വന്ത് റാവു ഗെയ്‌ക്‌വാദ് മാധ്യമങ്ങളോട് പറഞ്ഞു.
രാത്രിയിൽ വയറുവേദന അനുഭവപ്പെട്ടതിനെ തുടർന്ന് പെൺകുട്ടി സംഭവം വീട്ടുകാരെ അറിയിക്കുകയും തുടർന്ന് പോലീസിൽ പരാതി നൽകുകയും ചെയ്യുകയായിരുന്നു. സംഭവത്തിന് ശേഷം ആണ്‍കുട്ടി ഒളിവിലാണെന്ന് ഉദ്യോഗസ്ഥർ പറഞ്ഞു.
പെൺകുട്ടിയെ പരിശോധിച്ചതില്‍ സംഭവം നടന്നതായി സ്ഥിരീകരിച്ചെന്നും ഉദ്യോഗസ്ഥന്‍ പറഞ്ഞു.
ആൺകുട്ടിക്കെതിരെ ഇന്ത്യൻ ശിക്ഷാ നിയമത്തിലെ പ്രസക്തമായ വകുപ്പുകളും ലൈംഗിക കുറ്റകൃത്യങ്ങളിൽ നിന്നുള്ള കുട്ടികളുടെ സംരക്ഷണ (പോക്‌സോ) നിയമവും പ്രകാരമാണ് കേസെടുത്തിരിക്കുന്നതെന്ന് ഉദ്യോഗസ്ഥർ പറഞ്ഞു. സംഭവത്തിൽ അന്വേഷണം നടക്കുകയാണെന്നും അദ്ദേഹം പറഞ്ഞു.
