Category: KERALA

എടത്വ: എടത്വ വികസന സമിതിയുടെ 2024-25 വർഷത്തേക്ക് തെരഞ്ഞെടുക്കപ്പെട്ട ഭാരവാഹികളുടെ ചുമതലയേല്‍ക്കുന്ന യോഗം എടത്വ സെന്റ് ജോർജ്ജ് മിനി ടൂറിസ്റ്റ് ഹാളിൽ നടന്നു. പ്രസിഡന്റ് ആന്റണി ഫ്രാൻസിസ് കട്ടപ്പുറം അദ്ധ്യക്ഷത വഹിച്ചു. ചടങ്ങില്‍ ജോൺസൺ എം. പോൾ പുതിയ ഭാരവാഹികൾക്ക് സത്യവാചകം ചൊല്ലിക്കൊടുത്തു. തുടർന്ന് നടന്ന യോഗത്തില്‍ പ്രസിഡന്റ് ഐസക്ക് എഡ്വേർഡ് അദ്ധ്യക്ഷത വഹിച്ചു. ജനറൽ സെക്രട്ടറി ഡോ. ജോൺസൺ വി ഇടിക്കുള, ട്രഷറർ കുഞ്ഞുമോൻ പട്ടത്താനം, വൈസ് പ്രസിഡന്റുമാരായ ജോർജ്ജ് തോമസ് കളപ്പുര, അഡ്വ. ഐസക്ക് രാജു, പി.ഡി രമേശ് കുമാർ, ടി. എൻ ഗോപകുമാർ, ജോയിന്റ് സെക്രട്ടറി ടോമിച്ചൻ കളങ്ങര, കമ്മിറ്റി അംഗം തോമസ് മാത്യൂ കൊഴുപ്പക്കളം, സ്ക്കറിയ കെ ജെ കണ്ണന്തറ, സാബു മാത്യു കളത്തൂർ എന്നിവർ പ്രസംഗിച്ചു. ഈ വർഷത്തെ പ്രവർത്തനോദ്ഘാടനം സെപ്റ്റംബർ 29ന് 4മണിക്ക് എടത്വ സെന്റ് ജോർജ്ജ് മിനി…

കൊച്ചി: കളമശ്ശേരി എച്ച്എംടി ജംഗ്ഷനിൽ ഓടിക്കൊണ്ടിരിക്കുന്ന സ്വകാര്യ ബസിനുള്ളിൽ കണ്ടക്ടർ കുത്തേറ്റു മരിച്ചു. കളമശ്ശേരി മെഡിക്കൽ കോളേജ് – കാക്കനാട് റൂട്ടിൽ സർവീസ് നടത്തുന്ന ഹിദായത്ത് അസ്ത്ര എന്ന ബസിലെ കണ്ടക്ടറും ഇടുക്കി രാജകുമാരി സ്വദേശിയുമായ അനീഷ് പീറ്റർ (34) ആണ് മരിച്ചത്. മുഖംമൂടി ധരിച്ചെത്തിയ അക്രമി ആക്രമണം നടന്നയുടൻ ഓടി രക്ഷപ്പെട്ടു. എന്നാൽ, കൊലപാതകവുമായി ബന്ധപ്പെട്ട് കളമശ്ശേരി സ്വദേശി മിനൂപ് ബിജുവിനെ പിന്നീട് കസ്റ്റഡിയിലെടുത്തു. വ്യക്തിപരമായ വൈരാഗ്യമാകാം കൊലപാതകത്തിന് പിന്നിലെന്നും ഭാരതീയ ന്യായ സംഹിത പ്രകാരം കൊലപാതക കുറ്റം ചുമത്തി കേസെടുത്തിട്ടുണ്ടെന്നും പോലീസ് വൃത്തങ്ങൾ അറിയിച്ചു. “ഉച്ചയ്ക്ക് 12.30 ഓടെ ബസ് കളമശ്ശേരി ജംഗ്ഷനിൽ എത്തിയപ്പോഴാണ് സംഭവം നടന്നത്. സ്‌കൂട്ടർ സമീപത്ത് പാർക്ക് ചെയ്‌ത് ബസ് കാത്തുനിന്ന ശേഷം അക്രമി അതിനുള്ളിൽ കടന്ന് ആസൂത്രിതമായി കുത്തുകയായിരുന്നു,” കളമശ്ശേരി പോലീസ് സ്റ്റേഷനിലെ പോലീസ് ഉദ്യോഗസ്ഥൻ പറഞ്ഞു. ആക്രമണം…