Month: August 2022

കൊച്ചി: ഇന്ത്യയിലെ ഏറ്റവും വലിയ വ്യാപാര ശ്രൃംഖലയായ റിലയന്‍സ് റീട്ടെയില്‍ കേരളത്തിലെ ആദ്യത്തെ അവാന്ത്ര ബൈ ട്രെന്‍ഡ്‌സ് സ്റ്റോർ കൊച്ചിയില്‍ പ്രവര്‍ത്തനം ആരംഭിച്ചു. പ്രശസ്ത മലയാള സിനിമാതാരം അനു സിതാര ഷോറൂം ജനങ്ങള്‍ക്കായി തുറന്ന് കൊടുത്തു. ഇടപ്പള്ളിയിലെ ഒബെറോണ്‍ മാളിലാണ് അവാന്ത്ര ബൈ ട്രെന്‍ഡ്‌സ് സ്റ്റോര്‍ തുടങ്ങിയരിക്കുന്നത്. 5000 ചതുരശ്ര അടി വിസ്തൃതിയിലാണ് സ്റ്റോര്‍ രൂപകൽപ്പന ചെയ്തിട്ടുള്ളത്. മികച്ച അന്തരീക്ഷം, സെല്‍ഫ് സര്‍വീസിനുള്ള സംവിധാനങ്ങള്‍ തുടങ്ങി അതിനൂതനവും അങ്ങേയറ്റം ഉപഭോക്തൃ സൗഹൃദപരവുമായ ഒരു വാണിജ്യ അനുഭവംഭവമാണ് ഇവിടെ ഒരുക്കിയിട്ടുള്ളത്. സമകാലിക ഇന്ത്യന്‍ വനിതകളുടെ ഷോപ്പിംഗ് അനുഭവം പുനര്‍ നിര്‍വചിക്കുന്ന തരത്തിലുള്ള സാരി ഡ്രേപ്പ് സ്റ്റൈലിംഗ് സ്റ്റേഷന്‍, ബ്ലൗസ് സ്റ്റിച്ചിംഗ്, സാരി ഫിനിഷിംഗ്, ടെയ്ലറിംഗ് സേവനങ്ങള്‍ എന്നിവ ഇവിടെ സജ്ജമാക്കിയിട്ടുണ്ട്. ഇന്ത്യയുടെ തനതു പാരമ്പര്യവും സംസ്‌കാരവും, പൈതൃകവും വിലമതിക്കുന്ന 25നും 40നുമിടയ്ക്ക് പ്രായമുള്ള സമകാലിക ഇന്ത്യന്‍ സ്ത്രീക്ക് മാത്രമായി…

കാസർകോട്: ഇന്ത്യൻ ദേശീയ പ്രസ്ഥാനത്തിന്റെ സുപ്രധാന പോരാട്ടഭൂമിയായിരുന്നു കാഞ്ഞങ്ങാട്. ഇതിന്റെ ഭാഗമായി കാഞ്ഞങ്ങാട് തന്നെ ദേശീയ വിദ്യാഭ്യാസ പ്രചരണ കേന്ദ്രമായി മാറി. ഈ ലക്ഷ്യം നിറവേറ്റുന്നതിനായി വെള്ളിക്കോത്ത് പ്രദേശത്ത് വിജ്ഞാനദായിനി നാഷണൽ സ്കൂൾ സ്ഥാപിച്ചു. 1926ൽ വിദ്വാൻ പി കേളുനായർ സ്ഥാപിച്ച ഈ സംസ്‌കൃത വിദ്യാലയത്തിലെ വിദ്യാർത്ഥികളായിരുന്നു പിന്നീട് സ്വാതന്ത്ര്യ സമര സേനാനികളായി മാറിയ കേരളീയൻ, കെ മാധവൻ, ഗാന്ധി കൃഷ്ണൻ നായർ തുടങ്ങിയവര്‍. ഗാന്ധിജി വിഭാവനം ചെയ്ത നാഷണൽ സ്‌കൂളിന്റെ മാതൃകയിൽ കാഞ്ഞങ്ങാട്ടും വിജ്ഞാനദായിനി സ്ഥാപിച്ചു. വെള്ളിക്കോത്ത് വിദ്വാൻ പി കേളുനായർ സ്ഥാപിച്ച ഈ ദേശീയ വിദ്യാലയം സ്വാതന്ത്ര്യ സമരചരിത്രം വിളിച്ചോതുന്നു. അന്ന് യോഗങ്ങൾ നടന്നിരുന്ന ആൽമരം ഇപ്പോഴും പ്രദേശത്ത് തലയുയർത്തി നിൽക്കുന്നു. ചരിത്രങ്ങൾ ചിത്രങ്ങളായി ചുമരിൽ ഇടം പിടിച്ചിരിക്കുന്നു. 1926 ഏപ്രിൽ 17-ന് എ.സി.കണ്ണൻ നായർ തറക്കല്ലിടുകയും അതേ വർഷം തന്നെ വിദ്യാലയം പ്രവർത്തനമാരംഭിക്കുകയും…

മെയ്‌വില്ലെ (ന്യൂയോര്‍ക്ക്): ന്യൂയോർക്കിലെ അപ്‌സ്‌റ്റേറ്റിൽ ചെറു പട്ടണമായ ചൗതൗക്വയില്‍ പ്രഭാഷണം നടത്താൻ തയ്യാറെടുക്കുന്നതിനിടെ കുത്തേറ്റ “ദ സാത്താനിക് വേഴ്‌സ്” രചയിതാവ് സൽമാൻ റുഷ്ദിയെ ശനിയാഴ്ച വെന്റിലേറ്ററിൽ നിന്ന് മാറ്റി. ഗുരുതരമായി പരിക്കേറ്റ അദ്ദേഹം ആശുപത്രിയിൽ തുടരുകയായിരുന്നു. എന്നാൽ, സഹ എഴുത്തുകാരനായ ആതിഷ് തസീര്‍ റുഷ്ദിയെ വെന്റിലേറ്ററില്‍ നിന്ന് മാറ്റിയ വിവരം ശനിയാഴ്ച വൈകീട്ട് ട്വീറ്റ് ചെയ്തു. അദ്ദേഹത്തിന് സംസാരിക്കാന്‍ കഴിയും എന്നും തസീര്‍ പറഞ്ഞു. കൂടുതൽ വിവരങ്ങൾ നൽകാതെ റുഷ്ദിയുടെ ഏജന്റ് ആൻഡ്രൂ വൈലിയും വിവരം സ്ഥിരീകരിച്ചു. ലാഭേച്ഛയില്ലാതെ പ്രവര്‍ത്തിക്കുന്ന, റിട്രീറ്റ് സെന്ററായ ചൗതൗക്വാ ഇൻസ്റ്റിറ്റ്യൂഷനിൽ വെള്ളിയാഴ്ചയാണ് റുഷ്ദിയെ ആക്രമിച്ചത്. സൽമാൻ റുഷ്‌ദിയുടെ കൈയിലെ ഞരമ്പുകൾ ഛേദിക്കപ്പെട്ടുവെന്നും കരളിന് ക്ഷതം സംഭവിച്ചതായും ഒരു കണ്ണ് നഷ്‌ടപ്പെടാൻ സാധ്യതയുണ്ടെന്നും അദ്ദേഹത്തിന്‍റെ ഏജന്‍റ് പറഞ്ഞു. റുഷ്‌ദിയെ ആക്രമിച്ച ന്യൂജേഴ്‌സിയിലെ ഫെയർഫീൽഡിൽ നിന്നുള്ള ഹാദി മതർ എന്ന 24കാരനെ പൊലീസ് സംഭവ…

വാഷിംഗ്ടൺ: ചൈനയും അമേരിക്കയും തമ്മിലുള്ള വ്യാപാര തർക്കം രൂക്ഷമാകുന്നു. യുഎസ് നിരീക്ഷണത്തിലുള്ള അഞ്ച് ചൈനീസ് കമ്പനികൾ ന്യൂയോർക്ക് സ്‌റ്റോക്ക് എക്‌സ്‌ചേഞ്ചിൽ നിന്ന് ഒഴിവാക്കിയേക്കും. ഈ ചൈനീസ് സർക്കാർ ഉടമസ്ഥതയിലുള്ള കമ്പനികളുടെ ഓഡിറ്റുകൾ യുഎസ് സെക്യൂരിറ്റീസ് റെഗുലേറ്ററിന്റെ സൂക്ഷ്മപരിശോധനയ്ക്ക് വിധേയമായതിന് ശേഷമാണ് പുതിയ റിപ്പോർട്ടുകൾ. ചൈന ലൈഫ് ഇൻഷുറൻസ്, അലൂമിനിയം കോർപ്പറേഷൻ ഓഫ് ചൈന, പെട്രോ ചൈന, സിനോപെക്, സിനോപെക് ഷാങ്ഹായ് പെട്രോകെമിക്കൽ കമ്പനി എന്നിവയാണ് ഈ അഞ്ച് സ്ഥാപനങ്ങൾ. ഇവയുടെ ഷെയറുകള്‍ അമേരിക്കന്‍ സ്റ്റോക്ക് എക്സ്ചേഞ്ചില്‍ നിന്നും പിന്‍മാറാനുള്ള തങ്ങളുടെ അപേക്ഷ ഈ മാസം തന്നെ നല്‍കുമെന്ന് അധികൃതര്‍ വ്യക്തമാക്കി. അതേസമയം ദേശീയ സുരക്ഷാ പ്രശ്‌നങ്ങള്‍ ചൂണ്ടിക്കാട്ടി ഇത്തരം സ്ഥാപനങ്ങളില്‍ നിന്ന് ഓഡിറ്റ് രേഖകളുടെ പരിശോധന നടത്തുന്നത് ബീജിംഗ് വിലക്കുന്നുണ്ട്. ‘ഈ സ്ഥാപനങ്ങള്‍ യുഎസില്‍ ലിസ്റ്റ് ചെയ്തത് മുതല്‍ യുഎസ് മൂലധന വിപണിയുടെ നിയമങ്ങളും നിയന്ത്രണ ആവശ്യകതകളും…

വാഷിംഗ്ടണ്‍: മുൻ പ്രസിഡന്റ് ഡൊണാൾഡ് ട്രംപിന്റെ ഫ്ലോറിഡയിലെ മാന്‍ഷനില്‍ തിങ്കളാഴ്ച റെയ്ഡ് നടത്തിയ എഫ്ബിഐ ഏജന്റുമാർ 11 സെറ്റ് രഹസ്യരേഖകൾ പിടിച്ചെടുത്തു. അവയില്‍ ചിലത് അതീവരഹസ്യമായി അടയാളപ്പെടുത്തിയത് ഉൾപ്പെടെയുള്ള രേഖകളാണെന്ന് യു എസ് ജസ്റ്റിസ് ഡിപ്പാര്‍ട്ട്മെന്റ് പ്രസ്താവനയില്‍ പറയുന്നു. പാം ബീച്ചിലെ ട്രംപിന്റെ മാർ-എ-ലാഗോ വസതിയിൽ ഏജന്റുമാർ പരിശോധന നടത്തി നാല് ദിവസത്തിന് ശേഷം പുറത്തുവിട്ട, യുഎസ് മജിസ്‌ട്രേറ്റ് ജഡ്ജി അംഗീകരിച്ച, സെർച്ച് വാറന്റിലും അനുബന്ധ രേഖകളിലുമാണ് ഞെട്ടിപ്പിക്കുന്ന വെളിപ്പെടുത്തലുകൾ നടത്തിയത്. രണ്ട് മാസം മുമ്പ് നടന്ന പ്രസിഡന്റ് തെരഞ്ഞെടുപ്പിൽ ഡെമോക്രാറ്റിക് പാർട്ടി എതിരാളി ജോ ബൈഡനോട് പരാജയപ്പെട്ടതിന് ശേഷം 2021 ജനുവരിയിൽ ട്രംപ് അധികാരം വിട്ടപ്പോൾ നിയമവിരുദ്ധമായി രേഖകൾ നീക്കം ചെയ്തോ എന്ന ഫെഡറൽ അന്വേഷണത്തിന്റെ ഭാഗമായാണ് ചാരവൃത്തി നിയമപ്രകാരം തിരച്ചിൽ നടത്തിയത്. വാറണ്ട് അപേക്ഷയിൽ ഉദ്ധരിച്ച മൂന്ന് നിയമങ്ങളിൽ ഒന്നായ ചാരവൃത്തി നിയമം 1917-ലേതാണ്.…