ന്യൂഡൽഹി: ഇറാനിലെ ഷിറാസിലെ ഷാ-ഇ-ചെറാഗ് ദേവാലയത്തിലുണ്ടായ ഭീകരാക്രമണത്തെ ഇന്ത്യ ശക്തമായി അപലപിച്ചു. ഇരകളുടെ കുടുംബങ്ങളോടും ഇറാനിലെ ജനങ്ങളോടും ഞങ്ങൾ അഗാധമായ അനുശോചനം രേഖപ്പെടുത്തുന്നു,” വിദേശകാര്യ മന്ത്രാലയം പത്രക്കുറിപ്പില്‍ അറിയിച്ചു. ഇറാനിലെ ഷിറാസ് നഗരത്തിലെ ഷാ ചെറാഗ് ദേവാലയത്തിന് നേരെ നടന്ന സായുധ ആക്രമണത്തിൽ 15 പേർ കൊല്ലപ്പെടുകയും 40 പേർക്ക് പരിക്കേൽക്കുകയും ചെയ്തു. “അന്താരാഷ്ട്ര സമാധാനത്തിനും സുരക്ഷയ്ക്കും ഏറ്റവും വലുതും നിർണായകവുമായ ഭീഷണിയായി തീവ്രവാദം തുടരുന്നുവെന്നതിന്റെ മറ്റൊരു ഓർമ്മപ്പെടുത്തലാണ് ഈ ഹീനമായ ആക്രമണം, ലോക രാജ്യങ്ങൾ തീവ്രവാദത്തെ അതിന്റെ എല്ലാ രൂപങ്ങളിലും പ്രകടനങ്ങളിലും ഒന്നിച്ച് ചെറുക്കേണ്ടത് കാലഘട്ടത്തിന്റെ ആവശ്യമാണ്,” വിദേശകാര്യ മന്ത്രാലയം കൂട്ടിച്ചേർത്തു. ഷിറാസിലെ ഷാ ചെരാഗ് ദേവാലയത്തെ ലക്ഷ്യമിട്ട് വൈകിട്ട് 5:45 ഓടെയാണ് (പ്രാദേശിക സമയം) അക്രമികൾ ആക്രമണം നടത്തിയത്. തങ്ങളുടെ ടെലിഗ്രാം ചാനലിലെ പ്രസ്താവനയിൽ ഐഎസ്ഐഎൽ (ഐഎസ്ഐഎസ്) ആക്രമണത്തിന്റെ ഉത്തരവാദിത്തം ഏറ്റെടുത്തു. ആക്രമണത്തിന് മറുപടി…
ഇറാനിലെ ഷിയാ ആരാധനാലയത്തിൽ നടന്ന ഭീകരാക്രമണത്തെ ഇന്ത്യ ശക്തമായി അപലപിച്ചു
