ഹൂസ്റ്റണ്‍: അസാധാരണമെങ്കിലും പ്രസന്നമായ കാലാവസ്ഥയാണിപ്പോള്‍ ഹൂസ്റ്റണിലേത്. ശരത്കാലത്തിന്റെ കുളിര്‍മ താരതമ്യേന കുറവാണ്. മധ്യവേനല്‍ക്കാലത്തേതിന് സമാനമായ ചൂടുണ്ട്. ഒപ്പം തണുപ്പും അനുഭവപ്പെടുന്നു. നാമിപ്പോള്‍ ‘ഡ്രാക്കുള പ്രഭു’വിനെ വരവേല്‍ക്കാനുള്ള ഒരുക്കത്തിലാണ്. കടകളില്‍ കടുത്ത ഓറഞ്ച് നിറത്തിലുള്ള മത്തങ്ങയുടെ വില്‍പന തകൃതിയായി നടക്കുന്നു. ഹാലോവീന്‍ കിഡ്‌സുകള്‍ക്കായി മിഠായികളുടെ കച്ചവടവും പൊടിപൊടിക്കുന്നു. അതെ, ആത്മാക്കളുടെ ദിനമായ ഹാലോവീന്‍ രാവില്‍ അര്‍മാദിക്കാനുള്ള ഒരുക്കങ്ങളെല്ലാം പൂര്‍ത്തിയായിരിക്കുന്നു. പിന്നെ ഏര്‍ലി വോട്ടിങ്ങും നടക്കുകയാണല്ലോ. അതേസമയം, ആഗസ്റ്റ് മുതല്‍ ജനുവരി വരെ നടക്കുന്ന നാഷണല്‍ ഫുട്‌ബോള്‍ ലീഗിന്റെ ടെന്‍ഷനിലാണ് അമേരിക്ക. സീസണിന്റെ പകുതി കഴിഞ്ഞു. ഫുട്‌ബോള്‍ പ്രേമികള്‍ തങ്ങളുടെ ടീമിന്റെ ജയാപജയങ്ങളുടെ കണക്കെടുപ്പിലാണ്. ഒപ്പം പ്രസിഡന്‍ഷ്യല്‍ ഇലക്ഷന്റെ മൂര്‍ധന്യതയിലുമാണ്. ഫുട്‌ബോളിലെ ചാമ്പ്യന്‍സും രാഷ്ട്രീയ ചതുരംഗക്കളിയിലെ വിജയിയും അരെന്നറിയാന്‍ നമ്മള്‍ മലയാളികളും ആകാംക്ഷയോടെ തന്നെ കാത്തിരിക്കുകയാണ്. വായനയുടെയും എഴുത്തിന്റെയും സ്വതന്ത്ര ചിന്തയുടെയും ക്രിയാത്മക വിമര്‍ശനത്തിന്റെയും കേദാരവും മലയാള സാഹിത്യ സ്‌നേഹികളുടെ…
കേരള റൈറ്റേഴ്‌സ് ഫോറം ഹ്യൂസ്റ്റണ്‍ ചര്‍ച്ച സംഘടിപ്പിച്ചു
