‘എന്നാ താന്‍ കേസ് കൊട്’ എന്ന സൂപ്പര്‍ ഹിറ്റ് ചിത്രത്തിനുശേഷം കുഞ്ചാക്കോ ബോബന്‍ – രതീഷ് പൊതുവാള്‍ ടീമിന്റെ ‘ഒരു ദുരൂഹ സാഹചര്യത്തില്‍ ‘ എന്ന പുതിയ ചിത്രത്തിന്റെ പൂജയും സ്വിച്ച് ഓണ്‍ കര്‍മ്മവും നടന്നു. കുറുവാ ദ്വീപിനടുത്തുള്ള ക്രിസ്റ്റല്‍ കുറുവ റിസോര്‍ട്ടിലെ ലൊക്കേഷനില്‍ വച്ച് നടന്ന പൂജാ ചടങ്ങില്‍ നിര്‍മ്മാതാവ് ലിസ്റ്റിന്‍ സ്റ്റീഫന്‍, ആല്‍വിന്‍ ആന്റണി, ഡയറക്ടര്‍ രതീഷ് ബാലകൃഷ്ണ പൊതുവാള്‍, ജാഫര്‍ ഇടുക്കി, ചിദംബരം, സജിന്‍ ഗോപു തുടങ്ങിയവര്‍ ചേര്‍ന്ന് ഭദ്രദീപം കൊളുത്തി. തുടര്‍ന്ന് തിരക്കഥ ലിസ്റ്റിന്‍ സ്റ്റീഫന്‍ ഡയറക്ടര്‍ രതീഷ് ബാലകൃഷ്ണ പൊതുവാളിന് കൈമാറി. തുടര്‍ന്ന് ലിസ്റ്റിന്‍ സ്റ്റീഫന്‍ സ്വിച്ച് ഓണ്‍ ചെയ്തു.
ഇതേ വേളയില്‍ തന്നെ മറ്റു രണ്ടു ചിത്രങ്ങളുടെയും പ്രഖ്യാപനം ലിസ്റ്റിന്‍ സ്റ്റീഫന്‍ നടത്തി. ഗരുഡന്‍ എന്ന സൂപ്പര്‍ ഹിറ്റ് ചിത്രം സംവിധാനം ചെയ്ത അരുണ്‍ വര്‍മ്മ, പുതുമുഖ സംവിധായകന്‍ അമല്‍ ഷീല തമ്പി എന്നിവരുടെ ചിത്രങ്ങളാണ് പ്രഖ്യാപിച്ചത്. ഉടന്‍തന്നെ രണ്ടു ചിത്രങ്ങളുടെയും ഷൂട്ടിംഗ് ആരംഭിക്കും.
‘ഒരു ദുരൂഹ സാഹചര്യത്തില്‍’ എന്ന ചിത്രത്തിലൂടെ കുഞ്ചാക്കോ ബോബനും രതീഷ് പൊതുവാളും വീണ്ടും ഒന്നിക്കുമ്പോള്‍ പ്രേക്ഷകര്‍ക്ക് പ്രതീക്ഷകള്‍ കൂടുകയാണ്, ഒപ്പം മികച്ച ചിത്രങ്ങള്‍ നിര്‍മ്മിക്കുന്ന ലിസ്റ്റിന്‍ സ്റ്റീഫനും ഈ കൂട്ടുകെട്ടില്‍ എത്തുന്നു. കുഞ്ചാക്കോ ബോബനും ഈ ചിത്രത്തിന്റെ നിര്‍മ്മാണത്തില്‍ പങ്കാളിയാകുന്നു എന്ന പ്രത്യേകതയുമുണ്ട്. കുഞ്ചക്കോ ബോബനൊപ്പം ദിലീഷ് പോത്തന്‍, സജിന്‍ ഗോപു, ചിദംബരം, ജാഫര്‍ ഇടുക്കി, ഷാഹി കബീര്‍, ശരണ്യ രാമചന്ദ്രന്‍, ദിവ്യ വിശ്വനാഥ് എന്നിവരും പ്രധാന വേഷങ്ങള്‍ ചെയ്യുന്നു.
കോ പ്രൊഡ്യുസര്‍ -ജസ്റ്റിന്‍ സ്റ്റീഫന്‍. ലൈന്‍ പ്രൊഡ്യൂസര്‍ -സന്തോഷ് കൃഷ്ണന്‍. പ്രൊഡക്ഷന്‍ ഇന്‍ ചാര്‍ജ് -അഖില്‍ യശോധരന്‍. ക്യാമറ -അര്‍ജുന്‍ സേതു. എഡിറ്റര്‍ -മനോജ് കണ്ണോത്ത്. സംഗീതം -ഡോണ്‍ വിന്‍സന്റ്. ആര്‍ട്ട് -ഇന്ദുലാല്‍ കാവീദ് . സൗണ്ട് ഡിസൈന്‍ -ശ്രീജിത്ത് ശ്രീനിവാസന്‍. സൗണ്ട് മിക്‌സിങ് -വിപിന്‍ നായര്‍. എക്‌സിക്യൂട്ടീവ് പ്രൊഡ്യൂസര്‍ -നവീന്‍ പി തോമസ്.
മേക്കപ്പ് -റോണെക്‌സ് സേവ്യര്‍. കോസ്റ്റ്യൂം -മെല്‍വി ജെ. പ്രൊഡക്ഷന്‍ കണ്‍ട്രോളര്‍ -ദീപക് പരമേശ്വര്‍. ചീഫ് അസോസിയേറ്റ് ഡയറക്ടര്‍ -അജിത്ത് വേലായുധന്‍. സ്റ്റണ്ട് മാസ്റ്റര്‍ -വിക്കി. അഡ്മിനിസ്‌ട്രേഷന്‍ ആന്‍ഡ് ഡിസ്ട്രിബ്യൂഷന്‍ ഹെഡ് -ബബിന്‍ ബാബു. പി ആര്‍ ഓ – മഞ്ജു ഗോപിനാഥ്. സ്റ്റില്‍സ് -പ്രേംലാല്‍ പട്ടാഴി.
ലൊക്കേഷന്‍ മാനേജര്‍ -റഫീഖ് പാറക്കണ്ടി. മാര്‍ക്കറ്റിംഗ് – സൗത്ത് ഫ്രെയിംസ് എന്റര്‍ടൈന്‍മെന്റ്. ഡിജിറ്റല്‍ പ്രൊമോഷന്‍സ് -മാര്‍ട്ടിന്‍ ജോര്‍ജ്, ആഷിഫ് അലി. അഡ്വര്‍ടൈസിങ് -ബ്രിങ്‌ഫോര്‍ത്ത്. ഡിസൈന്‍സ് -ഓള്‍ഡ് മങ്ക്‌സ്.വിതരണം -മാജിക് ഫ്രെയിംസ് റിലീസ്. വയനാട് തിരുനെല്ലി എന്നീ ലൊക്കേഷനുകളിലായി ചിത്രത്തിന്റെ ഷൂട്ടിംഗ് തുടരും.
