കൊല്‍ക്കത്ത: നാദിയയിലെ കല്യാണി പോലീസ് സ്റ്റേഷൻ പരിധിയിൽ യുവതിയെ കൂട്ടബലാത്സംഗം ചെയ്തെന്ന ആരോപണത്തെത്തുടർന്ന് പ്രദേശത്ത് സംഘര്‍ഷം. ചൊവ്വാഴ്ച രാത്രി കല്യാണി ബരാക്പൂർ എക്സ്പ്രസ് വേയിൽ കല്യാണി റെയിൽവേ പാലത്തിനടിയിൽ യുവതിയെയും ഭർത്താവിനെയും ചില യുവാക്കൾ വളഞ്ഞതായി പരാതിയിൽ പറയുന്നു. ബുധനാഴ്ച രാവിലെ യുവതി തന്നെ കല്യാണി പോലീസ് സ്റ്റേഷനിൽ പരാതി നൽകി. യുവതിയുടെ പരാതിയെ തുടർന്ന് പോലീസ് ഉടൻ അന്വേഷണം ആരംഭിക്കുകയും 8 പേരെ അറസ്റ്റ് ചെയ്യുകയും ചെയ്തു.
ഭാര്യയും ഭർത്താവും കാഞ്ചരപ്പാറ റെയിൽവേ സ്റ്റേഷനിൽ നിന്ന് കല്യാണിയിലേക്ക് റെയിൽവേ ലൈനിലൂടെ കാൽനടയായി പോകുകയായിരുന്നുവെന്ന് പോലീസ് വൃത്തങ്ങൾ പറഞ്ഞു. ആ നിമിഷം തന്നെ ചില യുവാക്കൾ ദമ്പതികളെ വളഞ്ഞതായി പരാതിയില്‍ പറയുന്നു. ഭർത്താവിനെ ബന്ദിയാക്കിയ ശേഷം സംഘം യുവതിയെ റെയിൽവേ പാലത്തിന് താഴെയുള്ള നിബിഡ വനത്തിലേക്ക് വലിച്ചിഴച്ച് കൊണ്ടുപോയി കൂട്ടബലാത്സംഗം ചെയ്തു എന്ന് പോലീസ് പറഞ്ഞു.
പരാതിയുടെ അടിസ്ഥാനത്തിൽ നാല് പേരെ അറസ്റ്റ് ചെയ്തു. ഇവരെ ചോദ്യം ചെയ്തതില്‍ നിന്ന് ബാക്കിയുള്ളവരുടെ വിവരങ്ങള്‍ ശേഖരിച്ച് അവരെയും അറസ്റ്റ് ചെയ്യുകയും ചെയ്തു. ഫോറൻസിക് സംഘം സ്ഥലത്തുണ്ട്. അറസ്റ്റിലായവരെ കോടതിയിൽ ഹാജരാക്കിയ ശേഷം ജയിലിലേക്ക് അയച്ചതായി പോലീസ് വൃത്തങ്ങൾ അറിയിച്ചു. നിലവിൽ അന്വേഷണം പുരോഗമിക്കുകയാണ്.
നേരത്തെ നാദിയയിലെ കൃഷ്ണനഗറിൽ പെൺകുട്ടിയെ ബലാത്സംഗം ചെയ്ത് കൊലപ്പെടുത്തിയ സംഭവം ഏറെ വിവാദമായിരുന്നു. സംഭവം കൊലപാതകമാണോ ആത്മഹത്യയാണോ എന്ന് സ്ഥിരീകരിക്കാൻ പോലീസിന് ഇതുവരെ കഴിഞ്ഞിട്ടില്ല. അതിനിടെ, കല്യാണിയിലെ ഈ കൂട്ടബലാത്സംഗം പ്രദേശത്തെ സുരക്ഷയെ ചോദ്യം ചെയ്തതായി പോലീസ് വൃത്തങ്ങൾ അറിയിച്ചു.
കല്യാണി സംഭവത്തിലുള്‍പ്പെട്ട സംഘാംഗങ്ങളെ അറസ്റ്റ് ചെയ്ത ശേഷം, അവരെ ചോദ്യം ചെയ്യുകയും പിന്നീട് കല്യാണി ഹൈക്കോടതിയിൽ ഹാജരാക്കുകയും ചെയ്തു. കൂടാതെ ഫോറൻസിക് വിദഗ്ധരുടെ സംഘം സംഭവസ്ഥലം സന്ദർശിച്ച് സംഭവത്തെക്കുറിച്ച് അന്വേഷിക്കാൻ ആവശ്യമായ സാമ്പിളുകൾ ശേഖരിച്ചു. ഇരയുടെ വൈദ്യപരിശോധനയും നടത്തിയിട്ടുണ്ട്, അതിൻ്റെ റിപ്പോർട്ടിൻ്റെ അടിസ്ഥാനത്തിൽ കേസിൻ്റെ അന്വേഷണം തുടരും.
