Author: .

റഷ്യൻ പ്രസിഡൻ്റ് വ്‌ളാഡിമർ പുടിൻ പ്രതിരോധ ബജറ്റില്‍ റെക്കോർഡ് വർദ്ധനവിന് അംഗീകാരം നല്‍കിക്കൊണ്ട് “ഞങ്ങളെ തോല്പിക്കാന്‍ ആര്‍ക്കും കഴിയില്ല” എന്ന വ്യക്തമായ സന്ദേശം ലോകത്തിന് നൽകി. റഷ്യ-യുക്രെയ്ൻ പോരാട്ടം കൂടുതൽ ഭീകരമാക്കാനാണ് പുടിൻ ആഗ്രഹിക്കുന്നത്. റഷ്യയുടെ 2025ലെ പ്രതിരോധ ബജറ്റ് കണ്ട് ലോകം അമ്പരന്നിരിക്കുകയാണ്. പ്രതിരോധം ശക്തമാക്കി ലോകത്തിന് മുന്നിൽ റഷ്യ ആഗ്രഹിക്കുന്ന വിധത്തിൽ ശക്തി തെളിയിക്കാന്‍ പുടിൻ തൻ്റെ പ്രതിരോധ ബജറ്റ് വര്‍ദ്ധിപ്പിച്ചു. സർക്കാരിൻ്റെ മൊത്തം ചെലവിൻ്റെ മൂന്നിലൊന്ന് സൈന്യത്തിനായി ചെലവഴിക്കാവുന്ന തരത്തിലാണ് പുതിയ ബജറ്റ്. അതിനര്‍ത്ഥം ഉക്രെയ്നുമായുള്ള യുദ്ധം അവസാനിപ്പിക്കാൻ ആഗ്രഹിക്കുന്നില്ല എന്നു തന്നെ. പുടിൻ്റെ ഉദ്ദേശശുദ്ധി ലോകം ഇപ്പോൾ ഉറ്റുനോക്കുകയാണ്. ഉക്രൈൻ യുദ്ധത്തിൽ റഷ്യൻ സൈനിക വിഭവങ്ങൾ അമിതമായി ഉപയോഗിച്ചതാണ് ഈ തീരുമാനത്തിന് പിന്നിലെ പ്രധാന കാരണമായി പറയപ്പെടുന്നത്. ഇത്തവണ പ്രതിരോധ ബജറ്റിൽ ഏകദേശം 126 ബില്യൺ ഡോളർ (13.5 ട്രില്യൺ റൂബിൾസ്)…

കൊച്ചി: ക്ഷേത്രങ്ങളില്‍ ആനയെഴുന്നള്ളിപ്പുമായി ബന്ധപ്പെട്ട് ഹൈക്കോടതിയുടെ മാനദണ്ഡങ്ങള്‍ ലംഘിച്ചെന്ന കുറ്റത്തിന് തൃപ്പൂണിത്തുറ പൂര്‍ണത്രയീശ ക്ഷേത്ര ഭരണസമിതിക്കെതിരെ വനം വകുപ്പ് കേസെടുത്തു. ക്ഷേത്രത്തിലെ ഉത്സവത്തില്‍ ആനയെ എഴുന്നള്ളിച്ചത് ഹൈക്കോടതി മാനദണ്ഡങ്ങള്‍ പ്രകാരമല്ലെന്ന് കണ്ടെത്തിയതിനെ തുടര്‍ന്നാണ് നടപടിയെന്ന് വനംവകുപ്പ് ഉദ്യോഗസ്ഥര്‍ അറിയിച്ചു. ആനകള്‍ തമ്മിലുളള അകലം മൂന്നു മീറ്റര്‍ ഉണ്ടായിരുന്നില്ലെന്നും ആളുകളും ആനയുമായുളള എട്ടു മീറ്റര്‍ അകലവും പാലിച്ചില്ലെന്നും വനംവകുപ്പ് പരിശോധനയില്‍ കണ്ടെത്തി. ആനകളുടെ സമീപത്തുകൂടി തീവെട്ടിയുമായി പോയെന്നും ഇക്കാര്യത്തിലും 5 മീറ്റര്‍ അകലം പാലിച്ചില്ലെന്നും വനംവകുപ്പ് അറിയിച്ചു. വനം വകുപ്പിന്റെ സോഷ്യല്‍ ഫോറസ്ട്രി വിഭാഗമാണ് കേസെടുത്തത്. നാട്ടാനകളുടെ പരിപാലനചുമതല നല്‍കിയിരിക്കുന്നത് വനംവകുപ്പിന്റെ സോഷ്യല്‍ ഫോറസ്ട്രി വിഭാഗത്തിനാണ്. ഉത്സവത്തിന്റെ ഭാഗമായി ആനകളെ എഴുന്നളളിക്കുന്നതിന് ഇളവ് ആവശ്യപ്പെട്ട് ക്ഷേത്ര ഭരണസമിതി നല്‍കിയ ഹര്‍ജി ഹൈക്കോടതി നാളെ വീണ്ടും പരിഗണിക്കാനിരിക്കെയാണ് നടപടി. അകലം പാലിച്ചാണ് ആനകളെ എഴുന്നളളിച്ചതെന്നും മഴ പെയ്തതോടെയാണ് അടുപ്പിച്ച് നിര്‍ത്തേണ്ടിവന്നതെന്നുമാണ്…