ലാഹോർ: 14,000 പൊതുമേഖലാ സ്‌കൂളുകൾക്ക് പുറംകരാർ നൽകുമെന്ന് പഞ്ചാബ് മുഖ്യമന്ത്രി മറിയം നവാസ് ബുധനാഴ്ച പ്രഖ്യാപിച്ചു. ലാഹോറിൽ ഒരു പരിപാടിയെ അഭിസംബോധന ചെയ്യവെ, ശ്രദ്ധേയമായ പ്രവർത്തനങ്ങൾ നടത്തിയതിന് വിദ്യാഭ്യാസ മന്ത്രാലയത്തെയും സംഘത്തെയും മുഖ്യമന്ത്രി അഭിനന്ദിച്ചു.
“സ്കൂളുകളിലെ വിദ്യാഭ്യാസ നിലവാരം ഉയർത്താൻ ഞങ്ങൾ നിരവധി നടപടികൾ സ്വീകരിച്ചിട്ടുണ്ട്. ജനങ്ങൾക്ക് ആശ്വാസം പകരാനാണ് സർക്കാർ ശ്രമിക്കുന്നതെന്നും മുഖ്യമന്ത്രി പറഞ്ഞു. പൊതു-സ്വകാര്യ പങ്കാളിത്തത്തിലൂടെ മാത്രമേ സ്കൂളുകളിലെ പ്രശ്‌നങ്ങൾ പരിഹരിക്കാനാകൂവെന്നും അവർ കൂട്ടിച്ചേർത്തു.
പിടിഐയുടെ കാലത്ത് പഞ്ചാബ് ടെക്സ്റ്റ് ബുക്ക് ബോർഡിൽ 100 കോടി രൂപയുടെ അഴിമതി നടന്നിട്ടുണ്ടെന്ന് മുഖ്യമന്ത്രി പറഞ്ഞു. പിടിഐയുടെ മുൻ വിദ്യാഭ്യാസ മന്ത്രിക്കെതിരെ അഴിമതിക്കേസ് രജിസ്റ്റർ ചെയ്യണമെന്നും അവർ ആവശ്യപ്പെട്ടു.
