തിരുവനന്തപുരം: കടുത്ത പനിയെ തുടർന്ന് നെയ്യാറ്റിന്‍‌കരയിലെ ആശുപത്രിയിൽ പ്രവേശിപ്പിച്ച മുൻ മുഖ്യമന്ത്രി ഉമ്മൻചാണ്ടിയെ ആരോഗ്യമന്ത്രി വീണാ ജോർജ് സന്ദർശിച്ചു. മുതിർന്ന കോൺഗ്രസ് നേതാവിന് ന്യൂമോണിയ സ്ഥിരീകരിച്ചതായി മകൻ ചാണ്ടി ഉമ്മൻ പറഞ്ഞു. “അച്ഛനെ കടുത്ത പനിയെ തുടർന്ന് നിംസിൽ പ്രവേശിപ്പിച്ചു. പിതാവിന് ചെറിയ തോതിൽ ന്യുമോണിയ ഉണ്ടെന്ന് സ്ഥിരീകരിച്ചു,” ചാണ്ടി ഉമ്മൻ ഫേസ്ബുക്ക് പോസ്റ്റിൽ കുറിച്ചു. മുഖ്യമന്ത്രി പിണറായി വിജയന്റെ നിർദേശപ്രകാരം ആരോഗ്യമന്ത്രി വീണാ ജോർജ്ജ് ഉമ്മന്‍ ചാണ്ടിയെയും കുടുംബത്തെയും ആശുപത്രിയിൽ സന്ദർശിച്ചു. തിങ്കളാഴ്ച മുഖ്യമന്ത്രി ചാണ്ടി ഉമ്മനെ വിളിച്ച് പിതാവിന്റെ ആരോഗ്യവിവരങ്ങൾ ചോദിച്ചറിഞ്ഞിരുന്നു. ആരോഗ്യനില പരിശോധിക്കാൻ മെഡിക്കൽ ബോർഡ് രൂപീകരിച്ചതായും വീണാ ജോര്‍ജ്ജ് പറഞ്ഞു. ശ്വാസകോശ സംബന്ധമായ അണുബാധയെ തുടർന്നാണ് ചാണ്ടിയെ പ്രവേശിപ്പിച്ചിരിക്കുന്നതെന്നും ആരോഗ്യനില തൃപ്തികരമാണെന്നും അദ്ദേഹത്തെ ചികിത്സിക്കുന്ന ഡോക്ടർ മഞ്ജു തമ്പി പറഞ്ഞു. “നോൺ ഇൻവേസീവ് വെന്റിലേഷൻ ആരംഭിച്ചു. അദ്ദേഹത്തിന്റെ നില തൃപ്തികരമാണെന്നും അവർ…
ന്യൂമോണിയ ബാധയെത്തുടര്‍ന്ന് മുൻ മുഖ്യമന്ത്രി ഉമ്മൻചാണ്ടിയെ ആശുപത്രിയിൽ പ്രവേശിപ്പിച്ചു
