Month: August 2022

ഹൂസ്റ്റൺ : ഹൂസ്റ്റൺ സോവേഴ്സ് ഹാർവെസ്റ്റ് ഇവാൻജലിക്കൽ ചർച്ചിന്റെ ആഭിമുഖ്യത്തിൽ സഭയുടെ പ്രഥമ കൺവെൻഷൻ സെപ്റ്റംബർ മാസം 9, 10 തീയതികളിൽ (വെള്ളി, ശനി) സഭാ ദേവാലയത്തിൽ വച്ച് നടത്തപ്പെടും. യോഗങ്ങൾ വൈകുന്നേരം 7 മണിക്ക് ഗാനശൂശ്രുഷൂയോടുകൂടി ആരംഭിക്കും. ലോക പ്രസിദ്ധ കൺവെൻഷൻ പ്രസംഗകൻ റവ.ഡോ. പി.ജി വർഗീസ് ( ന്യൂഡൽഹി ) ദൈവവചന ശുശ്രൂഷയ്ക്ക് നേതൃത്വം നൽകും. ഇന്ത്യൻ ഇവാൻജലിക്കൽ ടീമിന്റെ സ്ഥാപകനും പ്രസിദ്ധ സുവിശേഷ പ്രവർത്തകനുമായ അദ്ദേഹം വടക്കേ ഇന്ത്യ ഉൾപ്പെടെ വിവിധ മിഷൻ ഫീൽഡുകൾക്ക് നേതൃത്വം നൽകി വരുന്നു. ഹുസ്റ്റൺ പ്രദേശത്തു അനുഗ്രഹിക്കപ്പെട്ട ഒരു കൂട്ടായ്മയായി കഴിഞ്ഞ 40 വർഷത്തിൽ പരം ദൈവവേലയിൽ ആയിരിക്കുന്ന റവ. കെ.ബി കുരുവിളയാണ് ഈ സഭക്ക് നേതൃത്വം നൽകുന്നത്. ഈ സഭയുടെ ആരംഭം മുതൽ അച്ചനും കുടുംബവും ഇടവകയ്ക്ക് ശക്തമായ നേതൃത്വം നൽകി വരുന്നു. ഇവിടെ സഭയിൽ…

ഗുരുവായൂർ: പി. അനിലിന്റെ, ‘ഇടവഴിയിലെ പടവുകൾ’ എന്ന കവിതാ സമാഹാരത്തിൻറെ പ്രകാശനവും അന്തരിച്ച സാഹിത്യകാരി ഗീതാ ഹിരണ്യനെകുറിച്ചുള്ള അനുസ്മരണവും ഗുരുവായൂർ കെ. ദാമോദരൻ ഓഡിറ്റോറിയത്തിൽ സംഘടിപ്പിച്ചു. മകരം ബുക്സ് പബ്ലിഷ് ചെയ്ത പുസ്തകം ഗുരുവായൂർ ദേവസ്വം ബോർഡ് ചെയർമാൻ ഡോ. വി. കെ. വിജയൻ കെ. ടി. ഡി. സി. മുൻ ഡയറക്ടർ പി. ഗോപിനാഥന് നൽകിയാണ് പ്രകാശനം ചെയ്തത്. ഗീതാ ഹിരണ്യൻറെ പേരിലുള്ള സാഹിത്യ പുരസ്കാരം നവ എഴുത്തുകാരി ബദരിക്ക് ചടങ്ങിൽ സമ്മാനിച്ചു. ‘ഗീതാ ഹിരണ്യൻ അനുസ്മരണം’, കവിയും ചലച്ചിത്ര സംവിധായകനുമായ സതീഷ് കളത്തിൽ നിർവ്വഹിച്ചു. സ്ത്രീകൾ അനുഭവിക്കുന്ന ദുരവസ്ഥ അവഗണനയാണെന്നും അകത്തുള്ള പുരുഷനായാലും പുറത്തുള്ള പുരുഷനായാലും സ്ത്രീക്കു നേരെയുള്ള ഇത്തരം മനോഭാവങ്ങൾക്ക് എക്കാലത്തും ഒരേ മുഖമാണെന്നും ഗീതാ ഹിരണ്യൻറെ ‘സുഖം’ എന്ന കവിതയെ ആസ്പദമാക്കി സതീഷ് പറഞ്ഞു. മകരം ബുക്സ് ചീഫ് എഡിറ്റർ കെ.കെ.ബാബു…

കൊച്ചി: കേരള സര്‍ക്കാരിന്റെ ബഫര്‍സോണ്‍ റിവ്യൂ ഹര്‍ജി ഒരിക്കലും കരകയറാനാവാത്ത ചതിക്കുഴിയിലേയ്ക്ക് മലയോരജനതയെ തള്ളിവിടുന്ന കെണിയാണ് ഒരുക്കിയിരിക്കുന്നതെന്ന് രാഷ്ട്രീയ കിസാന്‍ മഹാസംഘ് സൗത്ത് ഇന്ത്യാ കണ്‍വീനര്‍ അഡ്വ. വി.സി.സെബാസ്റ്റിയന്‍ പറഞ്ഞു. ജൂണ്‍ 3ലെ സുപ്രീം കോടതിയുടെ ബഫര്‍സോണ്‍ വിധിക്കെതിരെ റിവ്യൂ ഹര്‍ജി നല്‍കുമെന്ന് സംസ്ഥാന സര്‍ക്കാര്‍ പ്രഖ്യാപിച്ചപ്പോള്‍ പ്രശ്‌നബാധിതപ്രദേശങ്ങളിലെ ജനങ്ങള്‍ക്ക് പ്രതീക്ഷയുണ്ടായിരുന്നു. എന്നാല്‍ വനംവകുപ്പ് തയ്യാറാക്കി സംസ്ഥാനത്തെ പ്രതിനീധീകരിച്ച് ചീഫ് സെക്രട്ടറി സമര്‍പ്പിച്ചിരിക്കുന്ന റിവ്യൂ ഹര്‍ജിയില്‍ മലയോരജനതയെ കയ്യേറ്റക്കാരായി ചിത്രീകരിച്ചിരിക്കുന്നത് ജനജീവിതത്തിന് വന്‍പ്രതിസന്ധിയാണ് ക്ഷണിച്ചുവരുത്തുന്നത്. വസ്തുതവിരുദ്ധത നിറഞ്ഞ പരാമര്‍ശങ്ങളും 2019 ഒക്‌ടോബറിലെ 1 കിലോമീറ്റര്‍ ബഫര്‍സോണ്‍ പ്രഖ്യാപിച്ച മന്ത്രിസഭാതീരുമാനവും തുടര്‍ ഉത്തരവുകളും റിവ്യൂ ഹര്‍ജിയില്‍ ഉള്‍ക്കൊള്ളിച്ചിരിക്കുമ്പോള്‍ ജൂണ്‍ 3ലെ സുപ്രീം കോടതിവിധി വീണ്ടും ശരിവയ്ക്കുന്നതായി മാറും. റിവ്യൂ ഹര്‍ജി നല്‍കിയെന്ന് പ്രചരിപ്പിച്ച് കര്‍ഷക പ്രതിഷേധങ്ങളെയും പ്രക്ഷോഭങ്ങളെയും ഇല്ലാതാക്കാനുള്ള കുതന്ത്രമാണ് സര്‍ക്കാര്‍ സ്വീകരിച്ചിരിക്കുന്നത്. സുപ്രീം കോടതി വിധിച്ചിരിക്കുന്ന 1…

ആറ് മാസമായി തുടരുന്ന റഷ്യ-ഉക്രെയ്ന്‍ സംഘർഷം അവസാനിപ്പിക്കാൻ ലക്ഷ്യമിട്ടുള്ള ചർച്ചകൾക്ക് അവരെ ഒരുമിച്ച് കൊണ്ടുവരുന്നത് ബുദ്ധിമുട്ടാണെന്ന് ഇന്തോനേഷ്യൻ പ്രസിഡന്റ് ജോക്കോ വിഡോഡോ. ജൂണിൽ താന്‍ ഉക്രേനിയൻ-റഷ്യൻ എതിരാളികളുമായി കൂടിക്കാഴ്ച നടത്തിയപ്പോൾ അതിനു ശ്രമിച്ചതായി അദ്ദേഹം പറഞ്ഞു. വൈരുദ്ധ്യമുള്ള രാജ്യങ്ങളിൽ സമാധാനം സ്ഥാപിക്കുന്നതിനുള്ള ദൗത്യത്തിന്റെ ഭാഗമായി മോസ്കോയിൽ റഷ്യൻ പ്രസിഡന്റ് വ്‌ളാഡിമിർ പുടിനെ കാണുന്നതിന് മുമ്പ് വിഡോഡോ കൈവിൽ വെച്ച് ഉക്രെയ്ൻ പ്രസിഡന്റ് വോളോഡിമർ സെലെൻസ്‌കിയുമായി കൂടിക്കാഴ്ച നടത്തിയിരുന്നു. “ഞാൻ ഉക്രെയ്നിലേക്കും റഷ്യയിലേക്കും പോയപ്പോൾ, സംഭാഷണത്തിന് തുടക്കമിടാന്‍ ഞാൻ ശരിക്കും ആഗ്രഹിച്ചു. പക്ഷേ, പ്രായോഗികമായി പ്രസിഡന്റ് സെലെൻസ്‌കിയെയും പുടിനെയും ചർച്ചാ മേശയിലേക്ക് കൊണ്ടുവരുന്നത് ബുദ്ധിമുട്ടാണെന്ന് ഞാൻ മനസ്സിലാക്കി,” കിഴക്കൻ ജക്കാർത്തയിൽ നടന്ന ഇന്തോനേഷ്യൻ ചേംബർ ഓഫ് കൊമേഴ്‌സ് ആൻഡ് ഇൻഡസ്ട്രി പരിപാടിയിൽ വിഡോഡോ പറഞ്ഞു. ഇരു നേതാക്കളുമായും നാല് മണിക്കൂർ ചെലവഴിച്ചിട്ടും, സമാധാനം സ്ഥാപിക്കാനുള്ള തങ്ങളുടെ ശ്രമങ്ങൾ പരാജയപ്പെട്ടതിനെത്തുടർന്ന്…

ലണ്ടൻ: റഷ്യക്കാർക്കുള്ള വിസ നിരോധനം എന്ന ആശയം യുകെ പ്രതിരോധ സെക്രട്ടറി ബെൻ വാലസ് സ്ഥിരീകരിച്ചു. എന്നാല്‍, വിസ നിരോധനത്തിനു പകരം വ്യവസ്ഥകള്‍ കര്‍ശനമാക്കുമെന്ന് അദ്ദേഹം പറഞ്ഞു. “വിസകളുടെ വ്യവസ്ഥകൾ കർശനമാക്കാൻ കഴിയുമെന്ന് ഞാൻ തീർച്ചയായും കരുതുന്നു. പക്ഷെ, പൂർണ്ണമായ നിരോധനം ശരിയായ വഴിയാണോ എന്ന് എനിക്ക് ഉറപ്പില്ല. ഇത് ആഭ്യന്തര സെക്രട്ടറി കൈകാര്യം ചെയ്യെണ്ട കാര്യമാണെന്ന് ഞാൻ വിശ്വസിക്കുന്നു,” അദ്ദേഹം പ്രസ്താവനയില്‍ പറഞ്ഞു. റഷ്യ ക്രിമിയ ആക്രമിച്ച് ബലമായി പിടിച്ചടക്കിയ 2014 മുതലാണ് ഈ പ്രശ്‌നം ആരംഭിച്ചതെന്ന് താന്‍ വിശ്വസിക്കുന്നതായി അദ്ദേഹം പറഞ്ഞു. അതേസമയം ചില രാജ്യങ്ങൾ സാധാരണ നിലയിൽ ജീവിതം മുന്നോട്ട് കൊണ്ടുപോകാൻ അനുവദിച്ചു. ഉക്രെയ്നുമായുള്ള റഷ്യയുടെ നിരന്തരമായ സംഘർഷത്തിന് മറുപടിയായി, നിരവധി യൂറോപ്യൻ രാജ്യങ്ങൾ റഷ്യൻ ടൂറിസ്റ്റ് വിസകളിൽ പരിമിതികൾ നീട്ടിയിട്ടുണ്ട്. റഷ്യൻ പൗരന്മാർക്ക് വിസ നൽകുന്നത് താൽക്കാലികമായി നിർത്തിവയ്ക്കുമെന്നും ബിസിനസ്, വിനോദസഞ്ചാരം,…

തൃശൂർ: കരുവന്നൂർ ബാങ്ക് തട്ടിപ്പുമായി ബന്ധപ്പെട്ടുണ്ടായ പ്രതിസന്ധിക്ക് താത്ക്കാലിക പരിഹാരം. കരുതല്‍ ധനത്തില്‍ നിന്ന് 10 കോടി രൂപ സർക്കാർ അനുവദിച്ചു. ഇത് താത്കാലിക ആശ്വാസം മാത്രമാണെന്നും ശാശ്വത പരിഹാരത്തിന് വഴിയൊരുക്കുമെന്നും മന്ത്രി വി.എൻ. വാസവൻ അറിയിച്ചു. കഴിഞ്ഞ ദിവസം ബാങ്കിലും തട്ടിപ്പ് നടത്തിയവരുടെ വീടുകളിലും എൻഫോഴ്സ്മെന്റ് ഡയറക്ടറേറ്റ് റെയ്ഡ് നടത്തിയിരുന്നു. ഇതിന്റെ അടിസ്ഥാനത്തില്‍ കേന്ദ്രഡയറക്ടറേറ്റിന് ഇഡി റെയ്ഡിന്റെ വിശദാംശങ്ങളടങ്ങിയ റിപ്പോര്‍ട്ട് നല്‍കിയിട്ടുണ്ട്. ബാങ്കില്‍ 15 വര്‍ഷത്തിലധികമായി ക്രമക്കേട് നടക്കുകയാണെന്നും ഭരണസമിതിയുടെ ഭാഗമായിരുന്ന മൂന്ന് പേര്‍ മാപ്പുസാക്ഷികളാകാന്‍ സന്നദ്ധത പ്രകടിപ്പിച്ചിട്ടുണ്ടെന്നും റിപ്പോര്‍ട്ടില്‍ പറയുന്നു. റെയ്ഡുമായി ബന്ധപ്പെട്ട കൂടുതൽ രേഖകളും മൊഴികളും റിപ്പോർട്ടിനൊപ്പം ചേർത്തിട്ടുണ്ട്. പ്രതികൾ നൽകിയ മൊഴിയുടെ അടിസ്ഥാനത്തിൽ സിറ്റിംഗ് മന്ത്രിയിൽ നിന്നും മൊഴിയെടുക്കണമെന്നാണ് ഇഡി പറയുന്നത്. അസിസ്റ്റന്റ് ഡയറക്ടർ രത്നകുമാറിന്റെ നേതൃത്വത്തിലുള്ള സംഘം തുടർനടപടികൾക്കായി ഡൽഹിയിൽ നിന്നുള്ള തീരുമാനത്തിനായി കാത്തിരിക്കുകയാണ്.

ന്യൂഡൽഹി: കടക്കെണിയില്‍ പെട്ട് നട്ടം തിരിയുന്ന കെഎസ്ആർടിസിക്ക് സുപ്രീം കോടതിയുടെ പ്രഹരം. വാഹനാപകടത്തില്‍ പെടുന്നവര്‍ക്ക് ഇന്‍ഷ്വറന്‍സ് തുക നല്‍കുന്നതിനെ സംബന്ധിച്ചുള്ള വിഷയത്തില്‍ സത്യവാങ്മൂലം നല്‍കാന്‍ പല തവണ ആവശ്യപ്പെട്ടിട്ടും നല്‍കാത്തതിനാണ് 50,000 രൂപ പിഴ ചുമത്തിയത്. ഇന്ന് പിഴയടച്ചില്ലെങ്കിൽ ചീഫ് സെക്രട്ടറി സുപ്രീം കോടതിയിൽ നേരിട്ട് ഹാജരായി വിശദീകരണം നൽകണമെന്നും കോടതി ഉത്തരവിട്ടു. വാഹനാപകടത്തിൽ ഇരയായവർക്കുള്ള ഇൻഷുറൻസ് തുക വൈകുന്നത് ഒഴിവാക്കാൻ സ്ഥിരം കോർപ്പസ് ഫണ്ട് രൂപീകരിക്കണമെന്നും ഇക്കാര്യം സത്യവാങ്മൂലത്തിൽ അറിയിക്കണമെന്നും സുപ്രീം കോടതി നിർദേശിച്ചിരുന്നു. എന്നാല്‍, കേരളമുള്‍പ്പെടെ പല സംസ്ഥാനങ്ങളും മറുപടി നല്‍കിയിട്ടില്ല. മറുപടി നല്‍കിയ സംസ്ഥാനങ്ങള്‍ക്ക് പതിനായിരം രൂപയും നല്‍കാത്തവര്‍ക്ക് അമ്പതിനായിരവുമാണ് പിഴ. സത്യവാങ്മൂലം വൈകിപ്പിച്ച ഉദ്യോഗസ്ഥനില്‍ നിന്ന് പിഴത്തുക ഈടാക്കാനാണ് സുപ്രീംകോടതി പറഞ്ഞിരിക്കുന്നത്. എന്നാൽ, ഉത്തരവാദപ്പെട്ട ഉദ്യോഗസ്ഥനെ കണ്ടെത്താനാകാത്തതിനാൽ കെഎസ്ആർടിസി ഫണ്ടിൽ നിന്ന് പണം പിൻവലിക്കാൻ ഗതാഗത വകുപ്പ് തീരുമാനിച്ചു. പക്ഷേ ഉദ്യോഗസ്ഥന്‍…