Author: .

പാലക്കാട്:ഫ്രറ്റേണിറ്റി മൂവ്മെന്റ് അഞ്ചാം വാർഷികാഘോഷങ്ങളുടെ ഭാഗമായി സ്ഥാപക ദിനമായ ഏപ്രിൽ 30ന് ജില്ല ആസ്ഥാനത്ത് പ്രസിഡന്റ് ഫിറോസ്.എഫ്.റഹ്മാൻ പതാക ഉയർത്തി പ്രവർത്തകർക്ക് പ്രതിജ്ഞ ചൊല്ലിക്കൊടുത്തു. ഒറ്റപ്പാലം,കോങ്ങാട്,മണ്ണാർക്കാട്,പട്ടാമ്പി,തൃത്താല തുടങ്ങിയ മണ്ഡലം കേന്ദ്രങ്ങളിലും പതാക ഉയർത്തി.മലമ്പുഴ എസ്.പി ലൈൻ കോളനി,ഗവ.വിക്ടോറിയ കോളേജ് എന്നിവിടങ്ങളിലും പ്രവർത്തകർ പതാകയുയർത്തി പ്രതിജ്ഞ പുതുക്കി.ഹിബ തൃത്താല,ഫിദ ഷെറിൻ,ത്വാഹ മുഹമ്മദ്,സമദ്,സബിൻ, ഷഹ്ബാസ്,നൗഷാദ്,അഫീഫ്,ഷമീം,റിഷാന,ഫാദിൽ, അഹമ്മദ് ഷാനു,ഷബ്നം.പി.നസീർ എന്നിവർ നേതൃത്വം നൽകി. സാഹോദര്യ രാഷ്ട്രീയ പ്രസ്ഥാനത്തിന് അരപതിറ്റാണ്ട് തികയുന്ന പശ്ചാത്തലത്തിൽ വാർഷികോപഹാര സമർപ്പണം,സേവന പ്രവർത്തനങ്ങൾ,സാമൂഹിക നീതിയുടെ പോരാട്ട വീഥിയിലുള്ളവരെ ആദരിക്കൽ അടക്കമുള്ള വ്യത്യസ്ത പരിപാടികൾ മെയ് 13 വരെയുള്ള ക്യാമ്പയിൻ കാലയളവിൽ സംഘടിപ്പിക്കുമെന്ന് ജില്ല സെക്രട്ടറിയേറ്റ് പ്രസ്താവനയിൽ അറിയിച്ചു.

ന്യൂയോർക്ക്: ഈസ്റ്റ് മെഡോ സ്‌കൂള്‍ ഡിസ്ട്രിക്റ്റ് ബോര്‍ഡ് ഓഫ് എഡ്യൂക്കേഷനിലേക്കുള്ള തന്റെ സ്ഥാനാര്‍ത്ഥിത്വത്തിന് പിന്തുണ അഭ്യര്‍ത്ഥിച്ച് സ്ഥാനാർത്ഥി ജെന്‍സണ്‍ അമ്പാച്ചന്‍. ബോര്‍ഡിന്റെ തീരുമാനങ്ങള്‍ നടപ്പിലാക്കാനുള്ള ഈ പ്രക്രിയയില്‍ രക്ഷിതാക്കളും മുഴുവന്‍ സമൂഹവും ഭാഗഭാക്കാവണമെന്നും അതുവഴി വിദ്യാഭ്യാസ നിലവാരം ഉയര്‍ത്തുവാന്‍ സഹായിക്കണമെന്നും ജെന്‍സണ്‍ അഭ്യര്‍ത്ഥിച്ചു. ഇതുവരെ നല്‍കിയ സഹകരണത്തിനും പിന്തുണയ്ക്കും സമൂഹത്തെ സേവിക്കാന്‍ നല്‍കിയ ഈ അവസരത്തിനും താന്‍ നന്ദി പറയുന്നുവെന്നും ജെന്‍സന്‍ പറഞ്ഞു. മെയ് 17നാണ് ഇലക്ഷന്‍. കുടിയേറ്റക്കാരുടെ മകനെന്ന നിലയില്‍, നല്ല വിദ്യാഭ്യാസത്തിന്റെ പ്രാധാന്യം തന്റെ മാതാപിതാക്കള്‍ തന്നോട് ഊന്നിപ്പറഞ്ഞിട്ടുണ്ടെന്നും യാഥാര്‍ത്ഥ്യബോധമുള്ളതും കൂടുതല്‍ മെച്ചപ്പെട്ടതുമായ അക്കാദമിക്, സാമൂഹിക, അന്തരീക്ഷം അത്യാവശ്യമാണെന്ന് താന്‍ ശക്തമായി വിശ്വസിക്കുന്നുവെന്നും ജെന്‍സന്‍ പറയുന്നു. കഴിഞ്ഞ 14 വര്‍ഷമായി ജെന്‍സണ്‍ അമ്പാച്ചനും കുടുംബവും ഈസ്റ്റ് മെഡോ സ്‌കൂള്‍ ഡിസ്ട്രിക്റ്റില്‍ താമസിച്ചു വരികയാണ്. സ്റ്റോണിബ്രൂക്ക് യൂണിവേഴ്സിറ്റിയില്‍ നിന്ന് നിയമത്തില്‍ ബിരുദം നേടിയ അദ്ദേഹം പൊതുസേവനത്തില്‍…

ന്യൂയോര്‍ക്ക്: സ്റ്റാറ്റന്‍ ഐലന്റ് സെന്റ് ജോര്‍ജ് മലങ്കര ഓര്‍ത്തഡോക്‌സ് ദേവാലയത്തില്‍ ഇടവകയുടെ മധ്യസ്ഥനും കാവല്‍പിതാവുമായ വിശുദ്ധ ഗീവര്‍ഗീസ് സഹദായുടെ നാമത്തിലുള്ള പ്രധാന തിരുനാള്‍ മെയ് 6,7 തീയതികളിലായി (വെള്ളി, ശനി) നടത്തപ്പെടുന്നു. നോര്‍ത്ത് – ഈസ്റ്റ് അമേരിക്കന്‍ ഭദ്രാസന മെത്രാപ്പോലീത്ത അഭിവന്ദ്യ സഖറിയാ മോര്‍ നിക്കളാവോസ് തിരുമേനി മുഖ്യ കാര്‍മികത്വം വഹിക്കും. അനുഗ്രഹകരമായ പെരുന്നാള്‍ ശുശ്രൂഷകളില്‍ പങ്കെടുക്കുവാന്‍ ഏവരേയും സ്വാഗതം ചെയ്യുന്നതായി ഭാരവാഹികള്‍ അറിയിച്ചു. മെയ് ആറാം തീയതി വെള്ളിയാഴ്ച വൈകുന്നേരം 6.30-ന് സന്ധ്യാപ്രാര്‍ത്ഥനയും, തുടര്‍ന്ന് 7.30-ന് സുവിശേഷ പ്രഘോഷണവും, ശനിയാഴ്ച രാവിലെ 8.30-ന് പ്രഭാത നമസ്‌കാരവും തുടര്‍ന്ന് 9.30-ന് വിശുദ്ധ കുര്‍ബാനയും നടക്കും. അഭിവന്ദ്യ സഖറിയാ മോര്‍ നിക്കളാവോസ് മെത്രാപ്പോലീത്ത പ്രധാന കാര്‍മികത്വം വഹിക്കും. വിശുദ്ധ കുര്‍ബാനയ്ക്കുശേഷം 11 മണിക്ക് ആഘോഷമായ പ്രദക്ഷിണം, ആശീര്‍വാദം, നേര്‍ച്ചവിളമ്പ് എന്നിവയാണ് ഇതര ചടങ്ങുകള്‍. ഇടവക വികാരി വെരി റവ.ഫാ.…

കീവ്: കീവ് മേഖലയിൽ 900 മൃതദേഹങ്ങളുള്ള മറ്റൊരു കൂട്ടക്കുഴിമാടം കൂടി കണ്ടെത്തിയതായി ഉക്രേനിയൻ പ്രസിഡന്റ് വോളോഡിമർ സെലെൻസ്‌കി പറഞ്ഞു. വെള്ളിയാഴ്ച പോളിഷ് മാധ്യമത്തിന് നൽകിയ അഭിമുഖത്തിലാണ് അദ്ദേഹം ഈ പ്രസ്താവന നടത്തിയത്. ശവക്കുഴി കണ്ടെത്തിയ പ്രദേശം മാർച്ചിൽ റഷ്യൻ സൈന്യം കൈവശപ്പെടുത്തിയതായിരുന്നു എന്നും അദ്ദേഹം മാധ്യമങ്ങളോട് പറഞ്ഞു. “എത്ര പേർ കൊല്ലപ്പെട്ടുവെന്ന് ആർക്കും അറിയില്ല. അനന്തരഫലങ്ങൾ ഉണ്ടാകും, അന്വേഷണം ഉണ്ടാകും, പിന്നെ ഒരു സെൻസസ് ഉണ്ടാകും. ഈ ആളുകളെയെല്ലാം കണ്ടെത്തണം, പക്ഷേ എത്രപേർ ഉണ്ടെന്ന് പോലും ഞങ്ങൾക്ക് അറിയില്ല,” അദ്ദേഹം പറഞ്ഞു. ഫെബ്രുവരി 24 ന് അധിനിവേശം ആരംഭിച്ചതിനുശേഷം ഏകദേശം 500,000 ഉക്രേനിയക്കാരെ നിയമവിരുദ്ധമായി റഷ്യയിലേക്ക് നാടുകടത്തിയതായും സെലെൻസ്കി അവകാശപ്പെട്ടു. “ഉക്രേനിയൻ പ്രോസിക്യൂട്ടർമാരും നിയമ നിർവ്വഹണ ഉദ്യോഗസ്ഥരും ഉക്രെയ്നിലെ സിവിലിയന്മാർക്കെതിരായ കുറ്റകൃത്യങ്ങളുമായി ഏതെങ്കിലും വിധത്തിൽ ബന്ധമുള്ള എല്ലാ റഷ്യൻ സൈനികരെയും കണ്ടെത്തി വിചാരണ ചെയ്യുമെന്ന്” അദ്ദേഹം ഊന്നിപ്പറഞ്ഞു.…

വാഷിംഗ്ടൺ : ന്യൂ മെക്‌സിക്കോയില്‍ കാട്ടുതീ പടര്‍ന്നുപിടിച്ചതിനെത്തുടര്‍ന്ന് ഏകദേശം 300 ഓളം കെട്ടിടങ്ങൾ കത്തി നശിച്ചു. വരും ദിവസങ്ങളിൽ ശക്തമായ കാറ്റ്, വരണ്ട വായു, ചൂട് എന്നിവയാൽ കാട്ടുതീ ശക്തമാകുമെന്ന് അധികൃതർ അറിയിച്ചു. കാൾഫ് കാന്യോണിലും ഹെർമിറ്റ്‌സ് പീക്കിലും ഉണ്ടായ തീപിടിത്തത്തിൽ ഇതുവരെ 66,000 ഏക്കർ ഭൂമി കത്തിനശിച്ചുവെന്നും, 37 ശതമാനം മാത്രമേ നിയന്ത്രണ വിധേയമായിട്ടുള്ളൂവെന്നും സംസ്ഥാന അഗ്നിശമനസേനയുടെ ഏറ്റവും പുതിയ അപ്‌ഡേറ്റിൽ പറയുന്നു. കാറ്റിൽ തീജ്വാലകൾ 5 അടിയിൽ കൂടുതൽ ഉയരത്തിൽ എത്തുമ്പോൾ, അഗ്നിശമന സേനയ്ക്ക് തീ അണയ്ക്കാന്‍ ബുദ്ധിമുട്ടാണ്. അവര്‍ കൂടുതല്‍ പ്രതിരോധത്തിലേക്ക് നീങ്ങണമെന്ന് വക്താവ് മൈക്ക് ജോൺസണ്‍ പറഞ്ഞു. കാൾഫ് കാന്യോണും ഹെർമിറ്റ്സ് കൊടുമുടിയിലും തീ ആളിപ്പടരുകയാണ്. മറ്റൊരു വലിയ തീ, സംസ്ഥാനത്തിന്റെ വടക്കുപടിഞ്ഞാറൻ ഭാഗത്തുള്ള ജെമെസ് സ്പ്രിംഗ്സ് ഗ്രാമത്തിൽ നിന്ന് 7 മൈൽ കിഴക്കായി ഒരാഴ്ച മുമ്പ് ആരംഭിച്ച സെറോ പെലാഡോ…

റഷ്യൻ പ്രസിഡന്റ് വ്‌ളാഡിമിർ പുടിൻ ഉക്രെയ്‌നെതിരെ ദിവസങ്ങൾക്കുള്ളിൽ ഒരു “സര്‍‌വ്വത്ര യുദ്ധം” പ്രഖ്യാപിക്കാൻ ഒരുങ്ങുന്നതായി റഷ്യന്‍ വൃത്തങ്ങളും പാശ്ചാത്യ അധികൃതരും പറയുന്നു. റഷ്യയുടെ ഉക്രെയ്ന്‍ അധിനിവേശം നീണ്ടുപോകുന്നതില്‍ നിരാശരായ സൈനിക മേധാവികൾ, റഷ്യൻ സൈനികരെ വൻതോതിൽ അണിനിരത്താനും സംഘർഷം വർദ്ധിപ്പിക്കാനും സഹായിക്കുന്ന യുദ്ധം പ്രഖ്യാപിക്കാൻ പ്രസിഡന്റിനോട് ആവശ്യപ്പെട്ടു. ഉക്രെയ്‌നിലെ അന്തിമ മുന്നേറ്റത്തിനായി തന്റെ കരുതൽ ശേഖരത്തിന്റെ വൻതോതിലുള്ള പ്രയോഗം പ്രഖ്യാപിക്കാൻ പുടിൻ മെയ് 9 ന് റഷ്യയുടെ വിജയ ദിന പരേഡ് ഉപയോഗിക്കുമെന്ന് ബ്രിട്ടന്റെ പ്രതിരോധ സെക്രട്ടറി ബെൻ വാലസ് പറഞ്ഞു. മുൻ നേറ്റോ മേധാവി റിച്ചാർഡ് ഷെറിഫ്, ഉക്രെയ്നിൽ റഷ്യയുമായുള്ള “ഏറ്റവും മോശം സാഹചര്യം” യുദ്ധത്തിന് പാശ്ചാത്യ രാജ്യങ്ങൾ “സ്വയം സജ്ജരാകണം” എന്ന് മുന്നറിയിപ്പ് നൽകിയ സാഹചര്യത്തിലാണ് പുടിന്റെ പ്രഖ്യാപനം. “കിയെവിലെ മിന്നലാക്രമണം പരാജയപ്പെട്ടതിൽ സൈന്യം രോഷാകുലരാണ്. സൈന്യത്തിലെ ചിലര്‍ മുൻകാല പരാജയങ്ങൾക്ക് പകരം തേടുകയാണ്,…

ടെന്നസി: മദ്യപിച്ചു വാഹനം ഓടിക്കുന്ന ഡ്രൈവര്‍മാര്‍ക്ക് കടുത്ത ശിക്ഷ ഉറപ്പുവരുത്തുന്ന നിയമം ടെന്നസി സെനറ്റ് പാസാക്കി. ഏപ്രില്‍ 27നാണ് സെനറ്റ് ഐക്യകണ്‌ഠേന നിയമം പാസാക്കിയത്. മദ്യപിച്ചു വാഹനമോടിച്ചുണ്ടാക്കുന്ന അപകടത്തില്‍ മറ്റൊരാള്‍ കൊല്ലപ്പെട്ടാല്‍ കുറ്റക്കാരനായ ഡ്രൈവര്‍ കൊല്ലപ്പെടുന്നവരുടെ പ്രായപൂര്‍ത്തിയാകാത്ത മക്കള്‍ക്ക് ചൈല്‍ഡ് സപ്പോര്‍ട്ട് നല്‍കണമെന്ന നിയമമാണ് സെനറ്റ് അംഗീകരിച്ചിരിക്കുന്നത്. വെഹിക്കുലര്‍ ഹോമിസൈഡ് എന്ന കുറ്റം ചുമത്തി കേസ് എടുക്കുന്നതിനും ബില്ലില്‍ വ്യവസ്ഥകള്‍ ഉള്‍പ്പെടുത്തിയിട്ടുണ്ട്. മദ്യപിച്ച ഡ്രൈവറുടെ അശ്രദ്ധകൊണ്ട് ഉണ്ടാകുന്ന അപകടത്തില്‍ എത്രപേര്‍ കൊല്ലപ്പെട്ടാലും അവരുടെയെല്ലാം കുട്ടികള്‍ക്ക് 18 വയസു തികയുന്നതുവരെയാണ് ചൈല്‍ഡ് സപ്പോര്‍ട്ട് നല്‍കേണ്ടിവരിക. കുട്ടിയുടെ സാമ്പത്തികാവശ്യവും മാതാപിതാക്കളുടെ വരുമാനവും പരിഗണിച്ചായിരിക്കും ചൈല്‍ഡ് സപ്പോര്‍ട്ട് നിശ്ചയിക്കുകയെന്നും ബില്ലില്‍ വ്യവസ്ഥയുണ്ട്. ബില്ലിന് വിവിധ ഇടങ്ങളില്‍നിന്ന് അനുകൂല പ്രതികരണമാണ് ലഭിക്കുന്നത്. അതേസമയം, ബില്ലിനെക്കുറിച്ച് പ്രതികരിക്കാന്‍ ഗവര്‍ണറുടെ ഓഫീസ് തയാറായിട്ടില്ല.