Category: KERALA

കോട്ടോപ്പാടം: മണ്ണാർക്കാട് കോട്ടോപ്പാടം അബ്ദു ഹാജി ഹൈസ്‌കൂൾ വിദ്യാർത്ഥികളായ മുഹമ്മദ്‌ റജിബ്‌,ശഹജാസ് എന്നിവർക്ക് സ്ക്കൂളിൽ പോകുമ്പോൾ ഷോക്കേറ്റത് ശ്രദ്ധയിൽ പെട്ട മുഹമ്മദ് സിദാന് അവസരോചിതം ഇടപെട്ട് തന്റെ സഹപാഠികൾക്ക് രക്ഷകനായി. ഐ എൻ എൽ മണ്ണാർക്കാട് മണ്ഡലം കമ്മിറ്റിയുടെ നേതൃത്വത്തിൽ സിദാനെ ആദരിച്ചു. മണ്ഡലം പ്രസിഡന്റ് അബ്ദു അച്ചിപ്ര മൊമെന്റോ കൈമാറി. ജില്ലാ സെക്രട്ടറി കെ.വി.അമീർ, ജില്ലാ ട്രഷറർ അബ്ദു റഫീക്ക് കാട്ടുകുളം, മണ്ഡലം നേതാക്കളായ ഉമ്മർ.വി.ടി,ശിഹാബ് മൈലാമമ്പാടം, ബഷീർ പുളിക്കൽ, ഉസ്മാൻ വി.ടി എന്നിവർ സംബന്ധിച്ചു.

എടത്വ:എടത്വ സാമൂഹിക ആരോഗ്യ കേന്ദ്രത്തിൽ ഒഴിവുള്ള തസ്തികളില്‍ നിയമനം നടത്തണമെന്നാവശ്യപെട്ട് എടത്വ വികസന സമിതിയുടെ നേതൃത്വത്തില്‍ നടത്തിയ നില്പ് സമരം പ്രസിഡന്റ് ഐസക്ക് എഡ്വേർഡ് ചെറുകാട് ഉദ്ഘാടനം ചെയ്തു.വൈസ് പ്രസിഡന്റ് ജോർജ്ജ് തോമസ് കളപ്പുര അധ്യക്ഷത വഹിച്ചു. രക്ഷാധികാരി ഷാജി മാധവൻ, ജനറൽ സെക്രട്ടറി ഡോ.ജോൺസൺ വി ഇടിക്കുള ,ട്രഷറാർ പി.ജെ കുര്യാക്കോസ് പട്ടത്താനം ,വൈസ് പ്രസി ഡന്റുമാരായ അഡ്വ. ഐസക്ക് രാജു, പിഡി രമേശ്കുമാർ, ഗോപകുമാർ തട്ടങ്ങാട്ട്, ജോയിന്റ് സെക്രട്ടറി അജി കോശി,സാബു മാത്യു കളത്തൂർ, പി.ഡി.ജോർജ്ജ്ക്കുട്ടി, ഷാജിമോൻ ജോസഫ്, വർഗ്ഗീസ് മാത്യു നെല്ലിക്കൽ എന്നിവർ പങ്കെടുത്തു. തുടർന്ന് സമിതിയുടെ നേതൃത്വത്തിൽ മെഡിക്കൽ ഓഫീസ് ഇൻ ചാർജ്ജ് ഡോ.വി. വിജിക്ക് നിവേദനം നല്‍കി. എടത്വ കമ്മ്യൂണിറ്റി ഹെൽത്ത് സെന്ററിൽ പ്രതിദിനം ചികിത്സക്കായി ഇരുന്നൂറിലധികം രോഗികൾ എത്തുന്നുണ്ടെങ്കിലും ഒക്ടോബര്‍ മാസത്തിൽ കിടത്തി ചികിത്സ നല്കിയത് എട്ട് പേർക്ക്…

എടത്വ: കണ്ടങ്കരി ദേവിവിലാസം ഹയർ സെക്കൻണ്ടറി സ്ക്കൂളിലെ നാഷണൽ സർവ്വീസ് സ്കീം യൂണിറ്റിന്റെ ഈ വർഷത്തെ സപ്തദിന സഹവാസ ക്യാമ്പ് സമഗ്റം 2024 തലവടി സി. എം.എസ് ഹൈസ്കൂളിൽ തുടക്കമായി. പാരേത്തോട് ജംഗ്ഷനിൽ നിന്നും റാലിയായി എത്തിയ 50 അംഗ സംഘത്തെ തലവടി സിഎംഎസ് ഹൈസ്ക്കൂൾ പ്രഥമ അധ്യാപകന്‍ റെജിൽ സാം മാത്യൂ സ്വീകരിച്ചു. പ്രിൻസിപ്പാൾ ഇൻ ചാർജ്ജ് എസ് ശബരീഷ് പതാക ഉയര്‍ത്തി. ദേവി വിലാസം ഹയർ സെക്കൻണ്ടറി സ്ക്കൂൾ മാനേജർ ആർ. തുളസിദാസ് അധ്യക്ഷത വഹിച്ചു.ബ്ളോക്ക് പഞ്ചായത്ത് പ്രസിഡന്റ് ജിൻസി ജോളി ഉദ്ഘാടനംചെയ്തു . എൻഎസ്എസ് പ്രോഗ്രാം ഓഫിസർ ഒ മിനി പദ്ധതി വിശദീകരണം നടത്തി. തലവടി സി.എം.എസ് ഹൈസ്ക്കൂൾ മാനേജർ റവ. മാത്യൂ ജിലോ നൈനാൻ    അനുഗ്രഹ പ്രഭാഷണം നടത്തി. ബ്ളോക്ക് പഞ്ചായത്ത് അംഗം അജിത്ത് പിഷാരത്ത്, ഗ്രാമ പഞ്ചായത്ത് അംഗങ്ങളായ…

എറണാകുളം: കോതമംഗലത്ത് രണ്ടാനമ്മ ശ്വാസം മുട്ടിച്ച് കൊലപ്പെടുത്തിയ ആറ് വയസുകാരി മുസ്‌കാൻ്റെ ഖബറടക്കം കോതമംഗലം കമ്പനിപ്പടി നെല്ലിമുട്ടം ജുമാമസ്ജിദിൽ നടന്നു. താലൂക്ക് ആശുപത്രിയിൽ സൂക്ഷിച്ചിരുന്ന കുട്ടിയുടെ മൃതദേഹം പിതാവ് അജാസ് ഖാൻ ഏറ്റുവാങ്ങി തുടർനടപടികൾ പൂർത്തിയാക്കി സംസ്‌കാരം നടത്തി. കുടുംബാംഗങ്ങളും ബന്ധുക്കളും നാട്ടുകാരും ചടങ്ങിൽ പങ്കെടുത്തു. രണ്ട് ദിവസം മുമ്പാണ് രണ്ടാനമ്മ അനീഷ ആറ് വയസുകാരിയെ കഴുത്ത് ഞെരിച്ച് കൊലപ്പെടുത്തിയത്. ഇവരെ പോലീസ് അറസ്റ്റ് ചെയ്തിട്ടുണ്ട്. കൊലപാതകത്തിന് പിന്നിൽ മറ്റെന്തെങ്കിലും കാരണമുണ്ടോ എന്നറിയാന്‍ പോലീസ് അന്വേഷണം നടത്തുന്നുണ്ട്. കഴിഞ്ഞ ദിവസമാണ് ഉത്തര്‍പ്രദേശ് സ്വദേശിനിയായ ആറ് വയസുകാരിയെ മരിച്ച നിലയില്‍ കണ്ടെത്തിയത്. രത്രി ഉറങ്ങാന്‍ കിടന്ന കുട്ടി രാവിലെ വിളിച്ചിട്ടും എഴുന്നേറ്റില്ല എന്നായിരുന്നു മാതാപിതാക്കള്‍ ആദ്യം പറഞ്ഞത്. എന്നാല്‍, ഇന്‍ക്വസ്റ്റ് വേളയില്‍ കുട്ടിയുടെ മുഖത്ത് പാടുകള്‍ കണ്ടിരുന്നു. തുടര്‍ന്ന് നടത്തിയ പോസ്റ്റുമോര്‍ട്ടത്തില്‍ ശ്വാസം മുട്ടിയാണ് കുട്ടി മരിച്ചതെന്ന് കണ്ടെത്തി.…

കൊച്ചി: മലങ്കര ഓർത്തഡോക്സ് സുറിയാനി സഭയിലെ യാക്കോബായ, ഓർത്തഡോക്സ് വിഭാഗങ്ങൾ തമ്മിലുള്ള സംഘർഷം വെള്ളിയാഴ്ച (ഡിസംബർ 20) രാത്രി തെരുവിലേക്ക് വ്യാപിച്ചു, ഒരു സംഘത്തിൻ്റെ ഭാഗമായിരുന്ന എറണാകുളം മുളന്തുരുത്തിയിൽ നിന്നുള്ള ഒരാളെ പോലീസ് കസ്റ്റഡിയിലെടുത്തു. മുളന്തുരുത്തി മാർത്തോമൻ പള്ളിയിൽ വെള്ളിയാഴ്ച പള്ളി പെരുന്നാളിൻ്റെ ഭാഗമായി നടത്തിയ ഘോഷയാത്രയ്ക്കിടെയുണ്ടായ അക്രമം തടയാൻ പോലീസ് ശ്രമിക്കുകയായിരുന്നു. ഘോഷയാത്ര നടത്തിപ്പുമായി ബന്ധപ്പെട്ട് ഉണ്ടാക്കിയിരുന്ന ധാരണ ലംഘിച്ചതാണ് ഇരുവിഭാഗങ്ങളും ഉന്നയിച്ചത്. പള്ളി വേദിയിൽ വെച്ച് പോലീസ് സംഘവുമായി ഏറ്റുമുട്ടിയ പന്ത്രണ്ടോളം പേരെ പോലീസ് തിരിച്ചറിഞ്ഞതായാണ് റിപ്പോർട്ട്. നിലവിലുള്ള സഭാ തർക്കത്തിൽ ചരിത്രപരമായ പള്ളി വിവാദപരമായ അവകാശവാദങ്ങളുടെ കേന്ദ്രമാണ്.

തിരുവനന്തപുരം: തിരുവനന്തപുരം നെയ്യാറ്റിൻകര ചെങ്കൽ യുപി സ്‌കൂളിലെ ഏഴാം ക്ലാസ് വിദ്യാർഥിനിക്ക് ക്ലാസ് മുറിയില്‍ വെച്ച് പാമ്പ് കടിയേറ്റു. ചെങ്കല്‍ ജയൻ നിവാസിൽ ഷിബുവിൻ്റെയും ബീനയുടെയും മകൾ നേഹ (12)യ്ക്കാണ് പാമ്പ് കടിയേറ്റത്. ഇന്നലെ ഉച്ചയ്ക്കാണ് ക്ലാസ് മുറിയില്‍ വെച്ച് സംഭവം നടന്നത്. സ്‌കൂൾ പരീക്ഷകൾ എല്ലാം കഴിഞ്ഞ് ഇന്നലെ ക്രിസ്മസ് അവധിക്ക് സ്‌കൂളുകൾ അടച്ച സമയത്ത് പല സ്കൂളുകളും ക്രിസ്മസ് ആഘോഷം സംഘടിപ്പിച്ചിരുന്നു. നെയ്യാറ്റിന്‍കര ചെങ്കല്‍ യുപി സ്‌കൂളിനും ഇന്നലെയായിരുന്നു ആഘോഷം. കുട്ടികളെല്ലാം ആഘോഷത്തിന്റെ ഭാഗമായുള്ള തയ്യാറെടുപ്പിലായിരുന്നു. ഇതിനിടെയാണ് കുട്ടിയെ പാമ്പ് കടിച്ചത്. കുട്ടിയുടെ വലതു കാല്‍പാദാത്തിലാണ് കടിയേറ്റത്. ഉടനെ കുട്ടി കുതറി മാറി. ഈ സമയം മറ്റു കുട്ടികളും അടുത്തുണ്ടായിരുന്നു. മറ്റ് കുട്ടികളെ പാമ്പ് ആക്രമിച്ചില്ല. പാമ്പിനെ സ്‌കൂള്‍ അധികൃതര്‍ കണ്ടെത്തി തല്ലിക്കൊന്നു. നേഹയെ സ്‌കൂള്‍ അധികൃതര്‍ ഉടന്‍ തന്നെ നെയ്യാറ്റിന്‍കര ജനറല്‍ ആശുപത്രിയില്‍…

വയനാട്: ബോബി ചെമ്മണ്ണൂര്‍ വയനാട്ടില്‍ വെച്ച് നടത്താനിരുന്ന ‘ബോച്ചെ സണ്‍ഡേ ന്യൂ ഇയര്‍ പാര്‍ട്ടി’ ഹൈക്കോടതി ഇടപെട്ട് തടഞ്ഞു. മേപ്പാടിയിലാണ് ‘ബോച്ചെ 1000 ഏക്കര്‍’ എന്ന സ്ഥലത്ത് ബോബി ചെമ്മണ്ണൂര്‍ സണ്‍ബേണ്‍ ന്യൂഇയര്‍ പാര്‍ട്ടി നടത്താന്‍ തീരുമാനിച്ചിരുന്നത്. എന്നാല്‍, പ്രദേശവാസികളുടെ പരാതിയില്‍ കേസെടുത്തതിനെത്തുടര്‍ന്നാണ് കോടതിയുടെ ഉത്തരവ്. ഈ വർഷം കേരളം ഏറ്റവും രൂക്ഷമായ ഉരുൾപൊട്ടൽ നേരിട്ട പ്രദേശത്തിനടുത്താണ് ബോച്ചെ പരിപാടി നടക്കേണ്ടിയിരുന്നത്. പതിനായിരക്കണക്കിന് ആളുകൾ പങ്കെടുക്കുന്ന ഒരു ന്യൂ ഇയർ പാർട്ടി ആയിരുന്നു അത്. എന്നാൽ സംഭവം അപകടകരമാണെന്നും ക്രമസമാധാനത്തെ ബാധിക്കുമെന്നും ചൂണ്ടിക്കാട്ടി വയനാട് ജില്ലാ ദുരന്തനിവാരണ അതോറിറ്റി ചെയർമാനായ കലക്ടർ ഇന്നലെ പരിപാടി നിർത്തിവെക്കാൻ ഉത്തരവിടുകയായിരുന്നു. ഇക്കാര്യം സ്‌പെഷ്യല്‍ ഗവ പ്ലീഡര്‍ കോടതിയെ അറിയിച്ചു. പരിപാടികള്‍ നടത്താന്‍ അനുമതി ഇല്ലെന്നും ഇതില്‍ പറയുന്നുണ്ട്. പരിപാടിക്ക് അനുമതി നല്‍കിയിട്ടില്ലെന്ന് പഞ്ചായത്തും കോടതിയെ അറിയിച്ചു. ദുരന്തസാധ്യത കണക്കിലെടുത്ത് നിരോധന…