ന്യൂഡല്‍ഹി: വിവാദമായ രാജ്യദ്രോഹ നിയമം നിർത്തിവയ്ക്കാനുള്ള സുപ്രീം കോടതിയുടെ ചരിത്രപരമായ തീരുമാനത്തിന് ശേഷം, “കോടതിയെയും അതിന്റെ സ്വാതന്ത്ര്യത്തെയും ബഹുമാനിക്കുന്നതായും, അതേസമയം “ലക്ഷ്മണ രേഖ” ഉണ്ടെന്നും കേന്ദ്ര നിയമമന്ത്രി കിരണ്‍ റിജിജു വിവാദ പരാമർശം നടത്തി. ഭീകരവാദം ഉൾപ്പെടെയുള്ള കുറ്റങ്ങൾ ചുമത്താൻ സാധ്യതയുള്ളതിനാൽ ഇത്തരം വിചാരണകൾ കോടതികളിൽ തുടരണമെന്ന കേന്ദ്രത്തിന്റെ വാദം ബുധനാഴ്ച സുപ്രീം കോടതി തള്ളി. രാജ്യദ്രോഹക്കുറ്റം ക്രിമിനൽ കുറ്റമാക്കുന്ന ഇന്ത്യൻ ശിക്ഷാ നിയമത്തിലെ (ഐപിസി) 124 എ വകുപ്പിലെ വ്യവസ്ഥകൾ പുനഃപരിശോധിക്കാന്‍ സർക്കാരിനെ അനുവദിച്ചിട്ടുണ്ടെങ്കിലും, കോടതി ഉത്തരവ് പുറപ്പെടുവിക്കുകയായിരുന്നു. “ഞങ്ങൾ ഞങ്ങളുടെ നിലപാടുകൾ വളരെ വ്യക്തമായി പറഞ്ഞിട്ടുണ്ട്. പ്രധാനമന്ത്രി നരേന്ദ്ര മോദിയുടെ ഉദ്ദേശ്യത്തെക്കുറിച്ച് കോടതിയെ അറിയിച്ചിട്ടുണ്ട്. കോടതിയെയും അതിന്റെ സ്വാതന്ത്ര്യത്തെയും ഞങ്ങൾ ബഹുമാനിക്കുന്നു. എന്നാൽ, ബഹുമാനിക്കേണ്ട ഒരു ലക്ഷ്മണ രേഖ ഉണ്ട്, ഇന്ത്യൻ ഭരണഘടനയുടെ വ്യവസ്ഥകളെയും നിലവിലുള്ള നിയമങ്ങളെയും നമ്മള്‍ ബഹുമാനിക്കുന്നുണ്ടെന്ന് ഉറപ്പാക്കേണ്ടതുണ്ട്,” ഉത്തരവിനോട് പ്രതികരിച്ച്…
രാജ്യദ്രോഹ നിയമം: ‘ലക്ഷ്മണ രേഖ’ മാനിക്കപ്പെടണമെന്ന് സുപ്രീം കോടതി ഉത്തരവിൽ കേന്ദ്രമന്ത്രി
