ബംഗ്ലാദേശിൽ നിന്നുള്ള 17 വയസ്സുള്ള ഒരു ഹിന്ദു പെൺകുട്ടി ഒറ്റ രാത്രി കൊണ്ട് നടന്ന് ഇന്ത്യയിലെത്തി. പശ്ചിമ ബംഗാളിലെ നോർത്ത് ദിനാജ്പൂർ ജില്ലയിൽ ബോർഡർ സെക്യൂരിറ്റി ഫോഴ്സ് (ബിഎസ്എഫ്) പെണ്‍കുട്ടിയെ തടഞ്ഞുനിർത്തി പോലീസിന് കൈമാറി. കുടുംബത്തിനെതിരായ ക്രൂരതകളും വധഭീഷണിയുമാണ് താൻ ഓടിപ്പോകാൻ നിർബന്ധിതയായതെന്ന് പെൺകുട്ടി പറഞ്ഞു. ബംഗ്ലാദേശില്‍ ഇസ്‌കോണിൻ്റെ ഒരു ഭക്തയായിരുന്നു ഈ പെണ്‍കുട്ടി.
ന്യൂനപക്ഷ സമുദായത്തിൽപ്പെട്ടവരായതിനാൽ ആഴ്ചകളായി തൻ്റെ കുടുംബം ഭീഷണികൾ നേരിടുന്നുണ്ടെന്ന് പെൺകുട്ടി പറഞ്ഞു. പെൺകുട്ടിയെ തട്ടിക്കൊണ്ടുപോയി കുടുംബത്തെ കൊല്ലുമെന്ന് മതമൗലികവാദികൾ ഭീഷണിപ്പെടുത്തിയതോടെ സ്ഥിതി വഷളായി. ഈ ഭയം കാരണമാണ് പെണ്‍കുട്ടി ബംഗ്ലാദേശ് വിടാൻ തീരുമാനിച്ചതെന്ന് പറഞ്ഞു.
നിയമനടപടികളിലൂടെ ഇന്ത്യയിലെത്താൻ എത്ര സമയമെടുക്കുമെന്ന് തനിക്കറിയില്ലെന്നും അതിനാലാണ് കാൽനടയായി അതിർത്തി കടക്കാൻ തീരുമാനിച്ചതെന്നും പെൺകുട്ടി പറഞ്ഞു. നോർത്ത് ദിനാജ്പൂർ ജില്ലയിലെ ചോപ്ര ബ്ലോക്കിലെ ഫത്തേപൂർ അതിർത്തി ഔട്ട്‌പോസ്റ്റിനു സമീപം ബിഎസ്എഫ് പെണ്‍കുട്ടിയെ തടഞ്ഞുനിർത്തി പോലീസിന് കൈമാറി.
തൻ്റെ ബന്ധുക്കളിൽ ചിലർ ഇന്ത്യയിലെ ജൽപായ്ഗുരി ജില്ലയിൽ താമസിക്കുന്നുണ്ടെന്നും, താൻ അവരുടെ അടുത്തേക്ക് പോകുകയായിരുന്നുവെന്നും പെൺകുട്ടി പറയുന്നു. അതിർത്തി കടക്കാൻ ആരെങ്കിലും സഹായിച്ചിട്ടുണ്ടോ എന്നറിയാനുള്ള ശ്രമത്തിലാണ് പോലീസ്.
പെൺകുട്ടിയുടെ കുടുംബം ഇസ്‌കോണിൻ്റെ അനുയായികളാണെന്നും മതമൗലികവാദികൾ ഭീഷണിപ്പെടുത്തിയെന്നും പെൺകുട്ടിയുടെ ഇന്ത്യൻ ബന്ധു പറഞ്ഞു. ബംഗ്ലാദേശിൽ മെഡിക്കൽ റെപ്രസെൻ്റേറ്റീവായ പെൺകുട്ടിയുടെ പിതാവ് ഏറെ നാളായി രോഗബാധിതനാണെന്ന് അദ്ദേഹം പറഞ്ഞു.
ബംഗ്ലാദേശിൽ ഹിന്ദു ന്യൂനപക്ഷങ്ങൾക്കെതിരായ അതിക്രമങ്ങൾ തുടർച്ചയായി വർധിച്ചുവരികയാണ്. നവംബർ 25 ന് ധാക്കയിൽ ഹിന്ദു പുരോഹിതൻ ചിൻമോയ് കൃഷ്ണ ദാസ് അറസ്റ്റിലായതു മുതൽ അക്രമ സംഭവങ്ങളും സ്വത്ത് നശീകരണ സംഭവങ്ങളും ദിനം‌പ്രതി വര്‍ധിച്ചുവരികയാണ്.
വിഷയത്തിൽ ഇടപെടണമെന്ന് ഇസ്‌കോൺ കൊൽക്കത്ത വൈസ് പ്രസിഡൻ്റ് രാധാരാമൻ ദാസ് കേന്ദ്ര ആഭ്യന്തര മന്ത്രി അമിത് ഷായോട് അഭ്യർത്ഥിച്ചു. ബംഗ്ലാദേശിൽ നിന്നുള്ള പ്രായപൂർത്തിയാകാത്ത പെൺകുട്ടിയുടെ സുരക്ഷയ്ക്കായി ഇന്ത്യയിലെത്തിയ പെൺകുട്ടിയെ കസ്റ്റഡിയിൽ പാർപ്പിച്ചിരിക്കുന്നത് ഹൃദയഭേദകമാണെന്നും അദ്ദേഹം പറഞ്ഞു. ഗുരുതരമായ അസുഖമുള്ള പെൺകുട്ടിയുടെ മാതാപിതാക്കൾ അവളെ ഇന്ത്യയിലേക്ക് അയക്കാന്‍ നിർബന്ധിതരാകുകയും ഇവിടെ ബന്ധുക്കളോടൊപ്പം സുരക്ഷിതമായി കഴിയുകയും ചെയ്യാമെന്ന പ്രതീക്ഷയിലാണെന്നും അദ്ദേഹം പറഞ്ഞു.
നിസ്സഹായനായ ഒരു കുട്ടിയുടെ സഹായം നമുക്ക് എങ്ങനെ അവഗണിക്കാൻ കഴിയും? ആ കുട്ടിക്ക് സുരക്ഷയും സ്നേഹവും നൽകേണ്ടത് നമ്മുടെ ഉത്തരവാദിത്തമാണെന്ന് രാധാരാമൻ ദാസ് സർക്കാരിനോട് അപേക്ഷിച്ചു.
