ഇന്നലെ പ്രധാനമന്ത്രി മഹിന്ദ രാജപക്‌സെ രാജിവച്ചതിന് ശേഷവും ശ്രീലങ്കയിൽ സ്ഥിതി നിയന്ത്രണാതീതമായിക്കൊണ്ടിരിക്കുകയാണ്. രോഷാകുലരായ ജനക്കൂട്ടം കൂടുതൽ അക്രമാസക്തമായി. തിങ്കളാഴ്ച ജനക്കൂട്ടം മുൻ മന്ത്രി ജോൺസൺ ഫെർണാണ്ടോയുടെയും എംപി സനത് നിഷാന്തിന്റെയും മൗണ്ട് ലാവിനിയ ഏരിയയിലെ വീടുകൾക്ക് തീയിട്ടു. ഇവിടെ കർഫ്യൂ ഏർപ്പെടുത്തിയിട്ടുണ്ടെങ്കിലും ആയിരക്കണക്കിന് ജനങ്ങള്‍ കൊളംബോയിലെ തെരുവുകളിൽ സർക്കാരിനെതിരെ പ്രതിഷേധ പ്രകടനം നടത്തി. ക്ഷുഭിതരായ ജനക്കൂട്ടം മഹിന്ദ രാജപക്‌സെയുടെ അനുയായികളെ ഒന്നൊന്നായി ലക്ഷ്യമിടുന്നതായാണ് റിപ്പോര്‍ട്ടുകള്‍. മഹിന്ദ രാജപക്‌സെയുടെ രാജിക്ക് ശേഷം സർക്കാർ അനുകൂല, സർക്കാർ വിരുദ്ധ ഗ്രൂപ്പുകൾ ഏറ്റുമുട്ടിയതായി പറയപ്പെടുന്നു. അടുത്തിടെ ലഭിച്ച വിവരമനുസരിച്ച്, ഒരു എംപി ഉൾപ്പെടെ മൂന്ന് പേർ അക്രമത്തിൽ കൊല്ലപ്പെടുകയും 150 ലധികം പേർക്ക് പരിക്കേൽക്കുകയും ചെയ്തു. തിങ്കളാഴ്ച തന്നെ ശ്രീലങ്കൻ പ്രധാനമന്ത്രി മഹിന്ദ രാജപക്‌സെ ഏറെ സമ്മർദത്തിന് ശേഷമാണ് തന്റെ സ്ഥാനം രാജിവെച്ചത്. ഞായറാഴ്ച രാവിലെ, ശ്രീലങ്കൻ പ്രസിഡന്റ് ഗോതബയ രാജപക്‌സെ…
ശ്രീലങ്കയില്‍ അക്രമം തുടരുന്നു; എംപി ഉള്‍പ്പടെ മൂന്നു പേര്‍ കൊല്ലപ്പെട്ടു; മന്ത്രിമാരുടെ വീടുകൾക്ക് തീയിട്ടു
