മഹാരാഷ്ട്രയിൽ നിരവധി സിക വൈറസ് കേസുകൾ റിപ്പോർട്ട് ചെയ്തതിനെ തുടർന്ന് കേന്ദ്ര സർക്കാർ ജാഗ്രതാ നിർദേശം നൽകി. സിക വൈറസുമായി ബന്ധപ്പെട്ട് കേന്ദ്ര ആരോഗ്യ മന്ത്രാലയം എല്ലാ സംസ്ഥാനങ്ങൾക്കും മുന്നറിയിപ്പ് നൽകിയിട്ടുണ്ട്.
ഗർഭിണികളായ സ്ത്രീകളിൽ സിക്ക വൈറസ് അണുബാധയുടെ അപകടം കണക്കിലെടുത്ത് നിരീക്ഷണം വർദ്ധിപ്പിക്കാനും സ്ക്രീനിംഗ് വർദ്ധിപ്പിക്കാനും എല്ലാ സംസ്ഥാനങ്ങൾക്കും നിർദ്ദേശം നൽകി. കഴിഞ്ഞ 11 ദിവസത്തിനുള്ളിൽ മഹാരാഷ്ട്രയിലെ പൂനെയിൽ ആറ് സിക്ക വൈറസ് കേസുകൾ റിപ്പോർട്ട് ചെയ്യപ്പെട്ടിട്ടുണ്ട്.
ജൂലൈ ഒന്നിന് രണ്ട് ഗർഭിണികളിൽ സിക വൈറസ് ബാധ സ്ഥിരീകരിച്ചിരുന്നു. ഇതാണ് കേന്ദ്ര സർക്കാർ ഇക്കാര്യത്തിൽ ജാഗ്രത പുലർത്താൻ കാരണം. സിക വൈറസ് ബാധിച്ച സ്ത്രീകളുടെ ഭ്രൂണങ്ങൾ തുടർച്ചയായി നിരീക്ഷിക്കാനും സർക്കാർ നിർദേശിച്ചിട്ടുണ്ട്. ആശുപത്രികളും ആരോഗ്യ കേന്ദ്രങ്ങളും കൊതുകു വിമുക്തമാക്കാൻ നോഡൽ ഓഫീസർമാരെ നിയമിക്കുന്നതിനു പുറമെ പാർപ്പിട മേഖലകൾ, സ്‌കൂളുകൾ, നിർമാണ സ്ഥലങ്ങൾ, വിവിധ സ്ഥാപനങ്ങൾ എന്നിവ കൊതുകു വിമുക്തമായി നിലനിർത്താനും ആവശ്യപ്പെട്ടിട്ടുണ്ട്.
ഡെങ്കിപ്പനി, ചിക്കുൻഗുനിയ തുടങ്ങിയ ഈഡിസ് കൊതുകുകൾ പരത്തുന്ന രോഗമാണ് സിക്ക വൈറസ്. രോഗം ബാധിച്ച മിക്കവർക്കും സിക്ക വൈറസ് ബാധിച്ചതായി അറിയില്ല. യഥാർത്ഥത്തിൽ സിക വൈറസിൻ്റെ ലക്ഷണങ്ങൾ വളരെ സൗമ്യമാണ്. ഈ രോഗം ബാധിച്ച ഗർഭിണികൾക്ക് ജനിക്കുന്ന കുട്ടികളുടെ മസ്തിഷ്കം പൂർണമായി വികസിച്ചിക്കുകയില്ല, അവരുടെ തലയുടെ വലിപ്പം സാധാരണയേക്കാൾ കുറവായിരിക്കും. ഇക്കാരണത്താലാണ് സിക്ക വൈറസ് ബാധ ആശങ്കാജനകമാകുന്നത്.
2016ലാണ് ഇന്ത്യയിൽ ആദ്യമായി സിക്ക വൈറസ് ബാധ റിപ്പോർട്ട് ചെയ്തത്. അതിനുശേഷം, തമിഴ്‌നാട്, മധ്യപ്രദേശ്, രാജസ്ഥാൻ, കേരളം, മഹാരാഷ്ട്ര, ഉത്തർപ്രദേശ്, ഡൽഹി, കർണാടക എന്നിവിടങ്ങളിലും അണുബാധ കേസുകൾ റിപ്പോർട്ട് ചെയ്യപ്പെട്ടിട്ടുണ്ട്. ജൂലൈ 2 വരെ മഹാരാഷ്ട്രയിലെ പൂനെയിൽ ആറ് സിക്ക വൈറസ് കേസുകൾ റിപ്പോർട്ട് ചെയ്യപ്പെട്ടിട്ടുണ്ട്.
