Category: WORLD

യെമന്‍: ഇസ്രായേൽ അധിനിവേശ പ്രദേശങ്ങളിലേക്ക് കടക്കുന്ന വ്യാപാര കപ്പലുകൾ സംരക്ഷിക്കുന്നതിനായി ചെങ്കടലിൽ യുഎസ് നേതൃത്വത്തിലുള്ള നാവിക ദൗത്യസേന രൂപീകരിക്കുന്നതിനെ യെമൻ പ്രതിരോധ മന്ത്രി അപലപിച്ചു. യെമൻ മണ്ണിലെ ഏത് ആക്രമണവും ഗുരുതരമായ പ്രത്യാഘാതങ്ങൾ ഉണ്ടാക്കുമെന്ന് പാശ്ചാത്യ സഖ്യത്തിന് മുന്നറിയിപ്പും നൽകി. “നിങ്ങളുടെ യുദ്ധക്കപ്പലുകളും അന്തർവാഹിനികളും വിമാനവാഹിനിക്കപ്പലുകളും മുക്കിക്കളയാൻ കഴിയുന്ന യുദ്ധോപകരണങ്ങളും സൈനിക ഉപകരണങ്ങളും ഞങ്ങളുടെ പക്കലുണ്ട്,” മേജർ ജനറൽ മുഹമ്മദ് അൽ-അതിഫി പറഞ്ഞു. യെമനെതിരെ എന്തെങ്കിലും നടപടിയെടുക്കാൻ സഖ്യം തീരുമാനിച്ചാൽ യെമൻ സായുധ സേന ചെങ്കടലിനെ യുഎസ് നേതൃത്വത്തിലുള്ള സഖ്യത്തിന്റെ ശ്മശാനമാക്കി മാറ്റുമെന്ന് അദ്ദേഹം പറഞ്ഞു. ബഹ്‌റൈൻ, കാനഡ, ഫ്രാൻസ്, ഇറ്റലി, നെതർലാൻഡ്‌സ്, നോർവേ, സീഷെൽസ്, സ്‌പെയിൻ, യുകെ എന്നിവയുൾപ്പെടെയുള്ള സഖ്യം രൂപീകരിക്കുമെന്ന് തിങ്കളാഴ്ച പെന്റഗൺ മേധാവി ലോയ്ഡ് ഓസ്റ്റിൻ പ്രഖ്യാപിച്ചിരുന്നു. അതേസമയം, യെമനിലെ അൻസറുല്ല പ്രതിരോധ പ്രസ്ഥാനം യുഎസ് നേതൃത്വത്തിലുള്ള സഖ്യത്തെ നേരിടാൻ പ്രതിജ്ഞയെടുത്തു. “യെമൻ…

ലോകമെമ്പാടുമുള്ള മനുഷ്യാവകാശങ്ങൾക്കായി വാഷിംഗ്ടൺ അവകാശവാദമുന്നയിക്കുമ്പോഴും വാഷിംഗ്ടൺ പ്രാപ്തമാക്കിയ “മനുഷ്യ അസ്തിത്വത്തിന്റെ ഉന്മൂലനമാണ്” ഗാസയിൽ സംഭവിക്കുന്നതെന്ന് ഇറാന്‍ രാഷ്ട്രീയകാര്യ ഡെപ്യൂട്ടി വിദേശകാര്യ മന്ത്രി പറഞ്ഞു. ക്രൂരമായ ഇസ്രായേലി യുദ്ധത്തിന് എല്ലാ പിന്തുണയും നല്‍കുന്ന അമേരിക്കക്കാർക്ക് ഇനി “മനുഷ്യാവകാശങ്ങളുടെ വക്താക്കൾ” എന്ന് അവകാശപ്പെടാനാവില്ലെന്ന് ചൊവ്വാഴ്ച ജപ്പാനിലെ പബ്ലിക് ബ്രോഡ്കാസ്റ്റർ എൻഎച്ച്കെയ്ക്ക് നൽകിയ അഭിമുഖത്തിൽ അലി ബാഗേരി കാനി പറഞ്ഞു. “അമേരിക്കക്കാർ മനുഷ്യാവകാശങ്ങൾക്കുവേണ്ടി വാദിക്കുന്നവരാണെന്ന് അവകാശപ്പെടുന്നു. എന്നാൽ, ഇന്ന് ഗാസയിൽ നടക്കുന്നത് മനുഷ്യാവകാശങ്ങളുടെ ലംഘനമല്ല, മറിച്ച് മനുഷ്യന്റെ അസ്തിത്വത്തിന്റെ ഉന്മൂലനമാണ്.അതിനാൽ, അമേരിക്കക്കാർക്ക് ഇനി ലോകത്തെവിടെയും മനുഷ്യാവകാശങ്ങളുടെ വക്താക്കളായി അവകാശപ്പെടാൻ കഴിയില്ല,” അദ്ദേഹം പറഞ്ഞു. “ഇന്ന് ഗാസയിൽ നമ്മൾ സാക്ഷ്യം വഹിക്കുന്നത് ഒരു സമ്പൂർണ്ണ വംശഹത്യയും മനുഷ്യരാശിക്കെതിരായ നഗ്നമായ കുറ്റകൃത്യവുമാണ്. ഗാസയിലെ ഒരു സൈനിക ലക്ഷ്യത്തിനും നേരെ ഇസ്രായേൽ ആക്രമണം നടത്തിയിട്ടില്ല. കാരണം, അവിടെ സൈനിക ലക്ഷ്യങ്ങളൊന്നുമില്ല. ഗാസയില്‍ പതിനായിരക്കണക്കിന് സാധാരണക്കാരെ ഇസ്രായേല്‍…

ലണ്ടൻ: ചെങ്കടലിലും ഏദൻ ഉൾക്കടലിലുമുള്ള കപ്പൽ ഗതാഗതം സംരക്ഷിക്കുന്നതിനായി ബ്രിട്ടീഷ് റോയൽ നേവി ഡിസ്ട്രോയർ പുതിയ അന്താരാഷ്ട്ര സമുദ്ര സംരക്ഷണ സേനയിൽ ചേർന്നതായി ലണ്ടനിലെ സർക്കാർ തിങ്കളാഴ്ച പ്രഖ്യാപിച്ചു. തിരക്കേറിയ ബാബ് അൽ-മണ്ടേബ് കടലിടുക്കിലെ വാണിജ്യ കപ്പലുകളിൽ ഇറാൻ പിന്തുണയുള്ള യെമൻ വിമതർ നടത്തുന്ന ആക്രമണങ്ങളെ തടയാൻ ശ്രമിക്കുന്ന ഓപ്പറേഷൻ പ്രോസ്പിരിറ്റി ഗാർഡിയൻ ടാസ്‌ക് ഫോഴ്‌സിന്റെ ഭാഗമാണ് HMS ഡയമണ്ട്. ഷിപ്പിംഗിനെ തടസ്സപ്പെടുത്തുന്ന ഹൂതി ഡ്രോൺ, മിസൈൽ ആക്രമണങ്ങൾക്ക് ബഹുരാഷ്ട്ര പ്രതികരണം വാഗ്ദാനം ചെയ്തുകൊണ്ട് തിങ്കളാഴ്ച 10-രാഷ്ട്രസഖ്യം അമേരിക്ക പ്രഖ്യാപിച്ചു. “ഈ നിയമവിരുദ്ധ ആക്രമണങ്ങൾ ആഗോള സമ്പദ്‌വ്യവസ്ഥയ്ക്ക് അസ്വീകാര്യമായ ഭീഷണിയാണ്, പ്രാദേശിക സുരക്ഷയെ തുരങ്കം വയ്ക്കുന്നു, ഇന്ധന വില വർദ്ധിപ്പിക്കുമെന്ന് ഭീഷണിപ്പെടുത്തുന്നു. ഇത് ഒരു അന്താരാഷ്ട്ര പ്രശ്നമാണ്, അതിന് ഒരു അന്താരാഷ്ട്ര പരിഹാരം ആവശ്യമാണ്. അതുകൊണ്ടാണ് എച്ച്എംഎസ് ഡയമണ്ട് ഓപ്പറേഷൻ പ്രോസ്പിരിറ്റി ഗാർഡിയനിൽ ചേർന്നത്,” യുകെ പ്രതിരോധ…

ഗാസ/ജറുസലേം: ഫലസ്തീനികളെ പിന്തുണയ്ക്കുന്നുവെന്ന് പറയുന്ന യെമനിലെ ഹൂതി വിമതരുടെ ആക്രമണങ്ങളിൽ നിന്ന് വാണിജ്യ കപ്പൽ ഗതാഗതം സംരക്ഷിക്കുന്നതിനായി തെക്കൻ ചെങ്കടലിലും ഏദൻ ഉൾക്കടലിലും സംയുക്തമായി പട്രോളിംഗ് നടത്താൻ നിരവധി രാജ്യങ്ങൾ സമ്മതിച്ചു. ബഹ്‌റൈൻ സന്ദർശനത്തിനിടെ യുഎസ് പ്രതിരോധ സെക്രട്ടറി ലോയ്ഡ് ഓസ്റ്റിൻ ചൊവ്വാഴ്ച നടത്തിയ പ്രസ്താവനയിൽ നിരവധി രാജ്യങ്ങൾ ഒരു അന്താരാഷ്ട്ര സേനയിൽ പങ്കെടുക്കുന്നതായി തിരിച്ചറിഞ്ഞു. ഹൂതി മിസൈലുകളും ഡ്രോണുകളും വെടിവെച്ച് വീഴ്ത്തി ആക്രമണത്തിനിരയായ വാണിജ്യ കപ്പലുകളുടെ സഹായത്തിനായി യു എസ് യുദ്ധക്കപ്പലുകൾ അടുത്ത ദിവസങ്ങളിൽ ചെയ്തത് പോലെ മറ്റു രാജ്യങ്ങളും ചെയ്യണമെന്ന് അവര്‍ പറഞ്ഞു. “ഇത് കൂട്ടായ പ്രവർത്തനം ആവശ്യപ്പെടുന്ന ഒരു അന്താരാഷ്ട്ര വെല്ലുവിളിയാണ്. അതുകൊണ്ട് ഇന്ന് ഞാൻ ഒരു സുപ്രധാന ബഹുരാഷ്ട്ര സുരക്ഷാ സംരംഭമായ ഓപ്പറേഷൻ പ്രോസ്പിരിറ്റി ഗാർഡിയൻ സ്ഥാപിക്കുന്നതായി പ്രഖ്യാപിക്കുന്നു,” ഓസ്റ്റിന്‍ പ്രസ്താവനയിൽ പറഞ്ഞു. യുണൈറ്റഡ് കിംഗ്ഡം, ബഹ്‌റൈൻ, കാനഡ, ഫ്രാൻസ്, ഇറ്റലി,…

ലണ്ടൻ: യു കെയിലെ ലോഫ്‌ബറോ സർവകലാശാലയിൽ പഠിക്കുന്ന ജിഎസ് ഭാട്ടിയ എന്ന ഇന്ത്യൻ വിദ്യാർത്ഥിയെ ഡിസംബർ 15 മുതൽ ഈസ്റ്റ് ലണ്ടനിൽ നിന്ന് കാണാതായി. ഭാരതീയ ജനതാ പാർട്ടി (ബിജെപി) നേതാവ് മഞ്ജീന്ദർ സിംഗ് സിർസ സംഭവത്തെക്കുറിച്ച് സോഷ്യൽ മീഡിയ പ്ലാറ്റ്‌ഫോമായ എക്‌സിൽ അറിയിക്കുകയും ഇത് വിദേശകാര്യ മന്ത്രി എസ് ജയശങ്കറിന്റെ ശ്രദ്ധയിൽപ്പെടുത്തുകയും ചെയ്തു. ഡിസംബർ 15 ന് ഈസ്റ്റ് ലണ്ടനിലെ കാനറി വാർഫിലാണ് ഭാട്ടിയയെ അവസാനമായി കണ്ടതെന്ന് സിർസ പറയുന്നു. വിദ്യാര്‍ത്ഥിയെ കണ്ടെത്താനുള്ള ശ്രമത്തിൽ ലഫ്‌ബറോ സർവകലാശാലയും ഇന്ത്യൻ ഹൈക്കമ്മീഷനും ചേരണമെന്നും അദ്ദേഹം ആവശ്യപ്പെട്ടു. “ലോഫ്ബറോ സർവകലാശാലയിലെ വിദ്യാർത്ഥിയായ ജിഎസ് ഭാട്ടിയയെ ഡിസംബർ 15 മുതൽ കാണാതായി. ഈസ്റ്റ് ലണ്ടനിലെ കാനറി വാർഫിലാണ് അവസാനമായി കണ്ടത്. @DrSJaishankar Ji യുടെ ശ്രദ്ധയിൽപ്പെടുത്തിക്കൊണ്ട് ഞങ്ങൾ @lborouniversity & @HCI_London അവനെ കണ്ടെത്താനുള്ള ശ്രമങ്ങളിൽ പങ്കുചേരുന്നു. നിങ്ങളുടെ സഹായം…

ഇസ്‌ലാമാബാദ്: കനത്ത പുകമഞ്ഞിനെ നേരിടാൻ പാക്കിസ്താന് സമ്മാനമായി യു.എ.ഇ നടത്തിയ ക്ലൗഡ് സീഡിംഗ് പരീക്ഷണത്തെത്തുടർന്ന് പാക്കിസ്താന്റെ കിഴക്കൻ നഗരമായ ലാഹോറിൽ ശനിയാഴ്ച കൃത്രിമ മഴ പെയ്തതായി പഞ്ചാബ് മുഖ്യമന്ത്രി മൊഹ്‌സിൻ നഖ്‌വി അറിയിച്ചു. സമീപ ആഴ്ചകളിൽ ലോകത്തിലെ ഏറ്റവും മലിനമായ നഗരങ്ങളിലൊന്നായി ലാഹോറിനെ തിരഞ്ഞെടുത്തതോടെ, പഞ്ചാബ് പ്രവിശ്യയിലെ ഇടക്കാല ഗവൺമെന്റിനെ സമ്മര്‍ദ്ദത്തിലാക്കിയിരുന്നു. സ്ഥിതിഗതികൾ നേരിടാൻ ആവശ്യമായ നടപടികൾ കൈക്കൊള്ളാൻ ഗവണ്മെന്റിനെ പ്രേരിപ്പിച്ചതാണ് കൃത്രിമ മഴ എന്ന ആശയം ഉടലെടുത്തതെന്ന് മുഖ്യമന്ത്രി പറഞ്ഞു. നഗരത്തിന്റെ നിരവധി പ്രധാന അയൽപക്കങ്ങൾ ഉൾപ്പെടുന്ന 10 മുതൽ 15 കിലോമീറ്റർ ചുറ്റളവിൽ പരീക്ഷണം വിജയിച്ചതായി പ്രഖ്യാപിക്കുന്നതിന് മുമ്പ്, നഖ്‌വിയും അദ്ദേഹത്തിന്റെ ഭരണകൂടവും യുഎഇയുടെ സഹായത്തോടെ കൃത്രിമ മഴ പെയ്യിക്കാനുള്ള ആശയം ആഴ്‌ചകളോളം ചര്‍ച്ച ചെയ്തു. “ഇന്ന്, ദൈവത്തിന്റെ കൃപയാൽ, പാക്കിസ്താനില്‍ ആദ്യത്തെ കൃത്രിമ മഴ പെയ്യിച്ചു,” അദ്ദേഹം ലാഹോറിൽ ഒരു വാർത്താ സമ്മേളനത്തിൽ…

ഉക്രെയ്ന്‍: ക്രെംലിൻ 21 മാസമായി തുടരുന്ന യുദ്ധത്തെ പിന്തുണച്ച റഷ്യയിലെ ഓർത്തഡോക്‌സ് സഭയുടെ തലവന്‍ പാത്രിയർക്കീസ് കിറിലിനെ സംഘട്ടനത്തിന് പ്രേരിപ്പിച്ചതായി ആരോപിച്ച് ഉക്രെയ്‌ന്‍ ആഭ്യന്തര മന്ത്രാലയം വെള്ളിയാഴ്ച വാണ്ടഡ് ലിസ്റ്റിൽ ഉൾപ്പെടുത്തി. കിറിലിനെ ‘വാണ്ടഡ് ലിസ്റ്റില്‍’ ഉള്‍പ്പെടുത്തുന്നത് “പ്രവചനാതീതമായ ഒരു നടപടിയാണ്” എന്ന് റഷ്യൻ സഭയിലെ ഒരു മുതിർന്ന ഉദ്യോഗസ്ഥൻ വാർത്താ ഏജൻസിയോട് പറഞ്ഞു. കിറിൽ ആ നടപടികളെ അപലപിക്കുകയും സഭയ്‌ക്കെതിരായ ഉക്രെയ്‌നിന്റെ നീക്കങ്ങൾ തടയാൻ ലോകമെമ്പാടുമുള്ള വൈദിക നേതാക്കളോട് അഭ്യർത്ഥിക്കുകയും ചെയ്തു. റഷ്യയുടെ സൈനിക, രാഷ്ട്രീയ നേതൃത്വത്തിന്റെ ഏറ്റവും അടുത്ത പരിവാരത്തിന്റെ ഭാഗമായി കിറിൽ ഉക്രേനിയൻ “പരമാധികാരം ലംഘിച്ചു” എന്ന് ഉക്രെയ്ന്‍ ആഭ്യന്തര മന്ത്രാലയം കഴിഞ്ഞ മാസം ഒരു രേഖ പുറത്തിറക്കിയിരുന്നു. മോസ്കോയുമായി ബന്ധപ്പെട്ട സഭയുടെ ശാഖയുമായി ബന്ധപ്പെട്ട പുരോഹിതന്മാർക്കും ഉദ്യോഗസ്ഥർക്കും എതിരെ രാജ്യദ്രോഹ കുറ്റം ഉൾപ്പെടെ ഡസൻ കണക്കിന് ക്രിമിനൽ കേസുകൾ ഉക്രെയ്ന്‍ സുരക്ഷാ…

സന: ചെങ്കടലിൽ രണ്ട് ചരക്ക് കപ്പലുകൾക്ക് നേരെയുണ്ടായ മിസൈൽ ആക്രമണത്തിന്റെ ഉത്തരവാദിത്തം യെമനിലെ ഹൂതി വിമതർ ഏറ്റെടുത്തു. “ഇസ്രായേലിലേക്ക് പോവുകയായിരുന്ന രണ്ട് കണ്ടെയ്നർ കപ്പലുകൾക്കെതിരെ ഞങ്ങൾ സൈനിക നടപടി നടത്തി” എന്ന് ഹൂതി സൈനിക വക്താവ് യെഹ്യ സരിയ വെള്ളിയാഴ്ച ഗ്രൂപ്പിന്റെ അൽ-മസിറ ടിവി സംപ്രേഷണം ചെയ്ത പ്രസ്താവനയിൽ പറഞ്ഞു, എംഎസ്‌സി അലന്യ, എംഎസ്‌സി പാലാറ്റിയം III എന്നീ കപ്പലുകളെ ലക്ഷ്യമാക്കിയാണ് ആക്രമണം നടത്തിയതെന്ന് സരിയ പറഞ്ഞു. രണ്ട് കപ്പലുകളുടെ ജീവനക്കാർ ഞങ്ങളുടെ നാവിക സേനയുടെ കോളുകളോട് പ്രതികരിക്കാൻ വിസമ്മതിച്ചതിനെ തുടർന്നാണ് ഓപ്പറേഷൻ നടന്നതെന്നും അദ്ദേഹം വ്യക്തമാക്കി. ഗാസ മുനമ്പിലേക്ക് കൂടുതൽ ഭക്ഷണവും മരുന്നുകളും അനുവദിക്കുന്നതുവരെ ഇസ്രായേലി തുറമുഖങ്ങളിലേക്ക് പോകുന്ന എല്ലാ കപ്പലുകളും തടയുന്നത് തന്റെ സംഘം തുടരുമെന്നും വക്താവ് കൂട്ടിച്ചേർത്തു. കഴിഞ്ഞ ദിവസം, സോഷ്യൽ മീഡിയ പ്ലാറ്റ്‌ഫോമായ X-ൽ, ബ്രിട്ടനിലെ മാരിടൈം ട്രേഡ് ഓപ്പറേഷൻസ് ഏജൻസി…