ബെംഗളൂരു: മസ്ജിദിനുള്ളിൽ ജയ് ശ്രീറാം മുദ്രാവാക്യം വിളിച്ചതിന് രണ്ട് പേർക്കെതിരെ രജിസ്റ്റർ ചെയ്ത ക്രിമിനൽ കേസ് കർണാടക ഹൈക്കോടതി തള്ളി. ഇത് ഒരു വിഭാഗത്തിൻ്റെയും മതവികാരം വ്രണപ്പെടുത്തിയിട്ടില്ലെന്നും കോടതി പറഞ്ഞു. കഴിഞ്ഞ മാസത്തെ ഈ ഉത്തരവ് ചൊവ്വാഴ്ചയാണ് വെബ്സൈറ്റിൽ അപ്ലോഡ് ചെയ്തത്. ദക്ഷിണ കന്നഡ ജില്ലയിൽ നിന്നുള്ള രണ്ട് പേർ കഴിഞ്ഞ വർഷം സെപ്റ്റംബറിൽ ഒരു രാത്രി ഒരു പ്രാദേശിക പള്ളിയിൽ കയറി ജയ് ശ്രീറാം എന്ന് മുദ്രാവാക്യം വിളിച്ചതായി പരാതിയിൽ പറയുന്നു.
ഇതിനുശേഷം, ഇന്ത്യൻ ശിക്ഷാ നിയമത്തിലെ നിരവധി വകുപ്പുകൾ പ്രകാരം ലോക്കൽ പോലീസ് ഇവര്‍ക്കെതിരെ കേസെടുത്തു. ഇരുവർക്കുമെതിരെ 295 എ (മതവിശ്വാസങ്ങളെ ദ്രോഹിക്കൽ), 447 (ക്രിമിനൽ അതിക്രമം), 506 (ക്രിമിനൽ ഭീഷണിപ്പെടുത്തൽ) എന്നീ വകുപ്പുകൾ പ്രകാരമാണ് കേസെടുത്തിരിക്കുന്നത്. തങ്ങൾക്കെതിരായ കുറ്റങ്ങൾ റദ്ദാക്കണമെന്നാവശ്യപ്പെട്ട് പ്രതികൾ ഹൈക്കോടതിയെ സമീപിച്ചു. മസ്ജിദ് ഒരു പൊതുസ്ഥലമാണെന്നും അതിനാൽ അതിൽ കുറ്റകൃത്യം നടന്നിട്ടില്ലെന്നും അവരുടെ അഭിഭാഷകൻ വാദിച്ചു.
ജയ് ശ്രീറാം എന്ന മുദ്രാവാക്യം ഉയർത്തുന്നത് ഐപിസി സെക്ഷൻ 295 എ പ്രകാരം നിർവചിച്ചിരിക്കുന്ന കുറ്റകൃത്യത്തിൻ്റെ ആവശ്യകതകൾ പാലിക്കുന്നില്ലെന്നും അഭിഭാഷകൻ വാദിച്ചു.
ആരെങ്കിലും ജയ് ശ്രീറാം മുദ്രാവാക്യം വിളിച്ചാൽ അത് ഏത് വിഭാഗത്തിൻ്റെയും മതവികാരം വ്രണപ്പെടുത്തുമെന്ന് മനസ്സിലാക്കാവുന്നതാണെന്നും കോടതി ചൂണ്ടിക്കാട്ടി. പ്രദേശത്ത് ഹിന്ദുക്കളും മുസ്ലീങ്ങളും സൗഹാർദ്ദത്തോടെയാണ് ജീവിക്കുന്നതെന്ന് പരാതിക്കാരൻ തന്നെ പറയുമ്പോൾ ഈ സംഭവത്തിൽ ഒരു തരത്തിലും തെറ്റു പറയാന്‍ പറ്റുകയില്ല എന്നും കോടതി പറഞ്ഞു. .
